Last Updated: 1 decade 2 year ago
'
މިއަދު ހަވީރު 4:15ގެ ފަހުން ކުނޫޒުގައި ފެށި އެ ބައްދަލުވުމުގައި ޖޭޕީ ލީޑަރު ގާސިމް އިބްރާހިމާއި އެ ޕާޓީގެ ރައީސް ޑރ. އިބްރާހިމް ދީދީ (ޑީޑީ) އާއި އެ ޕާޓީގެ ނައިބު ލީޑަރު އިލްހާމް އަހުމަދު ބައިވެރިވެވަޑައިގަންނަވަ އެވެ. އަދި ރިޔާސީ އިންތިހާބުގެ ފުރަތަމަ ބުރުގައި ގާސިމަށް ތާއިދު ކުރައްވަން ނިންމެވި ޕާޓީތަކުގެ އިސް ބޭފުޅުން ވެސް މިވަގުތު ތިއްބެވީ ކުނޫޒުގަ އެވެ.
އަދާލަތު ޕާޓީގެ ރައީސް ޝެއިހް އިމްރާމް އަބްދުﷲ އާއި ގައުމީ ޕާޓީ ހިންގެވުމާ ހަވާލުވެ ހުންނެވި ރިޔާޒު ރަޝީދު ވެސް ހުންނެވީ ކުނޫޒުގަ އެވެ.
ޖޭޕީގެ ކައުންސިލަށް އަލުން ތާއިދު ކުރާނެ ކެންޑިޑޭޓަކު ކަނޑައެޅުމުގެ ބައްދަލުވުން ކުރިއަށްދާ އިރު، ޖޭޕީން ކުރިން ނިންމާފައި ވަނީ އެއްވެސް ކެންޑިޑޭޓަކަށް ތާއިދު ނުކޮށް "ނިއުޓްރަލްކޮށް" ތިބުމަށެވެ.
ގާސިމާ އެކު ބޮޑު ދެ ޕާޓީން ވޭތުވެ ދިޔަ ތިން ދުވަހު ބޭއްވި ބައްދަލުވުންތަކަށް ފަހު މީޑިއާއާ ވާހަކަފުޅު ދައްކަވަމުން އެމްޑީޕީގެ ރިޔާސީ ކެންޑިޑޭޓް މުހައްމަދު ނަޝީދާއި ޕީޕީއެމްގެ ރިޔާސީ ކެންޑިޑޭޓް އަބްދުﷲ ޔާމީން އަށް ވެސް ތާއީދު ކުރައްވާނެ ކަމެއް ގާސިމް ވިދާޅެއް ނުވެ އެވެ. އަދި އެއްވެސް ރިޔަސީ ކެންޑިޑޭޓަކަށް ތާއިދު ކުރައްވާނެ ކަމުގެ އިޝާރާތެއް ވެސް އެމަނިކުފާނު ނުކުރައްވަ އެވެ.
މިދިޔަ ހޯމަ ދުވަހުގެ ރޭ މާފަންނުވިލާގައި ގާސިމާ އެކު ބޭއްވި ބައްދަލުވުމަށް ފަހު މާފަންނުވިލާ އިން ނުކުމެވަޑައިގެން ގާސިމްގެ އަރިހުގައި ހުންނަވައި އެމްޑީޕީ ޕާލަމެންޓްރީ ގްރޫޕްގެ ލީޑަރު އިބްރާޙިމް މުހައްމަދު ސޯލިހު (އިބޫ) ވިދާޅުވީ އިސްލާހީ މަސައްކަތް ކުރި ގޮތަށް ގާސިމާ އެކު އެމްޑީޕީ އަށް ދެން މަސައްކަތް ކުރެވޭނެ ކަމުގެ ޔަގީންކަށް އެބަ އޮތް ކަމަށެވެ. އަދި މުސްތަގުބަލުގައި ގާސިމްއާ އެކު މަސައްކަތް ކުރެވޭނެކަން އެރޭގެ ބައްދަލުވުން ކަށަވަރުވެފައިވާ ކަމަށް އިބޫ ވިދާޅުވި އެވެ.
ގާސިމް ވަނީ އެމްޑީޕީގެ އިގްތިސާދީ މެނިފެސްޓޯއަށް ތައުރީފު ކުރައްވައި ވާހަކަފުޅު ދައްކަވާފަ އެވެ.
ޕީޕީއެމްގެ ރައީސް މައުމޫން އަބްދުލް ގައްޔޫމާ އެކު މާފަންނު ވިލާގައި ބޭއްވި ބައްދަލުވުމަށް ފަހު، ގާސިމް ވިދާޅުވީ ތާއިދު ކުރާނެ ރިޔާސީ ކެންޑިޑޭޓަކު ކަނޑައެޅުމަށް ޓަކައި އެ ހުށަހެޅުން ޖުމްހޫރީ ޕާޓީގެ ގައުމީ މަޖިލީހަށް ގެންގޮސް، މަޝްވަރާކުރަން ނިންމާފައިވާ ކަމަށެވެ. އެ ބައްދަލުވުމަށް ފަހު މައުމޫނާއި ގާސިމް ވަނީ އެއްބޭފުޅަކު އަނެއް ބޭފުޅަކަށް ތައުރީފު ކުރައްވާއި ވާހަކަފުޅު ދައްކަވާފަ އެވެ.
މިއަދު ފެނިގެން އެދިޔައީ ގާސިމްގެ ގައުމީ ހިދުމަތް.
ޖޭޕީ ކައުންސިލްގައި މިރޭ ބައިވެރިވި 20 މެންބަރުންގެ ތެރެއިން 15 މެންބަރުންގެ އަގުލަބިއްޔަތު ލިބުނީ ޔާމީނަށް ތާއިދު ކުރުމަށް. ފަސް މެމްބަރަކު ވަކިކޮޅަކަށް ވޯޓު ނުދެއްވައި ތިއްބެވި. އެ ފަސް މެންބަރުންނަކީ ކުރީގެ ޓްރާސްޕޯޓް މިނިސްޓަރު ޑރ. އަހުމަދު ޝަމްހީދާއި ޕާޓީގެ ރައީސް ޑރ. އިބްރާހިމް ދީދީ (ޑީޑީ) އާއި ސެކަރެޓަރީ ޖެނަރަލް ހަސަން ޝާހު އާއި މޫސާ ރަމީޒު އަދި ޑރ. ހުސައިން ރަޝީދު.
PPM candidate endorse kuran@jumhooreeparty council in ninmaifi#athugulhaa#aabasbuney
— Qasim Ibrahim (@qasimibrahim)November 13, 2013
JP council endorsed PPM candidate. Feeling proud to convince council members that Nasheed is not a choice.
— Moosa Anvar Vote Q (@moosaanvar)November 13, 2013
ގާސިމްގެ ފާޅުގައި އެއްވެސް ކޮޅަށް ތާއިދު ކުރައްވައި ވާހަކަ ނުދައްކަވާ. ނަމަވެސް ކައުންސިލް މެންބަރުން ހިޔާލަށް ބައްލަވާފައި ވޯޓަށް އެއްސެވީ. އެ ވަގުތު 15 މެންބަރުން ތާއިދު ކުރެއްވީ ޕީޕީއެމްއަށް ތާއިދު ކުރުމަށް. ފަސް މެންބަރަކު ވަކިކޮޅަކަށް ވޯޓު ނުދެއްވައި ތިއްބެވި.
ރިޔާސީ އިންތިހާބުގެ ފުރަތަމަ ބުރުން ގާސިމަށް ނާކާމިޔާބީއާ ކުރިމަތިލާން ޖެހިވަޑައިގެންނެވުމުން މޫސާ އަންވަރު ތާއިދު ކުރައްވަން ފެއްޓެވީ ޕީޕީއެމްއަށް.