06 Jul 2014, 15:15
ޕޮލިސް އިންޓެގްރިޓީ ކޮމިޝަންގައި މިހާރު ހިމެނޭ ތިން މެންބަރެއްގެ މަގާމުގެ މުއްދަތު މި މަހުގެ 26 ވަނަ ދުވަހުގެ ނިޔަލަށް ހަމަވާތީ އެ ކޮމިޝަނަށް ތިން މެންބަރުން އައްޔަން ކުރެއްވުމަށް ޓަކައި ތިން ބޭފުޅެއްގެ ނަންފުޅު ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވައިފިއެވެ.
ރައީސް އަބްދުﷲ ޔާމީން މަޖިލީހަށް ފޮނުއްވީ ހ. ގްލޯރިއޯސާ އަލްއުސްތާޒު އަލީ ނަދީމު އާއި ދަފްތަރު ނަންބަރު 1320 ފާތިމަތު ސަރީރާ އަލީ ޝަރީފު އާއި ސ.މީދޫ ހަސަންކާރިގޭ މުހައްމަދު ފަރުހާދު ގެ ނަންފުޅެވެ.
ރައީސް އޮފީހުން ބުނީ އެ ތިން ބޭފުޅުންގެ ނަންފުޅު ރައީސް ޔާމީން މަޖިލީހަށް ފޮނުއްވީ ފުލުހުންގެ ގާނޫނު ގެ 22 ވަނަ މާއްދާގެ (ރ) ގައިވާ ގޮތުގެމަތިން، އާންމުކޮށް އިއުލާނު ކުރުމުން އެކަމަށް އިޖާބަ ދެއްވި ބޭފުޅުންގެ ތެރެއިން ރައީސުލްޖުމްހޫރިއްޔާއަށް ފެނިވަޑައިގަންނަވާ ތިން ބޭފުޅުންގެ ގޮތުގައި ކަމަށެވެ.