Last Updated: 1 decade 2 year ago
Last Updated:
1 decade 2 year ago
ޗެލެންޖް ކަޕް: އަފްޣާނިސްތާން 3-1 ތުރުކްމެނިސްތާން
ބުލޮގު ޚުލާސާ
އޭއެފްސީ ޗެލެންޖް ކަޕް މޯލްޑިވްސް 2014ގެ ގްރޫޕް ބީ ގެ ހަތަރު ވަނަ މެޗުގައި އަފްޣާނިސްތާނާއި ތުރުކުމެނިސްތާން ބައްދަލު ކުރާ މެޗުގެ ލައިވް ކަވަރޭޖް.
22:52
މެޗު ނިމިއްޖެ. އަފްޣާން 3-1 ތުރުކުމެނިސްތާން.
22:51
ތުރުކުމެނިސްތާންގެ ފޯވާޑް ފަރުހާދަށް ރީނދޫ ކާޑެއް ދައްކައިފި. އަފްޣާނަށް ތުރުކުމެނިސްތާން ޕެނަލްޓީ އޭރިޔާ ބޭރުން ހިލޭ ޖެހުމެއް.
22:47
އިތުރު ވަގުތު 5 މިނިޓް ދީފި.
22:45
ތުރުކުމެނިސްތާނުން މިހާރު ކުޅެމުން ދަނީ 9 ކުޅުންތެރިންނާއެކު.
22:45
ތުރުކުމެނިސްތާންގެ ސޮޔުނޯފްއަށް ރީނދޫ ކާޑެއް. އޭނާއަށް ދެ ރީނދޫ ކާޑު ހަމަވުމުން އަންނަ މެޗުގައި ނުކުޅެވޭނެ.
22:44
އަފްޣާނުން ބަދަލެއް. ލަނޑު ޖެހި ޝަޔެސްތޭގެ ބަދަލުގައި ކުޅެން އެރުވީ 19 ނަންބަރު މުހައްމަދު އަންވަރު.
22:43
އަފްޣާނަށް ލިބުނު ހިލޭ ޖެހުމަކުން ލަނޑު ޖަހައިފި. ޝަޔެސްތޭ ފޮނުވާލި ހިލޭ ޖެހުން ކީޕަރުގެ އަތުގައި ޖެހިފައި ގޯލްގެ ތެރެއަށް.
22:41
އަފްޣާންގެ ސަންޖާރު މުޙައްމަދު އަހްމަދީ ބޯޅަ ހިފައިގެން ތުރުކުމެނިސްތާންގެ ހާފްގެ ތެރެއިން ދަނިކޮށް އަނައޮރަޒޯފް އޭނާ ހިފެހެއްޓުމުން އެންމެ ފަހު ކުޅުންތެރިޔާ އަށް ބަލާފައި ރެފްރީ ސީދާ ރަތްކާޑެއް ދެއްކީ.
22:40
ތުރުކުމެނިސްތާންގެ ޖާޒީނަންބަރު 7 އަނައޮރަޒޯފް އަށް ރަތްކާޑެއް ދައްކައިފި.
22:39
ތުރުކުމެނިސްތާން އެއް ކުޅުންތެރިއަކު މަދުން ކުޅެމުން ދިޔަނަމަވެސް ކުރިއަށް ޖެހިގެން ހަމަލާއެއް އުފެއްދޭތޯ މަސައްކަތްކުރަމުން މިދަނީ.
22:34
ތުރުކުމެނިސްތާންގެ ގޯލް މިބަލަހައްޓަނީ ކުރިން މިޑްފީލްޑަރަކަށް ކުޅުނު ޖާޒީ ނަންބަރު 8 އަހްމަދޯފް ބަހްތިޔާރް.
22:33
އަފްޣާނުން ފޮނުވަލި ހިލޭ ޖެހުން ގޯލްގެ ދަނޑީގައި ޖެހިފައި ބޭރަށް ނުކުތީ.
22:31
ކުޅުންތެރިން ބުނަނީ، ކީޕަރުގެ އަތުގައި ނުޖެހޭ ކަމަށް. އެހެން ނަމަވެސް ރެފްރީ މިވަނީ ފަހުގެ ނިންމުން ނިންމާފައި. ތުރުކުމެނިސްތާނުން ކީޕަރަކަށް މި އެރުވީ ކުޅުންތެރިއެއް މިހާރު.
22:29
ތުރުކުމެނިސްތާން ހާފުގެ މެދުތެރެއިން އަފްޣާން ކުޅުންތެރިއަކު އެކަނި ބޯޅަ ހިފައިގެން ދަނިކޮށް ކީޕަރު ގޮރްބުނޯފް ބޯޅައިގައި އަތްލުމުން ރެފްރީ އޭނާއަށް ރަތް ކާޑު ދެއްކީ.
22:29
ތުރުކުމެނިސްތާން ކީޕަރަށް ރަތްކާޑެއް.
22:27
ތުރުކުމެނިސްތާނުން އަނެއްކާވެސް ހަމަލާއެއް. އަފްޣާން ޕެނަލްޓީ އޭރިޔާ ބޭރުން ފޮނުވާލި ބާރު ހަމަލާ ހުރަސް ދަނޑިމަތިން ބޭރަށް.
22:26
ތުރުކުމެނިސްތާނުން ކޯނަރަކުން އަނެއްކާ ވެސް ހަމަލާއެއް. އަފްޣާން ގޯލް ތެރެއަށް ވަދެވަދެ އޮއްވާ އެޓީމު ކުޅުންތެރިން ކޯނަރަކަށް ބޭރުކޮށްލީ.
22:25
ތުރުކުމެނިސްތާނުން ނުރައްކާތެރި ހަމަލާއެއް. އަފްޣާންގެ ޕެނަލްޓީ އޭރިޔާ ތެރެއަށް ވަދެ ފޮނުވާލި ބޯޅަ ކޯނަރަކަށް ބޭރުކޮށްލީ.
22:24
ތުރުކުމެނިސްތާން ކުޅުންތެރިން އަފްޣާން ގޯލް އޭރިޔާތެރެއަށް ހުރަސްކޮށްލި ބޯޅަ ކީޕަރު ފަގިރްޔާރު ހިފީ.
22:22
ތުރުކުމެނިސްތާން ޓީމުން ބަދަލެއް. 11 ނަންބަރުގެ ބަދަލުގައި ކުޅެން އެރީ 22 ނަންބަރު.
22:21
އަފްޣާން ޕެނަލްޓީ އޭރިޔާ ތެރެއަށް ބޯޅަ ހިފައިގެން ވަދެ ވަރަށް ރީއްޗަށް ގޯލް ތެރެއަށް ބޯޅަ ފޮނުވާލައިގެން ތުރުކުމެނިސްތާންގެ ފުރަތަމަ ލަނޑު ޖަހައިދިނީ، މުހަދޯފް ސުލޭމާން.
22:21
ތުރުކުމެނިސްތާނުން ލަނޑުޖަހައިފި.
22:18
އަފްޣާންގެ ޝަޔެސްތޭ ތުރުކުމެނިސްތާން އެރިޔާތެރެއަށް ހުރަސްކޮށްލި ބޯޅަ ވަރަށް ބާރަށް ގޯލުގެ ތެރެއަށް ފޮނުވާލައިގެން އަފްޣާންގެ ދެވަނަ ލަނޑު ކާމިޔާބުކޮށްދިނީ އަޙްމަދު އާރާޝް ހަތީފީ.
22:17
އަފްޣާނުން ދެވަނަ ލަނޑު ޖަހައިފި.
22:15
އަފްޣާން ކީޕަރު މަންސުރު ފަގިރްޔާރަށް ރެފްރީ ރީނދޫ ކާޑެއް ދައްކައިފި.
22:14
އަފްޣާނުން ބަދަލެއް. ބެލާލް އެރޭޒޫގެ ބަދަލުގައި ކުޅެން އެރީ 17 ނަންބަރު މުސްތަފާ ޒަޒާއި.
22:10
ތުރުކުމެނިސްތާނުން ބަދަލެއް. 13 ނަންބަރު ބޭރަމޯފްގެ ބަދަލުގައި 10 ނަންބަރު އަބިލޯފް.
22:09
ތުރުކުމެނިސްތާނަށް ކޯނަރެއް.
22:05
ތުރުކްމެނިސްތާނުން ފައުލް ކުރުމުން ފައުލެއް. ފައުލް ކުރި ކުޅުންތެރިޔާއަށް ވަނީ ރީނދޫ ކާޑު ދައްކާފައި.
22:02
ދެވަނަ ހާފު ތުރްކުމެނިސްތާނުން ފެށުމާއެކު އަފްޣާނިސްތާން ކުޅުންތެރިޔަކު ބޯޅަ ހިފައިންގެ ތުރްކުމެނިސްތާން ގޯލަށް ހަމަލާއެއް އުފައްދަން މަސައްކަތްކޮށްފި. ނަމަވެސް އޭގެ ކުރިން ކީޕަރު ވަނި ބޯޅަ އަތުލާފައި.
22:02
ދެ ވަނަ ހާފު ފަށައިފި.
21:47
ފުރަތަމަ ހާފްގެ ކުޅުން ނިމިއްޖެ. އަފްޣާން 1-0 ތުރުކުމެނިސްތާން.
21:46
އަފްޣާނަށް ލިބުނު ކޯނަރެއް ތުރުކުމެނިސްތާންގެ ޕެނަލްޓީއޭރިޔާ ތެރެއަށް ހުރަސް ކޮށްލުމުން އަފްޣާންގެ ހާރޫން ބޮލުން ޖަހައި ގޯލްގެ ތެރެއަށް ބޯޅަ ފޮނުވާލީ.
21:45
އަފްޣާން ލަނޑު ޖަހައިފި.
21:43
ފުރަތަމަ ހާފްގެ ފުރިހަމަ ވަގުތު ހަމަވާން މިއޮތީ އެންމެ މިނިޓެއް. އަދި ވެސް އެއްވެސް ޓީމަކަށް ލަނޑެއް ނުޖެހޭ.
21:41
އަފްޣާންގެ ޝަޔެސްތޭ ތުރުކުމެނިސްތާންގެ ޕެނަލްޓީ އޭރިޔާތެރެއަށް ހުރަސްކޮށްލި ބޯޅަ ތުރުކުމެނިސްތާން ކުޅުންތެރިން ދިފާއުކޮށްފި.
21:41
މެޗު ފެށިއިރު މޫސުން ރީތިކޮށް އޮތް ނަމަވެސް މިހާރު ބޯކޮށް ވާރޭ ވެހެމުން ދަނީ.
21:39
ތުރުކުމެނިސްތާންގެ މުހައްމަދޯފް ސުލޭމާން އަފްޣާންގެ ޕެނަލްޓީ އޭރިޔާގެ ރޮނގުމަތިން ފޮނުވާލި ބާރު ހަމަލާ ދަނޑިމަތިން ބޭރަށް.
21:33
މެޗުގެ 34 މިނިޓްގެ ކުޅުން ނިމުނީ. އެއްވެސް ޓީމަކަށް ނަތީޖާ ބަދަލުކޮށްލެވޭ ގޮތެއް ނުވޭ.
21:32
ތުރުކުމެނިސްތާންގެ ފޯވާޑް ދުރުދިޔޭވް އަފްޣާންގެ ޕެނަލްޓީ އޭރިޔާ ބޭރުން ފޮނުވާލި ބާރު ހަމަލާ ކީޕަރު މަންސުރުގެ އަތަށް.
21:22
އަފްޣާން ކުޅުންތެރިއެއް އަތުން ބޯޅަ ހޯދަން އުޅުމުގެ ތެރޭގައި އެ ކުޅުންތެރިޔާ އަށް ފައުލުކުރުމުން ތުރުކުމެނިސްތާންގެ 11 ނަންބަރު ދުރްދިޔޭފްއަށް މިވަނީ ރީނދޫ ކާޑެއް ދައްކާފައި.
21:16
މިރޭގެ މެޗަށް މި ދެޓީމު ނުކުތްއިރު، އަފްޣާނަށް ލިބިފައިވަނީ 1 ޕޮއިންޓް އަދި ތުރުކުމެނިސްތާން ވަނީ 3 ޕޮއިންޓް ހޯދާފައި. އެހެން ކަމުން އަފްޣާނަށް މިމެޗުން މޮޅުވުން ވަރަށް މުހިއްމުވާނެ.
21:16
ތުރުކުމެނިސްތާނަށް ކޯނަރެއް.
21:13
މިރޭގެ މެޗު ބަލަން ދަނޑަށް ވަންނަން ބޭނުން ގިނަ ބަޔަކު އައްޑޫ ދަނޑުގެ ބޭރުގައި ޓިކެޓް ނުލިބިފައި އެބަތިބި.
21:10
މެޗު ފެށިގެން 11 މިނިޓްގެ ކުޅުން ނިމުނުއިރު އަފްޣާނުން މިވަނީ ތުރުކުމެނިސްތާންގެ ގޯލަށް ދެތިންފަހަރެއްގެ މަތިން ނުރައްކާކޮށްފައި. އެހެން ނަމަވެސް ތުރުކުމެނިސްތާނަށް އަދި ހަމަލާއެއް އުފެއްދޭ ގޮތެއް ނުވޭ.
21:10
އަފްޣާންގެ ހަދީދު މުސްތަފާ ތުރުކުމެނިސްތާންގެ ޕެނަލްޓީއޭރިޔާތެރެއަށް ވަދެ ފޮނުވާލި ބޯޅަ ގޯލް ދަނޑީގެ މަތިން ބޭރަށް.
21:07
އަފްޣާންގެ މުސްތަފާ އަޒަދު ޒޯއީ ތުރުކުމެނިސްތާނުގެ ޕެނަލްޓީ އޭރިޔާތެރެއަށް ވަދެ ނަގައި ދިން ހުރަސް އަފްޣާން ކުޅުންތެރިއަކަށް ނުލިބި އަރިމަތިން ބޭރަށް.
21:00
އަފްޣާނުން މެޗު ފެށިގޮތަށް ހަމަލާއެއް އުފައްދައިފި. އެހެން ނަމަވެސް ތުރުކުމެނިސްތާން ގޯލަށް ބޯޅަ ފޮނުވާލިއިރު އަފްޣާން ކުޅުންތެރިއަކު ހުރީ އޮފްސައިޑްވެފައި.
21:00
މެޗު ފަށަައިފި.
20:59
މެޗު ފަށަން ދެޓީމު ކުޅުންތެރިން ދަނޑަށް ނުކުމެއްޖެ. މެޗު ފަށަނީ އަފްޣާނިސްތާނުން.
20:56
ތުރުކުމެނިސްތާންގެ ގައުމީ ސަލާމް.
20:54
އަފްޣާން ގައުމީ ސަލާމް.