އޭއެފްސީ ޗެލެންޖް ކަޕް ފުޓްބޯޅަ މުބާރާތުގެ ގްރޫޕް އޭ ފަޅިން މިއަދު ހަވީރު ކިރްގިސްތާނާ ދެކޮޅަށް ޕަލަސްތީން ކުޅުނު ފޯރިގަދަ މެޗުގެ އެންމެ ފަހު ވަގުތު ފަލަސްތީން ޓީމުގެ އަބޫ ހަބީބް ކާމިޔާބު ކުރި ލަނޑާއެކު މުބާރާތުގެ ފެށުން ފަލަސްތީނުން ރަނގަޅުކޮށްފި އެވެ.

ގައުމީ ފުޓްބޯޅަ ދަނޑުގައި މިއަދު ހަވީރު ކިރްގިސްތާނާއި ޕަލަސްތީން ކުޅުނު މެޗުގެ ފުރަތަމަ ހާފުގެ ކުޅުން ނިމުނީ ދެ ޓީމް ކުރެ އެއް ޓީމަކަށް ވެސް ލަނޑެއް ކާމިޔާބު ނުކުރެވި އެވެ. އެހެން ނަމަވެސް ފުރަތަމަ ހާފުގައި ދެ ޓީމަށް ވެސް މެޗުގެ ލީޑް ނަގަން ފުރުސަތުތަކެއް ލިބި ބޭރާކުވި އެވެ.

ދެޓީމުގެ ފަރާތުން ވެސް ވަރުބަލިކަން އިހުސާސް ކުރެވުނު މެޗުގައި ފަލަސްތީނުން ލަނޑު ޖެހީ އިތުރަށް ދެއްކި ހަވަނަ މިނެޓުގެ އެންމެ ފަހު މިނެޓުގައި ބަދަލި ކުޅުންތެރިއެއްގެ ގޮތުގައި ކުޅެން ނިކުތް އަބޫ ހަބީބެވެ.

މިއަދުގެ މެޗުގައި އާންމުކޮށް ގައުމީ ފުޓްބޯޅަ ދަނޑުމަތިން ނުފެންނަ، މަންޒަރެއް ވެސް ފެނިގެންދިޔަ އެވެ. އެއީ މެޗުގައި ހަތަރު "ވޯޓާ ބްރޭކް" ނެގި އެވެ. ވޯޓާ ބްރޭކް ނަގަނީ މެޗު ކުޅޭ ސަރަހައްދުގެ ހޫނުމިނާއި ކުޅުންތެރިންގެ ވަރުބަލިކަން ހުރި މިންވަރަށް ބެލުމަށްފަހު މެޗުގެ ރެފްރީއެވެ.

މި މުބާރާތުގައި ފަލަސްތީނާއި ކިރްގިސްތާން ހިމެނީ ރާއްޖެއާއި މިޔަންމާއާއި އެކު ގްރޫޕް އޭ ފަޅީގައެވެ. މިގްރޫޕްގެ ދެވަނަ މެޗުގައި މިރޭ 9:00 ގައި ބައްދަލުކުރާ ދެޓީމަކީ ރާއްޖެ އާއި މިޔަންމާ އެވެ.

ގްރޫޕް އޭގެ ތިން ވަނަ މެޗުގައި އަންނަ ބުދަ ދުވަހު ހަވީރު 4:00ގައި ބައްދަލުކުރާ ދެޓީމަކީ މިޔަންމާ އާއި ފަލްސްތީނެވެ.

ފަލަސްތީން ޖެހި ލަނޑާއެކު މެޗުގެ ކުޅުން މިވަނީ ނިމިފައި.

މެޗުގެ އިތުރު ވަގުތުގައި ފަލަސްތީނުގެ 19 ނަންބަރު މިވަނީ ލަނޑެއް ޖަހާފައި. މިހާރު ނަތީޖާއަކީ ފަލަސްތީން 1-0 ކިރްގިސްތާން.

އިތުރު މިނިޓްގެ ހަ މިނިޓް ކުޅެމުންދަނީ. ކިރްގިސްތާނަށް ޖެހުމެއް.

ދެ ޓީމުން ކުރެ އެއްވެސް ޓީމަކަށް އަދި ލަނޑެއް ނުޖެހޭ. މެޗުގައި ބާކީ އޮތީ އެންމެ ދެ މިނިޓް.

ކިރްގިސްތާނު ޓީމުން އަނެެއްކާވެސް ބަދަލެއް. 11 ނަންބަރު ބާލުވާފަ ކުޅެން ނެރުނީ 14 ނަންބަރު.

ކިރްގިސްތާނަށް ފަލަސްތީން ހާފުގެ މެދެއްހާ ހިސާބުން ލިބުނު ހިލޭޖެހުމެއް. ގޯލަށް ފޮނުވާލި ނަމަވެސް ބޯޅަ ދިޔައީ ބޭރަށް.

ވޯޓަރ ބްރޭކަށް ފަހު ދެޓީމުގެ ކުޅުންތެރިން ދަނޑަށް ނުކުމެއްޖެ.

ވޯޓަރ ބްރޭކެއް ނަގާފައި މިހާރު މިވަނީ.

ދެ ޓީމުންވެސް ފެނިގެން މިދިޔައީ ކުރިއަށް ކުޅޭ ކުޅުންތެރިން ބަދަލުކޮށްލާ ތަން.

ކިރްގިސްތާން ޓީމުން 20 ނަންބަރު ބާލާފައި ކުޅެން މިއެރުވީ 10 ނަންބަރު.

ކިރްގިސްތާނު ޓީމުން ބަދަލެއް ގެންނަން މިއުޅެނީ، ދަނޑަށް ނުކުންނަން ތައްޔާރުވެގެން ހުރީ 10 ނަންބަރު. ފޯވަޑަށް ކުޅޭ ކުޅުންތެރިއެއް.

މެޗުގައި ފެނުގެން ދިޔަ އެންމެ ނުރައްކާތެރި ހަމަލާ މި އުފެއްދީ ފަލަސްތީނުން. އެޓީމުގެ އަޝްރަފް ކިރްގިސްތާނުގެ ގޯލް އޭރިޔާ ތެރެއަށް ހުރަސްކޮށްލި ބޯޅަ، އޭރިޔާތެރޭގައި ހުރި ތަމީރު ވަނީ ވަރަށް ބާރަށް ގޯލަށް ފޮނުވާލާފައި. އެހެން ނަމަވެސް ކީޕަރު ވަނީ އެ ބޯޅަ ކޯނަރަކަށް ބޭރުކޮށްލާފައި.

ކިރްގިސްތާނު ހާފުގެ ތެރެއިން މެދު ރޮނގުކައިރިން ފަލަސްތީނުގެ ކުޅުންތެރިއަކު ކިރްގިސްތާނު ކުޅުންތެރިއަކަށް ފައުލް ކުރުމުން ރެފްރީ މިވަނީ، ފަލަސްތީނު ކުޅުންތެރިޔާއަށް ރީނދޫ ކާޑު ދައްކާފައި.

ފަލަސްތީނު ޓީމުން އަނެއްކާވެސް ބަދަލެއް. 8 ނަންބަރު ބާލުވާފަ 19 ނަންބަރު ކުޅެން އެރުވީ.

ކިރްގިސްތާން ޓީމުން ބަދަލެއް ގެންނަނީ. ޖާޒީ ނަންބަރު 9 ބޭލުމަށްފަހު ކުޅެން އަރުވަނީ ޖާޒީ ނަންބަރު 7.

ކިރްގިސްތާން ޕެނަލްޓީއޭރިޔާ އަރިމަތިން ބޭރުން ފަލަސްތީނަށް ލިބުނު ޖެހުމެއް ކުރިއަށް ފޮނުވާލުމުން ޕެނަލްޓީ އޭރިޔާ ބޭރުން 7 ނަންބަރު އަޝްރަފް ފޮނުވާލެވޭތޯ ބެލި ނަމަވެސް ރަނގަޅަށް ފަޔަށް އަރާގޮތެއް ނުވި.

ފަލަސް ތީނު ޓީމުން ބަދަލެއް ގެންނަނީ، ޖާޒީ ނަންބަރު 17ގެ ބަދަލުގައި ކުޅެން އެރީ ޖާޒީ ނަންބަރު 7.

ކިރްގިސްތާނުގެ 20 ނަންބަރު ކުޅުންތެރިޔާ ފަލަސްތީނުގެ އޭރިޔާ ތެރެއިން ބޯޅައަށް އެރި ވަގުތު ފަލަސްތީނު ކީޕަރާ މުޑިއަރައި، މިވަނީ އޭނާ ޕެނަލްޓީ އޭރިޔާ ތެރެއަށް ވެއްޓިފައި.

ދެވަނަ ހާފްގެ ކުޅުން ފެށިގެން ކުރިއަށްދަނީ.

ފުރަތަމަ ހާފްގެ ކުޅުން ނިމިއްޖެ. އެއްވެސް ޓީމަކަށް ލަނޑެއް ނުޖެހޭ.

ފަލަސްތީނަށް ލިބުނު ކޯނަރެއް ކިރްގިސްތާނުގެ ގޯލް އޭރިޔާތެރެއަށް ހުރަސްކޮށްލި ވަގުތު، ފަލަސްތީނުގެ އަހްމަދު ވްރިދާތު ބޮލުންޖަހައި ގޯލްގެ ތެރެއަށް ފޮނުވާލަން މަސައްކަތްކުރި ނަމަވެސް ގޯލަށް އަމާޒުވާގޮތެއް ނުވި.

ފުރަތަމަ ހާފުގެ އިތުރު ވަގުތުގެ ގޮތުގައި 4 މިނިޓް ދީފި.

މި މެޗު ކުޅެމުންދާއިރު ގައުމީ ފުޓްބޯޅަ ދަނޑުގައި ނިއުރޭޑިއަންޓް ސަޕޯޓަރުން ތިބޭ ފަޅިން ސިޑިބަރި މަތީގައި ފަލަސްތީނަށް ސަޕޯޓުކުރާ ގިނަ އަދަދެއްގެ ދިވެހިން ތިބިކަން ފާހަގަކޮށްލެވޭ.

ފުރަތަމަ ހާފުގެ 40 މިނިޓްގެ ކުޅުން ނިމުނު އިރުވެސް އަދިވެސް އެއްވެސް ޓީމަކަށް މެޗުގެ ނަތީޖާއަށް ބަދަލުގެނެވޭ ވަރެއް ނުވޭ.

އަނެސްކާވެސް ފަލަސްތީނު ކުޅުންތެރިން މިވަނީ ހަމަލާއެއް އުފައްދަން މަސައްކަތް ކޮށްފައި، ކިރްގިސްތާންގެ ޕެނަލްޓީއޭރިޔާތެރެއަށް ހުރަސްކޮށްލި ބޯޅައަށް އެރީ ޑިފެންޑަރު ހުސާމް އަބޫ ސަލާހް އެހެން ނަމަވެސް އޭނާއަށް ބޯޅަ ލިބުމުގެ ކުރިން ކިރްގިސްތާން ކުޅުންތެރިޔާ ވަނީ ބޯޅަ ބޭރުކޮށްލާފައި.

ބްރޭކަށް ފަހު މިވަނީ އަނެއްކާވެސް ކުޅުން ފަށާފައި. މުބާރާތުގައި ހަމަޖެހިފައިވާގޮތުން ކޮންމެ މެޗެއްގައި ވެސް ހާފަކު ދެ ފަހަރު ވޯޓަރ ބްރޭކް ދެވޭގޮތަށް މި އޮންނަނީ. އެހެން ނަމަވެސް މިއަދުގެ މެޗުގައި ކޮންމެ ހާފަކު އެއް ފަހަރު ބްރޭކް ދޭގޮތަށް ހަމަޖެހިފައިވަނީ.

ވޯޓަރ ބްރޭކަށް ފަހު ދެޓީމުގެ ކުޅުންތެރިން ދަނޑަށް އަރައިފި.

މިހާރު މިވަނީ ވޯޓަރ ބްރޭކެއް ދީފައި.

ކިރްގިސްތާން ކުޅުންތެރިން ފަލަސްތީނުގެ ޕެނަލްޓީ އޭރިޔާ ތެރެއަށް ބޯޅައެއް ހުރަސްކޮށްލި ނަމަވެސް، އެވަގުތު ބޯޅައަށް އެރި ކިރްގިސްތާން ކުޅުންތެރިޔާ ހުރީ އޮފްސައިޑް ވެފައި.

ފަލަސްތީން ޓީމުން މިވަނީ ހަމަލާއެއް އުފައްދާފައި އެހެން ނަމަވެސް ކިރްގިސްތާންގެ ކީޕަރުވެނީ އެ ބޯޅަ މަތަކޮށްފައި.

ދެ ޓީމުގެ ކުޅުންތެރިންގެ މޫނު މަތިން ވެސް ވަރުބަލިކަން ވަރަށް ބޮޑަށް މިހާރުވެސް ދަނީ ފެންނަމުން. މިއަދަކީ އުޑުމަތި ސާފު އަދި ގަދައަށް އަވިދީފައިވާ ދުވަހެއް.

ފަލަސްތީން ކުޅުންތެރިން މިވަނީ ކައިރިކައީގައި ދެ ހަމަލާއެއް އުފެއްދުމަށް މަސައްކަތް ކޮށްފައި އެހެން ނަމަވެސް ގޯލާ ދިމާއަށް ފޮނުވާލެވޭ ގޮތެއް ނުވި.

ފަލަސްތީނު ކުޅުންތެރިއަކަށް ކިރްގިސްތާން ހާފްގެ ތެރެއިން އެޓީމުގެ ކުޅުންތެރިއަކު ފައުލުކުރުމުން މިވަނީ ރީނދޫކާޑެއް ދައްކާައި.

ފުރަމަތަމަ ފަނަރަ މިނިޓްގެ ކުޅުން ނިމުނު އިރު އެއްޓީމަކަށް ވެސް އަދި ލަނޑެއް ކާމިޔާބެއް ނުކުރެވޭ.

ކިރްގިސްތާން ޕެނަލްޓީ އޭރިޔާ ބޭރުން، ފަލަސްތީން ކުޅުންތެރިން އުފެއްދި ހަމަލާ ގޯލް ދަނޑިމަތިން ބޭރަށް.

ކިރްގިސްތާން ހާފުގެ މެދުތެރެއިން ފަލަސްތީނަށް ހިލޭ ޖެހުމެއް.

ކިރްގިސްތާން ކުޅުންތެރިން ކޯނަރަކުން ހަމަލާއެއް އުފެއްދޭތޯ މަސައްކަތްކުރި އެހެން ނަމަވެސް ފަލަސްތީނު ކީޕަރުވަނީ ބޯޅަ ދިފާއުކޮށްފައި.

ކިރްގިސްތާނަށް ކޯނަރެއް.

މެޗު ފަށައިފި.