Last Updated: 1 decade 1 year ago

Last Updated:
1 decade 1 year ago

ޓިކެޓް މައްސަލާގައި ކުރި މުޒާހަރާ ހުއްޓާލައިފި

ބުލޮގު ޚުލާސާ

މިހާރު ކުރިޔަށްދާ އޭއެފްސީ ޗެލެންޖްކަޕްގެ ސެމީފައިނަލްގައި އަންނަ އަންގާރަ ދުވަހުގެ ރޭ ރާއްޖެ އާއި ފިލިފިންސް ބައްދަލުކުރާ މެޗްގެ ޓިކެޓް ގަންނަން ގަލޮޅު ރަސްމީ ދަނޑު ކައިރީގައި ކިއޫ ހަދާފައި ތިބި މީހުންގެ މެދުގައި ހަމަނުޖެހުން ހިނގަމުން ދިއުމާ ގުޅިގެން މެޗްގެ ޓިކެޓް ވިއްކުން ފަސްކޮށްފި އެވެ.

ސަން އަށް މައުލޫމާތު ދެއްވަމުން އެފްއޭއެމްގެ ރައީސް އިލްހާމް އަހްމަދު މިއަދު ވިދާޅުވީ ސެމީ ފައިނަލް މެޗްގެ ޓިކެޓް ގަތުމަށް ދަނޑު ކައިރީ ތިބި ގިނަ ބައެއްގެ ދެމެދުގައި ހަމަނުޖެހުން ހިނގަމުން ދިޔުމާ ގުޅިގެން މެޗްގެ ޓިކެޓް ވިއްކުން ފަސްކުރީ ކަމަށެވެ.

"ގަލޮޅު ދަނޑު ކައިރީގައި ވެސް އެސްޓީއޯ ހޯމް އިމްޕްރޫވްމަންޓް ކައިރީގައި ވެސް މިވަނީ ގިނަ ބައެއް ހެނދުނުއްސުރެ ކިއޫ ހަދާފައި. އެގޮތަށް އޮއްވައި ތަނުގެ މަސްލަހަތު ގެއްލުމާ ގުޅިގެން ފުލުހުންނާ ވެސް މަޝްވަރާ ކުރުމަށް ފަހު އަޅުގަނޑުމެން މި ނިންމީ މިއަދު ޓިކެޓް ނުވިއްކަން." އިލްހާމް ވިދާޅުވި އެވެ.

އިލްހާމް ވިދާޅުވީ ތަނުގެ މަސްލަހަތު ގެއްލުމާ ގުޅިގެން ފުލުހުންނާ ވެސް މަޝްވަރާކޮށްފައިވާ ކަމަށާއި އެބޭފުޅުންގެ ފަރާތުން ވެސް ޓިކެޓް ވިއްކުން ހުއްޓާލުމަށް އިރުޝާދު ދީފައިވާ ކަމަށެވެ.

މަސްލަހަތު ގެއްލުމާ ގުޅިގެން ޓިކެޓް ވިއްކުން މިއަދު ފަސްކޮށްފައިވާ އިރު އަލުން ޓިކެޓް ވިއްކާނެ ތާރީހެއް މިރޭގެ ވަގުތެއްގައި އިއުލާން ކުރާނެކަމަށް އިލްހާމް ވިދާޅުވި އެވެ.

"މިހާރު މިވަނީ ތަނުގެ މަސްލަހަތު ވަރަށް ބޮޑަށް ގެއްލިފައި. އެހެންވީމާ މިރޭ އަޅުގަނޑުމެން އަލުން އިއުލާން ކުރާނަން ޓިކެޓް ވިއްކާނެ ތާރީހަކާއި ގަޑިއެއް." އިލްހާމް ވިދާޅުވި އެވެ.

17:32

މިހާރު ކުރިޔަށްދާ އޭއެފްސީ ޗެލެންޖްކަޕްގެ ސެމީފައިނަލްގައި އަންނަ އަންގާރަ ދުވަހުގެ ރޭ ރާއްޖެއާއި ފިލިފިންސް ބައްދަލުކުރާ މެޗްގެ ޓިކެޓް ނުވިއްކުމުން ކުރި މުޒާހަރާ ހުއްޓާލާފި އެވެ.

މުޒާހަރާގެ ބައިވެރިން ބުނީ މުޒާހަރާ ހުއްޓާލާ، އެ ސަރަހައްދު ދޫކޮށް ދާން ނިންމީ އަލުން ޓިކެޓް ވިއްކާނެ ކަމަށް އެފްއޭއެމުން އެއްބަސްވުމުން ކަމަށެވެ.

ސަން އަށް މައުލޫމާތު ދެއްވަމުން އެފްއޭއެމްގެ ރައީސް އިލްހާމް އަހްމަދު މިއަދު ވިދާޅުވީ ސެމީފައިނަލް މެޗްގެ ޓިކެޓް ގަތުމަށް ދަނޑުކައިރީ ތިބި ގިނަ ބައެއްގެ ދެމެދުގައި ހަމަނުޖެހުން ހިނގަމުން ދިޔުމާ ގުޅިގެން މެޗްގެ ޓިކެޓް ވިއްކުން ފަސްކުރީ ކަމަށާއި މިރޭގެ ވަގުތެއްގައި ޓިކެޓް ވިއްކާނެ ވަގި ގަޑިއެއް އިއުލާން ކުރާނެ ކަމަށެވެ.

މިއަދު ފަތިހުން ފެށިގެން މެޗްގެ ޓިކެޓް ގަތުމަށް ގިނަ ބަޔަކު ގަލޮޅު ދަނޑު ކައިރީގައި ކިއޫ ހަދާފައި ވާއިރު އެ ސަރަހައްދުގެ މަސްލަހަތު ގޯސްވުމުގެ ސަބަބުން އެފްއޭއެމް އިން ވަނީ މިއަދު ޓިކެޓް ނުވިއްކަން ނިންމާފަ އެވެ. އެކަމުގެ ސަބަބުން ކިއޫގައި ތިބި މީހުން ވަނީ އެފްއޭއެމް ދޮށަށް އެއްވެ ޓިކެޓް ވިއްކުމަށް ގޮވާލާ އަޑު އުފުލާފަ އެވެ.

އެފްއޭއެމް އިން މިއަދު ހަވީރު ބޭއްވި ނޫސްވެރިންގެ ބައްދަލުވުމެއްގައި އިލްހާމް ވިދާޅުވީ ޓިކެޓް ތަކުގެ ތެރެއިން ވިއްކުމަށް މިހާރު ބާކީ ހުރީ ޖުމްލަ 1150 ޓިކެޓް ކަމަށެވެ. އެއީ ސެމީ ފައިނަލްގެ 150 ޓިކެޓާއި ފައިނަލް މެޗްގެ 1000 ޓިކެޓެވެ.

އިލްހާމް ވިދާޅުވީ އެ ދެ މެޗްގެ ޓިކެޓް ވިއްކާނީ އެއް ގަޑިއެއްގައި ކަމަށާއި "ކޮންމެ މީހަކަށްވެސް ގަންނަން ލިބޭނީ އެއް ޓިކެޓް" ކަމަށެވެ. އެއީ ސެމީފައިނަލުން ނަމަ ސެމީފައިނަލުން ކަމަށާއި ފައިނަލް މެޗްގެ ޓިކެޓް ނަމަ ފައިނަލް މެޗްގެ ޓިކެޓްކަމަށް އިލްހާމް ވިދާޅުވި އެވެ.

16:56

އެފްއޭއެމްގެ ފަރާތުން ބޭއްވި ނިއުސް ކޮންފަރެންސް ނިންމާލައިފި.

16:46އިލްހާމް އަހްމަދު، އެފްއޭއެމްގެ ރައީސް

މިހާރު މާހައުލު އޮތްގޮތުން ބްލެކްމާކެޓުގައި ޓިކެޓު ވިއްކުން އިތުރުވެދާނެ. ފުލުހުންނާ ގުޅިގެން އެކަން ހުއްޓުވަން ކުރެވެން ހުރި މަސައްކަތެއް ކުރާނަން. ބްލެކްމާކެޓުގައި ޓިކެޓު ނުވިއްކުމަށް އަޅުގަނޑު އެދެން.

16:43އިލްހާމް އަހްމަދު، އެފްއޭއެމްގެ ރައީސް

އެކްސިޑެންޓް ހިނގުމާ ގުޅިގެން ރާއްޖެއާ ދޭތެރޭ އޭއެފްސީން ކޮންމެވެސް ވަރެއްގެ ފިޔަވަޅެއް އަޅާނެ. އެއީ ޖޫރިމަނާއެއްތޯ ނުވަތަ އެހެންގޮތަކަށްތޯ ދަންނަވަން ދަތި.

16:41އެފްއޭއެމްގެ ޑައިރެކްޓާ އޮފް ނޭޝަނަލް ޓީމް، އަލީ ސުޒައިން

މިސްޔޫސްކުރާނެ ގޮތަކަށް އެފްއޭއެމްގެ ސްޓާފުންނަށް ޓިކެޓު ލިބޭނެ ގޮތެއް ނޯންނާނެ.

16:40އިލްހާމް އަހްމަދު، އެފްއޭއެމްގެ ރައީސް

ފައިނަލް މެޗުގެ ބާކީ ޖުމްލަ ހުރީ 2000 ޓިކެޓު. އޭގެތެރެއިން 1000 ޓިކެޓު ވަނީ ރިޒާވުކުރެވިފައި. ބާކީ ހުރި 1000 ޓިކެޓު ވިއްކާނަން

16:34އިލްހާމް އަހްމަދު، އެފްއޭއެމްގެ ރައީސް

ބައެއް ފަހަރު އެފްއޭއެމްގެ މުވައްޒަފުންނަށް ތިން ޓިކެޓު ފޯރުކޮށްދީފައި ވަނީ. އެއީ އެފްއޭއެމްގެ މުވައްޒަފުން ކަމަށްވާތީ ކުރާކަމެއް.

16:31އިލްހާމް އަހްމަދު، އެފްއޭއެމްގެ ރައީސް

ރާއްޖެ ސެމީ ފައިނަލަށް ނުގޮސްފިނަމަ ޓިކެޓު ގަންނާނެ ބަޔަކު ނުވާނެތީ. އަޅުގަނޑު އެފްއޭއެމްގެ ނާއިބް ރައީސް ޖޭފޯ ކައިރީ ދެންނެވިން ޓިކެޓުތައް ވިއްކާލާށޭ.

16:30އިލްހާމް އަހްމަދު، އެފްއޭއެމްގެ ރައީސް

އަޅުގަނޑުމެން ނުބުނަން މިވެނި މެޗެކޭ، އެވެނި މެޗެކޭ ވިއްކަނީ. ގަނޑުކޮށް ވިއްކަމުން ދިޔައީ.

16:28އިލްހާމް އަހްމަދު، އެފްއޭއެމްގެ ރައީސް

ސެމީފައިނަލްގެ 150 ޓިކެޓާއި ފައިނަލްގެ 1000 ޓިކެޓު އެއްކޮށް ވިއްކާ ގަޑީގައި، ޓިކެޓު ނަގާއިރު ލިބޭނީ ކޮންމެ މީހަކަށް އެއް ޓިކެޓު. އެއީ ސެމީ ފައިނަލް ނަމަ ސެމީ ފައިނަލް. ފައިނަލް ނަމަ ފައިނަލް. ދެ މެޗަކަށް އެކަކަށް ޓިކެޓެއް ނުލިބޭނެ.

16:25އިލްހާމް އަހްމަދު، އެފްއޭއެމްގެ ރައީސް

ރައްޔިތުން ބޭނުންވާ ގޮތަށް ކަންކަން ނުކުރެވޭތީ އަޅުގަނޑު މައާފަށް އެދެން.

16:22އިލްހާމް އަހްމަދު، އެފްއޭއެމްގެ ރައީސް

އަފްޣާނިސްތާނުގެ ޓީމް ރޭ އެކްސިޑެންޓުވުމާ ގުޅިގެން މިހާރު ރާއްޖޭގައި މުބާރާތެއް ބޭއްވިދާނެތޯ އޭއެފްސީން ދަނީ ސުވާލުއުފައްދަމުން.

16:19އިލްހާމް އަހްމަދު، އެފްއޭއެމްގެ ރައީސް

މިއަދު އޭއެފްސީން އަޅުގަނޑާ ގުޅާފަ ސުވާލުކުރަނީ މި މެޗްބޭއްވޭނެ އަމާން މާހައުލެއް ގާއިމް ކުރެވިދާނެތޯ

16:18

މާދަމާ ޓިކެޓު ވިއްކަން ފަށާނެ ކަމަށް އެފްއޭއެމްގެ ރައީސް އިލްހާމް އަހްމަދު ވިދާޅުވެއްޖެ

16:16އިލްހާމް އަހްމަދު، އެފްއޭއެމްގެ ރައީސް

ފުލުހުންނާ އެކު ތިން މީޓީންއެއް މިއަދު ބޭއްވި. ފުލުހުން ބުނީ ރޭގެ ފަތިހުން ފެށިގެން ކިޔުގައި ތިބި މީހުންގެ ކިޔު ފަޅާލާފައި ބަޔަކު އެތަނަށް ވަތް ކަމަށް. އެހެން ކަމުން މިއަދު ޓިކެޓު ވިއްކުމަކީ ރަނގަޅު ގޮތް ނޫން ކަމަށް ފެންނާތީ މިއަދު ޓިކެޓު ވިއްކުން ހުއްޓާލީ.