13 Apr 2014, 20:37
ސިންގަޕޫރުގެ ޗާންގީ އެއާޕޯޓް ގްރޫޕާއި ޗާންގީ އެއާޕޯޓް އިންޓަނޭޝަލްގެ ވަފްދަކާ ރައީސުލްޖުމްހޫރިއްޔާ އަބްދުﷲ ޔާމީން ބައްދަލުކުރައްވައިފި އެވެ.
މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްބި ބައްދަލުކުރެއްވުމުގައި، ސިންގަޕޫރުގެ ޗާންގީ އެއަޕޯޓް ތަރައްގީކޮށްފައިވާ ގޮތާބެހޭ މަޢުލޫމާތު، އެ ގްރޫޕުގެ ފަރާތުން ރައީސުލްޖުމްހޫރިއްޔާއަށް އެރުވި ކަމަށް ރައީސް އޮފީހުން ބުންޏެވެ.
އެ ބައްދަލުކުރެއްވުމުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި، އިބްރާހީމް ނާޞިރު އިންޓަރނޭޝަނަލް އެއާޕޯޓަކީ ރާއްޖޭގެ ފަތުރުވެރިކަމުގެ ޞިނާޢަތުގެ މައިބަދަކަން ފާހަގަކުރެއްވި ކަމަށް ރައީސް އޮފީހުން ބުންޏެވެ. އަދި އެ ޞިނާޢަތް އިތުރަށް ކުރިއަރުވައި އާލާކުރުމަށް ޓަކައި، ގިނަ އަދަދެއްގެ ފަސިންޖަރުންނަށް އެއްފަހަރާ ޚިދުމަތް ދެވޭ ގޮތަށް އެ އެއާޕޯޓް ތަރައްގީ ކުރެއްވުމަށް އެމަނިކުފާނުގެ ސަރުކާރުން ގެންގުޅުއްވާ ތަޞައްވުރު، ސިންގަޕޫރުގެ ވަފުދާ ޙިއްޞާ ކުރެއްވި ކަމަށް ވެސް ރައީސް އޮފީހުން ބުންޏެވެ.