Last Updated: 1 decade 2 year ago
Last Updated:
1 decade 2 year ago
އާ ރައީސާއި ނާއިބު ރައީސް ހުވާކުރައްވައިފި
ބުލޮގު ޚުލާސާ
ރައީސް ކަމަށް އިންތިހާބުކޮށްފައިވާ ޕީޕީއެމްގެ ރިޔާސީ ކެންޑިޑޭޓު ޔާމީން އަބްދުލް ގައްޔޫމް އެ މަގާމުގެ ހުވާ ކުރެއްވުމުގެ ރަސްމިއްޔާތު ފަށައިފި.
14:32
ދަރުބާރުގޭގައި ކުރިއަށް ދިޔަ ރަސްމިއްޔާތު ނިންމައިލައިފި.
14:09
އިގުތިސާދީ ދާއިރާއާ ގުޅުން ހުރި ބައެއް ދާއިރާތަކަށް މިއަދު ވަޒީރުން އައްޔަން ކުރައްވާނެ ކަމަށް ރައީސް ކަމުގެ މަގާމަށް އިންތިހާބު ވެވަޑައިގަތުމާ ގުޅިގެން މިއަދު ދަރުބާރުގޭގައި ބޭއްވި ރަސްމިއްޔާތުގައި ޔާމީން ވަނީ ވިދާޅުވެފައި.
14:00
ކުރީގެ ރައީސް މައުމޫން އާއި ރައީސް ނަޝީދު ރަސްމިއްޔާތަށް ވަޑައިގެން ތިއްބެވި ބޭފުޅުންނާ ސަލާމް ކުރައްވަނީ.
13:52
ރަސްމިއްޔާތަށް ވަޑައިގެން ތިއްބެވި ބޭފުޅުންނާއި ރައީސުލްޖުމްހޫރިއްޔާ އާއި ނައިބް ރައީސް ސަލާމް ކުރެއްވުން ކުރިއަށް ދަނީ.
13:45
ރާއްޖޭގައި އަމާން އަދި ތަރައްގީވެފައިވާ ގައުމަށް ހެދުމަށް މަސައްކަތް ކުރާނަން. އެންމެންނަށް ބައިވެރިވެވޭ ފުދުންތެރި އިގްތިސާދަކަށް ހެދުމަށް މަސައްކަތް ކުރާނަން.
13:43
މަގާމުތަކަށް ގާބިލު ބޭފުޅުން އައްޔަންކޮށް، ހަރަދު ކުޑަ ސަރުކާރެއް ގާއިމު ކުރާނަން. ނަތީޖާ ހާސިލު ކުރާ ސަރުކާރަކަށް ހަދާނަން.
13:40
ޒުވާނުންނަކީ އުފެއްދުންތެރި ބަޔަކަށް ހެދުމަށް މަސައްކަތް ކުރާނަން. އިޖްތިމާއީ ރައްކާތެރިކަން ހޯދައި ދިނުމަށް މަސައްކަތް ކުރާނަން. ގައުމު ބިނާ ކުރުމުގައި އަންހެނުންނަށް ބޮޑު އިސްކަމެއް ދޭނަން. މަސްތުވާތަކެތީގެ މައްސަލަތައް ހައްލު ކުރުމަށް މަސައްކަތް ކުރާނަން.
13:38
އާ ރައީސް ވިދާޅުވީ ގައުމިއްޔަތު ކުރިއެރުވުމަށް މަސައްކަތް ކުރައްވާނެ ކަމަށް. މިއަދު ރާއްޖެ ވަނީ އިގްތިސާދު ވަނީ ފުންވަޅުގަނޑެއްގައި. އިގްތިސާދު ހަމައަކަށް އަޅުވަން މަސައްކަތް ކުރާނަން. ބަޖެޓް ހަރަދު ކުޑަކުރަން ވަރަށް އަވަހަށް ފައްޓާނަން.
13:35
ޔާމީން ވިދާޅުވީ އެ މަނިކުފާން އެ މަގާމަށް ގެނައުމަށް މަސައްކަތްކޮށްދެއްވި ފަރާތްތަކަށް ޝުކުރު އަދާކުރެއްވި. ޔާމީން ވިދާޅުވީ އެ މަނިކުފާނު އެ މަގާމަށް ގެނައުމަށް މަސައްކަތްކޮށްދެއްވި ލީޑަރުންގެ މަތީން ހަނދުމަފުޅު ނައްތަވާނުލައްވާނެ ކަމަށް.
13:35
ޔާމީން ގައުމާ މުހާތަބު ކުރައްވަނީ.
13:30
ރައީސުލްޖުމްހޫރިއްޔާގެ ނައިބު ކަމުގެ ހުވާ ޑރ. މުހައްމަދު ޖަމީލް އަހުމަދު ކުރައްވައިފި. އެމަނިކުފާނަށް ވެސް ހުވާލާދެއްވީ އުއްތަމަ ފަނޑިޔާރު. އެއަށްފަހު މަގާމުގެ ފަތްކޮޅުގައި ވަނީ ސޮއިކުރައްވައިފި.
Dr.Mohd Jameel Ahmed sworn as Vice President of Maldives at 13:31 hrs.pic.twitter.com/rG3Z8pnrpJ
— Ahmed Nihan #MMEM (@ahmed_nihan)November 17, 2013
13:28
މަޖިލީހުގެ ރައީސް އަބްދުﷲ ޝާހިދު އާ ރައީސަށް މަރުހަބާ ވިދާޅުވި. އަދި ޝާހިދު ވިދާޅުވީ ޔާމީން އަކީ ރައްޔިތުންގެ މަޖިލީހުގައި 21 އަހަރުވަންދެން މަސައްކަތް ކުރެއްވި ކަމަށް ވިދާޅުވި.
13:26
ރައީސުލްޖުމްހޫރިއްޔާގެ މަގާމުގެ ހުވާކުރެއްވުމަށް ފަހު، މަގާމުގެ ފަތްކޮޅުގައި ޔާމީން ސޮއިކުރައްވަނީ.
PRESIDENT YAMEEN ABDUL QAYYOOM SWORN in to the highest office of Maldives in Male' at 13:21 Hrspic.twitter.com/C8c7y2VZCL
— Ahmed Nihan #MMEM (@ahmed_nihan)November 17, 2013
13:24
ރައީސުލްޖުމްހޫރިއްޔާ ކަމުގެ ހުވާ ޔާމީން ކުރެއްވުމާ ގުޅިގެން އެމަނިކުފާނަށް 21 ބަޑީގެ ސަލާމެއް އަރުވައިފި. އެއަށްފަހު ގައުމީ ސަލާމް ކިޔުން.
13:21
ޔާމީން ރައީސް ކަމުގެ ހުވާ ކުރައްވައިފި. އެމަނިކުފާނަށް ހުވާލާދެއްވީ އުއްތަމަ ފަނޑިޔާރު އަހުމަދު ފާއިޒު ހުސެއިން. ޔާމީން އަކީ ރާއްޖޭގެ ހަވަނަ ރައީސުލްޖުމްހޫރިއްޔާ.
13:18
ރައްޔިތުންގެ މަޖިލީހުގެ ރައީސް އަބްދުﷲ ޝާހިދު އިންތިހާބީ ރައީސް ޔާމީނަށް މަރުހަބާ ވިދާޅުވި. އަދި ކުރީގެ ދެ ރައީސުން ކަމަށްވާ މައުމޫން އަބްދުލްގައްޔޫމާއި މުހައްމަދު ނަޝީދު އެ ރަސްމިއްޔާތަށް ވަޑައިގެންނެވީތީ މަރުހަބާ ވިދާޅުވި.
13:16
އާ ރައީސް ހުވާ ކުރެއްވުމަށް ރަސްމިއްޔާތަށް 50 މެންބަރުން ވަޑައިގެންނެވި ކަމަށް މަޖިލީހުގެ ރައީސް ވިދާޅުވި.
13:09
ހުވާކުރުމުގެ ރަސްމިއްޔާތު ގައުމީ ސަލާމުން ފަށައިފި.
Raeesul Jumhooriyyaa Huvaa Kurehvun: Raees Huvaa Kurehvumun Sifain ge Band gai Gaumee Salaam Kulhefi.pic.twitter.com/NwvNQKi8ZX
— MNDF (@MNDF_Official)November 17, 2013
13:04
ޔާމީންގެ އެމަނިކުފާނުގެ އަނބިކަނބަލުން ދަރުބާރުގެ އަށް ވަޑައިގެންފި. އެމަނިކުފާނަށް އިސްތިގުބާލު ކުރެއްވީ ރައްޔިތުންގެ މަޖިލީހުގެ ރައީސް އަބްދުﷲ ޝާހިދު.
12:55
މިއަދުގެ މި ރަސްމިއްޔާތުގައި އެމްޑީޕީ ޕާލިމަންޓްރީ ގްރޫޕްގެ މެމްބަރުން ވަނީ ހާޒިރުވެވަޑައިގެންފި.
12:54
ދަރުބާރުގޭގައި ބާއްވާ ހުވާކުރުމުގެ ރަސްމިއްޔާތަށް ވަޑައިގެންނެވުމަށްޓަކައި ޔާމީން މޮޓޯކޭޑްގައި އެމަނިކުފާނު ދިރިއުޅުއްވާ ގެކޮޅުން ނިކުމެވަޑައިގެން ވަޑައިގެންފި.
12:53
ކުރީގެ ރައީސް މައުމޫން އަބްދުލް ގައްޔޫމް ވެސް ދަރުބާރުގެއަށް ވަޑައިގެންފި.
President Nasheed attending the oath taking ceremony of Abdulla Yaminpic.twitter.com/gppQNbjJod
— MDP News (@MDPnews)November 17, 2013
12:52
ކުރީގެ ރައީސް މުހައްމަދު ނަޝީދުގެ ދެކަނބަލުން ދަރުބާރުގެ އަށް ވަޑައިގެންފި.
12:50
ޖުމްހޫރީ ޕާޓީގެ ލީޑަރު ގާސިމް އިބްރާހިމް ވެސް ދަރުބާރުގެ އަށް ވަޑައިގެންފި.
12:48
ރަސްމިއްޔާތަށް ދައުވަތު އަރުވާފައިވާ ބޭރުގެ އިއްޒަތްތެރިންނާއި ދައުލަތުގެ އިސް ބޭފުޅުންނާއި ރައްޔިތުންގެ މަޖިލީހުގެ މެމްބަރުންނާއި މިނިވަން މުއައްސަސާތަކުގެ އިސް ފަރާތްތަކުން މިހާރު ވަނީ ދަރުބާރުގެއަށް ވަޑައިގެންފައި.
12:46ދަރުބާރުގެ
ކުޑައިރުކޮޅެއްގެ ތެރޭގައި ރަސްމިއްޔާތު ފެށުމަށް ހަމަޖެހިފައިވާއިރު މި ރަސްމިއްޔާތު ބާއްވާ ދަރުބާރުގެ ވަނީ ރަސްމިއްޔާތަށްޓަކައި ވަރަށް ބޮޑަށް ޒީނަތްތެރިކޮށްފައި.