ޖައުސާ ޓްރޭޑިންގް އޮފީހުގެ ތިޖޫރީ ފަޅާލައި ފައިސާތަކެއް ވަގަށް ނަގައިފި

18 Nov 2014, 10:48

ޖައުސާ ޓްރޭޑިންގް އޮފީހުގެ ތިޖޫރީ ފަޅާލައި ގިނަ އަދަދެއްގެ ފައިސާ ވަގަށް ނަގައިފި އެވެ.

ފުލުހުންގެ މީޑިއާ އޮފިޝަލު މިއަދު ސަން އަށް ވިދާޅުވީ އެ މައްސަލަ ރިޕޯޓުކޮށްފައި ވަނީ މިއަދު ހެނދުނު 8:00 ހާއިރު ކަމަށެވެ.

ހެންވޭރު ޑާވިންސީ އިމާރާތުގެ ދެ ވަނަ ފަންގިފިލާގައި ހިންގާ ޖައުސާ ޓްރޭޑިންގް އޮފީސް ފަޅާލާފައި ވަނީ އެ އޮފީހުގެ އިރުމަތީ ފަރާތުގެ ކުޑަދޮރެއް ހަލާކުކޮށްލައިގެން ވަދެ ކަމަށް ފުލުހުންގެ މީޑިއާ އޮފިޝަލު ވިދާޅުވި އެވެ.

އެ އޮފީހުގެ ތިޖޫރީ ފަޅާލައި 15،000 ރުފިޔާ އާއި 250 ޑޮލަރު ވަގަށް ގެންގޮސްފައިވާ ކަމަށް ފުލުހުންގެ މީޑިއާ އޮފިޝަލު ވިދާޅުވި އެވެ.

އެ މައްސަލައާ ގުޅިގެން އަދި މިހާތަނަށް މީހަކު ހައްޔަރުކޮށްފައިނުވާ ކަމަށް ފުލުހުން ބުނެ އެވެ.