މި މެޗުގެ ނަތީޖާއާއެކު ފިލިޕިންސަށް މިވަނީ ދެ މެޗު ކުޅެގެން 4 ޕޮއިންޓާއެކު ގްރޫޕުގެ ކުރި ލިބިފައި. މިރޭގެ މެޗުގައި ވާދަކުރާނީ އަފްޣާނިސްތާނާއި ތުރުކުމެނިސްތާން. މި މެޗު ކުޅޭނީ އައްޑޫ ފުޓްބޯޅަ ދަނޑުގައި މިރޭ 9:00ގައި.

މި މެޗުން ބަލިވުމާއެކު ލާއޮސް މިވަނީ މުބާރާތުން ކަޓާފައި. އެޓީމު ފުރަތަމަ ކުޅުނު މެޗުން ތުރުކުމަނިސްތާން އަތުން ބަލިވީ، 5-1 އިން އަދި މި މެޗުން ބަލިވި 2-0 އިން.

ފިލިޕީންސް 2-0 އިން ލާއޮސް މައްޗަށް ކުރި ހޯދައިގެން މެޗު ނިމިއްޖެ.

މިމެޗުން ފިލިޕިންސް މޮޅުވެއްޖެ ނަމަ މިއީ އެޓީމަށް ލާއޮސް މައްޗަށް ކުރި ހޯދޭ ފުރަތަމަ ފަހަރު. މީގެ ކުރިން މިދެޓީމު ބައްދަލުކުރި މެޗުތަކަށް ބަލާއިރު ލާއޮސް ވަނީ 7 ފަހަރު މޮޅުވެފައި، އަދި ދެޓީމު ދެ ފަހަރު އެއްވަރު ވެފައި ވޭ.

ފިލިޕިންސް ޓީމުން އަނެއްކާ ވެސް ހަމަލާއެއް އުފައްދަން މަސައްކަތް ކޮށްފި. ލާއޮސް ޕެނަލްޓީ އޭރިޔާގެ ބޭރު ރޮނގުކައިރިން ފިލިޕްސް ފޮނުވަލި ބޯޅަ ދިޔައީ ގޯލްގެ މަތިން.

މެޗުގެ ފުރިހަމަ ވަގުތުގެ ކުޅުން ހަމަވެސް އިތުރު ވަގުތުގެ 6 މިނިޓްގެ ކުޅުން މިހާރު ކުރިއަށް ދަނީ.

ދެޓީމުގެ ކުޅުންތެރިންނަށް ވެސް ހޫނުގެ އިހްސާސް ވަރަށް ބޮޑު. އައްޑޫއަށް މޫސުން ރީތި ދުވަހެއް މިއަދަކީ.

ލާއޮސްގެ މެދުތެރެއަށް ކުޅޭ ޓިނީ ބޮއުމަލޭ މިވަނީ ވެއްޓިފައި. އަކުނިވަޔަށް ދަމައިގަނެގެން.

ލާއޮސް ޓީމުން ބަދަލެއް. 16 ނަންބަރު ޚަމްލާގެ ބަދަލުގައި ކުޅެން އެރީ 19 ނަންބަރު ސެންގްޑާއޯ.

ފިލިޕިންސް ޓީމުން ނަތީޖާ ފުޅާކުރާން ރަނުގެ ފުރުސަތެއް އެ ގެއްލުނީ، އެޓީމުގެ ފިލިޕްސް އެކަނި ލާއޯސް ގޯލް އޭރިޔާ ކުރިމަތީހުރެ ފޮނުވާލިބޯޅަ ގޯލްގެ ހުރަސް ދަނޑިމަތިން ބޭރަށް.

ފިލިޕިންސް ޓީމުން ބަދަލެއް. 17 ނަންބަރު ޝްރޮކްގެ ބަދަލުގައި ކުޅެން އެރުވީ، 13 ނަންބަރު ރުބެން ޑޮކްޓޯރާ.

ލާއޮސް ޓީމުން ބަދަލެއް. 11 ނަންބަރުގެ ބަދަލުގައި ކުޅެން ނުކުތީ 5 ނަންބަރު.

ފިލިޕިންސް ދެވަނަ ލަނޑު ޖެހީ އެޓީމަށް ލިބުނު ކޯނަރެއް ލާއޯސް ޕެނަލްޓީ އޭރިޔާތެރެއަށް ހުރަސްކޮށްލި ވަގުތު އޭރިޔާތެރޭގައި ހުރި ޕެޓްރިކް ވަރަށް ރީތިކޮށް ބޮލުން ޖަހައި ގޯލް ތެރެއަށް ފޮނުވާލައިގެން.

ފިލިޕިންސް ދެވަނަ ލަނޑު ޖަހަައިފި.

ލާއޮސް ޓީމުގެ 7 ނަންބަރުގެ ބަދަލުގައި 22 ނަންބަރު ކުޅެން އަރުވައިފި.

ފިލިޕިންސް ޓީމުން ބަދަލެއް. 5 ނަންބަރު ބާލުވާފައި 12 ނަންބަރު ކުޅެން އަރުވައިފި. އަދި އެޓީމުން ދެވަނަ ހާފް ފެށީ ވެސް ބަދަލަކާއެކު. 7 ނަންބަރު ޖޭމްސް ގެ ބަދަލުގައި ކުޅެން ނުކުތީ، 21 ނަންބަރު ޖޭސަން.

ދެވަނަ ހާފް ކުޅުން ފަށައިފި.

ފުރަތަމަ ހާފް ކުޅުން ނިމިއްޖެ. ފިލިޕިންސް 1-0 ލާއޮސް.

އިތުރު ވަގުތު އެއް މިނިޓް ދައްކައިފި.

މެޗު ނިމެން މިނިޓަކަށް ވެފައި މިވަނީ. ފިލިޕިންސް އެއް ލަނޑުގެ ލީޑެއް ނަގާފައި.

ލާއޮސް ޕެނަލްޓީ އޭރިޔާ ތެރެއަށް ވަދެ، ރޮޓާ ފޮނުވާލި ބޯޅަ ގޮސް ގޯލް ދާގަނޑުގެ މަތީ ކަނަށް. ވަރަށް ރީތި ގޯލެއް. އެސިސްޓް ކޮށްދިނީ، ޝްރޮކް.

ފިލިޕިންސް ލަނޑު ޖަހައިފި.

ލާއޮސް ޓީމުން ވަރަށް ބޮޑަށް ފަހަތަށް ފައިބައި ތިބެގެން ޑިފެންސިވް ގޭމެއް ކުޅެމުން ދަނީ.

އައްޑޫ ފުޓްބޯޅަ ދަނޑުގައި މި މެޗު ކުރިއަށްދާއިރު، ދެ ޓީމުގެ ކުޅުންތެރިންގެ ފަރާތުން ވެސް މެޗުގެ މިހާތަނަށް އައިއިރު ހޫނު ގަދަ ކަމުގެ އިހުސާސް އެބަ ފެނޭ.

ފިލިޕިންސްގެ ޕިލިޕްއަށް ފައުލުކުުރުމުން ލާއޮސްގެ ސައިސޮން އަށް ރީނދޫ ކާޑެއް ދައްކައިފި.

މި މުބާރާތުގައި ލާއޮސް ކުޅުނު ފުރަތަމަ މެޗުގައި ތުރުކުމެނިސްތާން އަތުން ވަނީ 5-1 އިން ބަލިވެފައި. އަދި ފިލިޕިންސާއި އަފްޣާނިސްތާން ކުޅުނު މެޗު ނިމުނީ ލަނޑެއް ނުޖެހި އެއްވަރުވެގެން.

ފިލިޕިންސް ޓީމުން މިދަނީ ކައިރީ ކައިރީ ލާއޮސް ގޯލަށް ނުރައްކާކުރަމުން. އެހެން ނަމަވެސް ލާއޮސް ޓީމުގެ ޑިފެންޑަރުން ވަރަށް ހުށިޔާރު ކަމާއެކު ބޯޅަ ތައް ދިފާއު ކުރަމުން ދަނީ.

ފިލިޕިންސް ކުޅުންތެރިން ރަނގަޅު ހަމަލާއެއް އުފައްދައިފި. އެޓީމުގެ ޝްރޮކް ލާއޮސް ޕެނަލްޓީ އޭރިޔާތެރެއަށް ނަގައިދިން ހުރަސް އޭރިޔާތެރޭގައި ހުރި ފިލިޕް ބޮލުން ޖަހައި ފޮނުވާލި ބޯޅަ ކީޕަރު ދިފާއުކުރީ.

ލާއޯސް ޓީމަށް ވަރަށް ރަނގަޅު ފުރުސަތެއް ލިބިފައި އެ ދިޔައީ. މިޑްފީލްޑަރު ލެމްބޯ ބޯޅަ ހިފައިގެން ފިލިޕިންސް ޕެނަލްޓީއޭރިޔާތެރެއަށް ވަތް ނަމަވެސް ފިލިޕިންސް ކުޅުންތެރިން ބޯޅަ ދިފާއުކޮށް ކުރިއަށް ފޮނުވާލީ.

ފިލިޕިންސް ގައުމީ ޓީމަށް ކުޅޭ އުމުރުން 27 އަހަރުގެ ސްޓެފަން ޝްރޮކް އަކީ ޖަރުމަނު ލީގުގެ އެއިންޓްރެޗް ފްރެންކްފަޓް އަށް ކުޅޭ ކުޅުންތެރިއެއް.

ފިލިޕިންސްގެ ޝްރޮކް ބޯޅަ ހިފައިގެން ލާއޯސް ޕެނަލްޓީ އޭރިޔާތެރެއަށް ވަތް ނަމަވެސް ލާއޯސް ކުޅުންތެރިން ކޯނަރަކަށް ބޭރުކޮށްލައިފި.

ލާއޯސް ޕެނަލްޓީ އޭރިޔާ ތެރެއަށް ފިލިޕިންސް ކުޅުންތެރިން ނެގި ކޯނަރު އެޓީމުގެ ކުޅުންތެރިއަކު ލާއޮސް ގޯލަށް ފޮނުވާލި ނަމަވެސް އޭރިޔާ ތެރޭގައި ހުރި ކުޅުންތެރިއެއްގެ ގައިގަ ޖެހިފަ ކުޅުމުގެ ތެރެއަށް.

ފިލިޕިންސަށް އަނެއްކާ ވެސް ކޯނަރެއް.

ލާއޯސް ޕެނަލްޓީ އޭރިޔާތެރެއައް ފިލިޕިންސް ކުޅުންތެރިން ނެގި ކޯނަރު އެޓީމުގެ 5 ނަންބަަރު ޖުއާން ބޮލުން ޖަހައި ފޮނުވާލި ބޯޅަ ގޯލްގެ ހުރަސް ދަނޑީގައި ޖެހިފައި ބޭރަށް.

ފިލިޕިންސް ޓީމުގެ ޝްރޮކް ލާއޯސްގެ ޕެނަލްޓީ އޭރިޔާތެރެއަށް ބޯޅަހިފައިގެން ވަދެ ފޮނުވާލި ހަމަލާ ކުޅުންތެރިއެއްގެ ގައިގަ ޖެހިފަ ކޯނަރަކަށް ބޭރަށް.

މިއަދުގެ މެޗަށް ނުކުތްއިރު ފިލިޕިންސް ޓީމުން ފުރަތަމަ މެޗަށް ނެރުނު 6 ކުޅުންތެރިއަކު ނުހިމެނޭ. އޭގެ ތެރޭގައި ކީޕަރު ވެސް ހިމެނޭ. އަދި ލާއޯސް ޓީމުން ވެސް ވަނީ އެއް ބަދަލު ގެނެސްފައި.

މެޗުގެ ފުރަތަމަ ފަސް މިނިޓްގެ ކުޅުން ނިމުނު އިރު އެއްވެސް ޓީމަށްކަށް ރަނގަޅު ހަމަލާއެއް ނުއުފެއްދޭ. އެހެން ނަމަވެސް ދެޓީމުން ވެސް އިދިކޮޅު ޓީމުގެ ގޯލަށް ދެ ހަމަލާއެއް ވަރު އުފައްދާފައި މިވަނީ.

ލާއޯސް ޓީމުން އުފެއްދި ހަމަލާ ފިލިޕިންސް ކީޕަރުގެ އަތަށް.

މެޗު ފަށަައިފި.

މެޗު ފެށުމަށް ދެޓީމުގެ ކުޅުންތެރިން ދަނޑަށް އަރައިފި.

މިހާރު ފިލިޕިންސްގެ ގައުމީ ސަލާމް.

މިހާރު ކުރިއަށްދަނީ ލާއޯސްގެ ގައުމީ ސަލާމް.

މެޗަށް ތައްޔާރުވުމަށްޓަކައި ދެޓީމުގެ ކުޅުންތެރިންނާއި އޮފިޝަލުން ދަނޑަށް ނުކުމެއްޖެ.