14 Apr 2014, 13:39
ރައީސުލްޖުމްހޫރިއްޔާ އަބްދުﷲ ޔާމީން ޢަބްދުލްގައްޔޫމް، ޖަޕާނަށް ކުރައްވާ ރަސްމީ ދަތުރުފުޅުގައި، ޖަޕާނުގެ ވެރިރަށް ޓޯކިޔޯ އަށް މިއަދު ހެނދުނު ވަޑައިގެންފި އެވެ. ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްގައްޔޫމް ޖަޕާނަށް ކުރައްވާ މި ދަތުރުފުޅަކީ، ޖަޕާނުގެ ބޮޑުވަޒީރު މިސްޓަރު ޝިންޒޯ އަބޭގެ ދަޢުވަތަކަށް ކުރައްވާ ދަތުރުފުޅެކެވެ.
މި ދަތުރުފުޅުގައި ޖަޕާނުގެ އެމްޕަރާ އާއި ޖަޕާނުގެ ބޮޑުވަޒީރު ޝިންޒޯ އަބޭއާއި ޖަޕާނު ސަރުކާރުގެ އިސްބޭފުޅުންނާ ބައްދަލުކުރައްވައި ދެ ޤައުމުގެ ގުޅުން އިތުރަށް ފުޅާކުރުމާ ބެހޭގޮތުން މަޝްވަރާ ކުރައްވާނެ އެވެ. އަދި މީގެއިތުރުން، ޖަޕާނުގެ ވިޔަފާރިވެރިންނާއި އިންވެސްޓަރުންނާ ބައްދަލުކުރައްވައި، އިގްތިޞާދީ ގޮތުން ޖަޕާނުން ލިބެން ހުރި ފުރުޞަތުތައް ފުޅާކުރުމާ ބެހޭ ގޮތުން ރައީސް މަޝްވަރާ ކުރައްވާނެ އެވެ.