18 Mar 2014, 13:43
ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް، ގއ. ވިލިނގިއްޔަށާއި، އައްޑޫސިޓީގެ ބައެއް ރަށްރަށަށް ކުރައްވާ ދަތުރުފުޅެއް މިއަދު ފަށްޓަވައިފިއެވެ.
ރައީސް އޮފީހުން ބުނީ ރައީސުލްޖުމްހޫރިއްޔާގެ މިދަތުރުފުޅުގައި ވިލިނގިލީގެ ރައްޔިތުންނާއި އައްޑޫ ސިޓީގެ ރައްޔިތުންނާ ބައްދަލުކުރައްވާނެ ކަމަށެވެ. އަދި ވިލިނގިއްޔަށާއި އައްޑޫ ސިޓީއަށް ކުރިމަތިވެފައިވާ ދަތިތަކަކީ ކޮބައިތޯ ބައްލަވައި، ތަރައްގީގެ މަޝްރޫއުތައް ހިނގަމުންދާ ގޮތާބެހޭ މައުލޫމާތު އެމަނިކުފާނު އޮޅުންފިލުއްވާނެ ކަމަށް ވެސް ރައީސް އޮފީހުން ބުންޏެވެ.