29 Oct 2014, 13:44
"ކުށްވެރިން ބަދަލުކުރުމުގެ ބިލު" ރައްޔިތުންގެ މަޖިލީހަށް ސަރުކާރުގެ ފަރާތުން ރައްޔިތުންގެ މަޖިލީހަށް ފޮނުވައިފިއެވެ.
ރައީސް އޮފީހުން ބުނީ އެ ބިލު ހުށަހަޅާފައިއެވަނީ، ބޭރު ގައުމުތަކުގައި ކުށްކޮށް، ހުކުމް ތަންފީޒުކުރަމުންދާ ދިވެހި ކުށްވެރިން، ދިވެހި މުޖުތަމައަށް އެނބުރިއައުމަށް މަގުފަހިކޮށްދިނުމުގެ ގޮތުން، އެމީހުންގެ ހުކުމް ދިވެހިރާއްޖޭގައި ތަންފީޒުކޮށް ނިންމުމަށްޓަކައި ދިވެހިރާއްޖެއަށް އެމީހުން އަނބުރާ ގެނެވޭނެ މަގު ތަނަވަސްކޮށްދިނުމުގެ ބޭނުމުގައި ކަމަށެވެ.
ދިވެހިރާއްޖޭގައި ކުށްކޮށް، ހުކުމް ތަންފީޒުކުރަމުންދާ ބޭރު ގައުމުތަކުގެ ކުށްވެރިން، އެމީހުންގެ މުޖުތަމައަށް އެނބުރިދިޔުމަށް މަގުފަހިކޮށްދިނުމުގެ ގޮތުން، އެމީހުންގެ އަމިއްލަ ގައުމުގައި ހުކުމް ތަންފީޒުކޮށް ނިންމުމަށްޓަކައި އެމީހުންގެ ގައުމަށް އެމީހުން އަނބުރާ ފޮނުވޭނެ މަގު ތަނަވަސްކޮށްދިނުމަކީވެސް އެ ބިލް ހުށަހެޅުމުގެ ބޭނުމެއް ކަމަށް ރައީސް އޮފީހުން ބުންޏެވެ.