Last Updated: 1 decade 2 year ago
އުމަރަށް އެ މަގާމު ހުށަހަޅުއްވާފައި ވަނީ ޖުމްހޫރީ ޕާޓީންނެވެ.
އުމަރުގެ އިތުރުން މިއަދު ވަޒީރުކަމަށް ހަމައްސަވާ ބޭފުޅުންގެ ތެރޭގައި އެންވަޔަރުމަންޓް މިނިސްޓަރަކަށް ތޯރިގު އިބްރާހީމު ވެސް ހިމެނެ އެވެ.
ޔާމީންގެ ސަރުކާރަށް މިހާތަނަށް އައްޔަންކޮށްފައި ވަނީ ފަސް މިނިސްޓަރެކެވެ. އެއީ ފޮރިން މިނިސްޓަރު ކަމަށް ދުންޔާ މައުމޫނާއި ޑިފެންސް މިނިސްޓަރު ކަމަށް މުހައްމަދު ނާޒިމާއި ޓޫރިޒަމް މިނިސްޓަރު ކަމަށް އަހްމަދު އަދީބާއި ފިނޭންސް މިނިސްޓަރަކަށް އަބްދުﷲ ޖިހާދު އަދި ޓްރާންސްޕޯޓް މިނިސްޓަރު ކަމަށް އަމީން އިބްރާހީމެވެ.
މިއަދު ރައީސް އޮފީހުގައި އޮތް ބައްދަލުވުމެއްގައި ހޯމް މިނިސްޓަރު ކަމަށް އައްޔަން ކުރައްވާފައި ވަނީ ޕީޕީއެމްގެ ކުރީގެ ނައިބު ލީޑަރު އަދި ޕީޕީއެމްގެ ޕްރައިމަރީގައި ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔާމާ ވާދަކު ކުރެއްވި އުމަރު ނަސީރު އެވެ. އިސްލާމިކް މިނިސްޓަރު ކަމުގެ މަގާމަށް ރައީސް ޑރ. މުހައްމަދު ވަހީދު ސަރުކާރުގައި ވެސް އެ މަގާމުގައި ހުންނެވި ޑރ. މުހައްމަދު ޝަހީމް އަލީ ސައީދު ހަމަޖައްސަވާފައިވާ އިރު ހައުސިން މިނިސްޓަރު ކަމަށް ހަމަޖައްސަވާފައި ވަނީ ޑރ. ވަހީދު ސަރުކާރުގައި ވެސް އެ މަގާމުގައި ހުންނެވި ޑރ. މުހައްމަދު މުއިއްޒު އެވެ.
ނިމިގެން ދިޔަ ރިޔާސީ އިންތިހާބުގައި ޖުމްހޫރީ ޕާޓީގެ ކެމްޕެއިން މެނޭޖަރުގެ ގޮތުގައި ހުންނެވި މުހައްމަދު ސައީދު އިކޮނަމިކް މިނިސްޓަރު ކަމަށް ހަމަޖައްސަވާފައިވާ އިރު އެންވާރަމެންޓް މިނިސްޓަރު ކަމަށް އައްޔަން ކުރައްވާފައި ވަނީ ތޯރިގް އިބްރާހީމް(ތޯބެ) އެވެ. އޭގެ އިތުރުން ފިޝަރީޒް މިނިސްޓަރު ކަމަށް އައްޔަން ކުރައްވާފައި ވަނީ ޑރ. މުހައްމަދު ޝައިނީ އެވެ.
ވަޒީރުންގެ މަޖިލީހަށް ނަން ހުށަހެޅުމަށް ސަރުކާރުގެ ހިމެނޭ ޕާޓީތަކަށް ދިން ފުރުސަތުގައި ފިޝަރީޒް މިނިސްޓަރު ކަމަށް ޑރ. މުހައްމަދު ޝައިނީ އާއި ހައުސިން މިނިސްޓަރު ކަމަށް ޑރ. މުއިއްޒު ހަމަޖެއްސުމަށް ހުށަހެޅީ އެމްޑީއޭ އިންނެވެ. އަދި ހޯމް މިނިސްޓަރު ކަމަށް އުމަރު ނަސީރުގެ ނަންފުޅާއި އެންވަޔަރުމަންޓް މިނިސްޓަރު ކަމަށް ތޯރިގުގެ ނަންފުޅާއި އިކޮނަމިކް މިނިސްޓަރު ކަމަށް މުހައްމަދު ސައީދުގެ ނަންފުޅު ފޮނުވީ ޖުމްހޫރީ ޕާޓީގެ ފަރާތުންނެވެ.
ޝަހީމު އިސްލާމިކް މިނިސްޓަރު ކަމަށް ހަމަޖައްސަވާފައި ވަނީ އަދާލަތު ޕާޓީގެ ސޮލޮޓެއްގެ ގޮތުގަ އެވެ.
ޔާމީންގެ ކެބިނެޓަށް ކުރިން އައްޔަން ކުރެއްވި ފަސް ބޭފުޅުންނާ އެކު ކެބިނެޓްގެ އަދަދު 11 އަށް އެރީ އެވެ. އަދި ވެސް ބައެއް މަގާމުތަކަށް ވަނީ ބޭފުޅުން އައްޔަންނުކޮށެވެ. އެގޮތުން ހެލްތު މިނިސްޓްރީ އެޑިޔުކޭޝަނާއި އެޓާނީ ޖެނެރަލަކާއި ޖެންޑާ އެންޑް ފެމެލީ އާއި ޔޫތު މިނިސްޓްރީ އަށް އަދި ވަނީ ބޭފުޅުން އައްޔަންނުކޮށެވެ.
ކުރިން ވަޒީރުކަމަށް އައްޔަންކޮށްފައި ވަނީ ފޮރިން މިނިސްޓަރު ކަމަށް ދުންޔާ މައުމޫނާއި ޑިފެންސް މިނިސްޓަރު ކަމަށް މުހައްމަދު ނާޒިމާއި ޓޫރިޒަމް މިނިސްޓަރު ކަމަށް އަހްމަދު އަދީބާއި ފިނޭންސް މިނިސްޓަރަކަށް އަބްދުﷲ ޖިހާދު އަދި ޓްރާންސްޕޯޓް މިނިސްޓަރު ކަމަށް އަމީން އިބްރާހީމެވެ.
ރައީސުލްޖުމްހޫރިއްޔާ މިއަދު ވިދާޅުވީ މިވަގު ވެސް ވަޒީރުން އޮފީހަށް ވަޑައިގެން މަސައްކަތް ފައްޓަވަންވީ ކަމަށާއި އަދި ވަރަށް އަވަހަށް ކެބިނެޓް ޖަލްސާއެއް ބާއްވަވާނެ ކަމަށެވެ.