15 Sep 2014, 16:13
ރައީސުލްޖުމްހޫރިއްޔާގެ އަނބިކަނބަލުން ފާޠިމަތު އިބްރާހީމް، ޗައިނާ ރައީސްގެ އަނބިކަނބަލުން މެޑަމް ޕެންގ ލިއުއާންއާ ބައްދަލުކުރައްވައިފި އެވެ.
މިއަދު ހެނދުނު މުލީއާގޭގައި އޮތް އެ ބައްދަލުކުރެއްވުމުގައި ދެ ޤައުމުގެ އިޖްތިމާޢީ ތަރައްގީއާ ގުޅޭ އެކި ދާއިރާތަކާ ބެހޭގޮތުން ވަރަށް ފުޅާ ދާއިރާއެއްގައި މަޝްވަރާ ކުރެއްވި އެވެ. މިގޮތުން، ޚާއްޞަ އެހީއަށް ބޭނުންވާ ކުދިންގެ ޙައްގުތައް ހޯއްދަވައިދެއްވުމަށް ޓަކައި ކުރެވޭ މަސައްކަތްތަކާއި އަންހެނުންގެ ތަރައްގީއަށް ދިމާވެފައިވާ ގޮންޖެހުންތަކާ ބެހޭ ގޮތުން ދެ ބޭފުޅުން މަޝްވަރާ ކުރެއްވި ކަމަށް ރައީސް އޮފީހުން މިއަދު ބުންޏެވެ.
ރައީސުލްޖުމްހޫރިއްޔާގެ އަނބިކަނބަލުން ފާޠިމަތު އިބްރާހީމް، ޗައިނާ ރައީސްގެ އަނބިކަނބަލުން މެޑަމް ޕެންގ ލިއުއާންއާ ބައްދަލު ކުރު،ުގެ ރަސްމިއްޔާތު ތެރެއިން-- ފޮޓޯ ރައީސް އޮފީސް
އެ ބައްދަލުކުރެއްވުމުގައި ފޮރިން މިނިސްޓްރީގެ ނައިބު ފާޠިމަތު ޢިނާޔާ އާއި ހެލްތު މިނިސްޓްރީގެ ޑެޕިއުޕިއުޓީ ޑިރެކްޓަރު ޖެނެރަލް ފާޠިމަތު ސާމިޔާ ބައިވެރިވެވަޑައިގެންނެވި އެވެ.