Last Updated: 1 decade 2 year ago

Last Updated:
1 decade 2 year ago

ރިޔާސީ ބަޔާން އިއްވަވައިފި

    ބުލޮގު ޚުލާސާ
    ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް‏ ރައީސް ކަމާ ހަވާލުވެވަޑައިގެން ފަހުން ގައުމާ މުހާތަބްކޮށް، އެމަނިކުފާނު އިއްވަވާ ފުރަތަމަ ރިޔާސީ ބަޔާން މިއަދު އިއްވަވާނެ އެވެ. ރިޔާސީ ބަޔާން އިއްވެވުން އޮންނާނީ މިއަދު ހެނދުނު 10 ޖަހާއިރު ރައްޔިތުންގެ މަޖިލީހުގެ ގޭގައި ބާއްވާ ‏‏އެމަޖިލީހުގެ މިއަހަރުގެ ފުރަތަމަ ދައުރުގެ ފުރަތަމަ ޖަލްސާގަ އެވެ. ‏
    10:32

    މައިގަނޑު ފަސް ދާއިރާގެ މައްޗަށް ތައްޔާރު ކުރެވޭ ލެޖިސްޓޭޓިވް އެޖެންޑާއެއްް ތައްޔާރުކުރުމުގެ މަސައްކަތް ވަނީ ފައްޓާފައި.
    10:30

    އިގްތިސާދު ރަނގަޅު ކުރުމަށް ސުޕެޝަލް އެކޮނަމިކް ޒޯންތަކެއް ކަނޑައެޅުމުގެ ބިލެއް ވަރަށް އަވަހަށް މަޖިލީހަށް ހުށަހަޅުއްވާނެ.
    10:30

    ދައުލަތުގެ ދަރަނީގެ ހާލަތަށް ރިއާޔަތްކުރާއިރު ދެމެހެއްޓެނިވި މިންގަނޑެއްގައި ދަރަނި ހިފެހެއްޓުމަކީ ސަރުކާރުން އިސްކަންދޭ ވަރަށް ބޮޑު އަމާޒެއް ކަމަށް ރައީސް ވިދާޅުވި.
    10:29

    ސަރުކާރުގެ އޮފީސްތަކުން ފޯންތަކަށް ޖަވާބު ނުދޭތީ އެކަން ރަނގަޅުކުރުމަށް ވަނީ ފިޔަވަޅުތަކެއް އަޅުއްވާފައި
    10:21

    މިދިޔަ އަހަރުގެ ނިޔަލަށް ދައުލަތުގެ ޖުމްލަ ދަރަނީގެ އަދަދު ހުރީ 27.7 ބިލިއަން ރުފިޔާއަށް އަރާފައި ކަމަށާއި އޭގެތެރެއިން ބޭރުގެ ދަރަނީގެ އަދަދު 11.6 ބިލިއަން ރުފިޔާއަށް އަރާފައިވާ ކަމަށް ރައީސް ވިދާޅުވި. އަދި އެތެރޭގެ ދަރަނީގެ އަދަދަކީ 16.1 ބިލިއަން އަރާފައިވާ ކަމަށް ވެސް ވިދާޅުވި.
    10:17

    އިގުތިސާދީ ގޮތުން ކުރިމަތިވެފައިވާ ގޮންޖެހުންތަކުން އަރައިގަތުމަށް ގިނަ މަސައްކަތްތަކެއް ކުރަން ޖެހުނު ކަމަށް ވިދާޅުވި.
    10:15

    ރައީސް ރިޔާސީ ބަޔާން އިއްވަވަން ފައްޓަވައިފި. އެމަނިކުފާނު ރާއްޖޭގެ ވެރިކަމާ ހަވާލުވަޑައިގެންނެވި އިރު ރާއްޖެ އޮތީ ވަރަށް ނާޒުކު ފައްތަރެއްގައި ކަމަށް ވިދާޅުވި.
    10:13

    ޖަލްސާ ފަށައިގެން ކުރިއަށްދަނީ. މިހާރު ވާހަކަދައްކަވަނީ ރައްޔިތުންގެ މަޖިލީހުގެ ރައީސް އަބްދުﷲ ޝާހިދު. މި ޖަލްސާއަށް ހާޒިރުވެވަޑައިގެން ތިއްބެވި ޖުމްލަ މެމްބަރުންގެ އަދަދަކީ 64.
    10:07

    ކީރިތި ގުރުއާނުގެ ބަރަކާތުން ޖަލްސާ ފަށައިފި
    09:57

    ރައީސް ޔާމީން މަޖިލިސް ކުރާ ހޯލަށް ވަދެވަޑައިގެންފި.
    09:57

    ރައީސް ޔާމީން ރައްޔިތުންގެ މަޖިލީހަށް ވަޑައިގެންފި.