03 Dec 2014, 11:01
ނުކުޅެދުންތެރިކަން ހުންނަ މީހުންނަށް އެހީތެރިކަން ފޯރުކޮށްދިނުމަށް ޓަކައި އެ ފަރާތްތަކުން ކުރާ ވިޔަފާރި އަށް ޑިސްކައުޓް ލިބޭ ކާޑެއް "ދަރުމަވެރިވާށެވެ" މި ޕްރޮގްރާމްގެ ދަށުން މިއަދު ތައާރަފްކޮށްފި އެވެ.
ބައިނަލްއަގުވާމީ ގޮތުން މިއަދު ފާހަގަކުރަމުން އަންނަ ނުޅުޅެދުންތެރިކަން ހުންނަ މީހުންގެ ދުވަހާ ގުޅިގެން ކަލާފާނު ސްކޫލްގައި މިއަދު ބޭއްވި ހާއްސަ ރަސްމިއްޔާތެއްގައި އެ ކާޑު ތައާރަފްކޮށްދެއްވީ ރައީސުލްޖުމްހޫރިއްޔާގެ އަނބިކަބަލުން ފާތުމަތު އިބްރާހިމް އެވެ.
"ދަރުމަވެރިވާށޭ" މި ޕްރޮގްރާމްގެ ދަށުން މިއަދު އަލަށް ތައާރަފްކުރި އެ ޑިސްކައުޓް ކާޑު ބޭނުން ކޮށްގެން މާލޭގެ 17 ފިހާރައަކުން ވިޔަފާރި ކުރުމުން ޑިސްކައުންޓް ލިބިގެންދާނެ އެވެ.
އެ ރަސްމިއްޔާތުގައި މިއަދު ވަނީ ނުކުޅެދުންތެރިކަން ހުންނަ ފަރާތްތަކަށް ފަސޭހަކަމާ އެކު ހިދުމަތް ލިބޭނެ ގޮތް ހެދުމަށްޓަކައި މިނިސްޓްރީ އޮފް ލޯ އެންޑް ޖެންޑާގެ ފަރާތުން ހާއްސަ ކާޑެއް ތައާރަފްކޮށްފަ އެވެ. އެ ކާޑުން ލިބޭ ހިދުމަތްތަކުގެ ތެރޭގައި ސިއްހީ ހިދުމަތްތަކާއި ދަތުރުފަތުރުގެ ހިދުމަތްތައް ހިމެނެ އެވެ. އެ ކާޑު ވެސް އިފްތިތާހުކޮށްދެއްވީ ރައީސްގެ އަނބިކަބަލުންނެވެ.
މީގެއިތުރުން ނުކުޅެދުންތެެރިިކަން ހުންނަ ފަރާތްތަކަށް އެހީތެރިކަން ފޯރުކޮށްދިނުމަށް "ގުޑްވިލް އެމްބެސެޑަރުން" ގެ ނަމުގައި އެމްބެސަޑަރުންތަކެއް މިއަދުގެ އެ ރަސްމިއްޔާތުގައި ވަނީ ކަނޑައަޅާފަ އެވެ.
