26 Jun 2014, 12:12
ރައީސުލްޖުމްހޫރިއްޔާގެ އަނބިކަނބަލުން ފާޠިމަތު އިބްރާހީމް، ސްރީލަންކާ ރައީސްގެ އަނބިކަނބަލުން ޝިރާންތީ ރާޖަޕަކްސައާ ބައްދަލުކުރައްވައިފި އެވެ.
އިއްޔެ ހަވީރު މުލީއާގޭގައި އޮތް އެ ބައްދަލުކުރެއްވުމުގައި އިޖުތިމާޢީ ދާއިރާ އިން ދެބޭފުޅުން ކުރައްވަމުން ގެންދަވާ މަސައްކަތްޕުޅުތަކުގެ މައްޗަށް ބައްލަވާލެއްވި އެވެ. އަދި ރާއްޖޭގައި ތިބި ޚާއްޞަ އެހީއަށް ބޭނުންވާ ކުދިންގެ ޙާލަތު ރަނގަޅު ކުރުމަށް، އިތުރަށް ކުރެވިދާނެ މަސައްކަތްތަކާ ގުޅޭ ގޮތުން ވެސް މަޝްވަރާ ކުރެއްވި އެވެ.