ގާސިމާ މިއަދު ވެސް އަޅުގަނޑުމެން ވާހަކަދެއްކިން. މިހާރު ވެސް އަޅުގަނޑުމެން އެދެނީ އަޅުގަނޑުމެންނާއެކު މި ޖިހާދުގައި ބައިވެރިވެވަޑައިގަތުމަށް. އަޅުގަނޑު އުންމީދު ކުރަނީ ފަހު ވަގުތުގައި ވެސް އެމަނިކުފާނު މިކޮޅަށް ވަޑައިގަންނަވާނެ ކަމަށް.

ރާއްޖޭގެ މިނިވަންކަން ގެއްލެނީ ދިވެހިން މެދުވެރިވެގެން. މިއަދު ދުވެސް މިފެންނަނީ އެ މަންޒަރު. އެމްޑީޕީއަށް އެހާ ގިނަ ފައިސާ ބޭރު ފަރާތްތަކުން ދެމުން އެ ދަނީ ޣައިރު ދީން މިތަނަން ގެންނަން. އަޅުގަނޑުމެން މިއަދު ލަދުގަންނަން ޖެހޭނެ އިސްލާމް ދީން އަޅުގަނޑުމެންގެ އަތުން ބީވެގެން ހިނގައްޖެނަމަ. އެހެންވީމަ މިއަދު ގަޅުގަނޑުމެން ބަލަންޖެހޭ ގައުމުގެ ހައްގުގައި ރަނގަޅު ގޮތަކީ ކޮބައިތޯ؟ އެހެންވީމަ ޖުމްހޫރީ ގުޅުމަށް ތާއިދު ކުރެއްވި ހުރިހާ ބޭފުޅުން ވެސް ޕީޕީއެމްގެ ރިޔާސީ ކެންޑިޑޭޓް އަބްދުﷲ ޔާމިންއަށް ވޯޓު ދެއްވުމަށް އެދެން.

ނަޝީދަށް ދިވެހި ރައްޔިތުން ނޫނެކޭ ބުނެފި. ނަމަވެސް ވަކިބަޔަކަށް ކާމިޔާބު ނުވީ އަޅުގަނޑުމެން ދެކަފިވެގެން ދިޔައީމަ. މިހާރު މިތިބީ އެކަތިގަނޑަކަށް ވެގެން. ﷲ އިރާދަ ކުރެއްވިއްޔާ ނަޝީދަށް ވެރިކަމަށް ނާދެވޭނެ ކަމަށް މިދިޔަ ހޮނިހިރު ދުވަހު ދިވެހިރައްޔިތުން ދައްކުވައިދިން ގޮތަށް އަންނަ ހޮނިހިރު ދުވަހު ވެސް އެ ނަތީޖާ ނެރެދިނުމަށް އެދެން.

ގައުމީ ޕާޓީގެ ރައީސްކަމުން ޑރ. ހަސަން އިސްތިއުފާ ދެއްވުމާ އެ ޕާޓީގެ ރައީސްއަކަށް ރޭ ވަޑައިގެންނެވި އިމާދު ސޯލިހު ވާހަކަފުޅު ދައްކަވަނީ. އޭނާ ވިދާޅުވީ އިންތިހާބު ކާމިޔާބު ކުރުމަށް ގައުމާ މެދު ވިސްނައި ވަޑައިގެން، ހިތްވަރާއެކު މަސައްކަތްކޮށް "ކަނޑިއާއި ބަޑި ހިފައިގެން" ކުރިއަށް އޮތް ހަތަރު ދުވަހު މަސައްކަތްކޮށް، ޕީޕީއެމަށް ވޯޓު ދެއްވުމަށް.

ރައީސް ޑރ. މުހައްމަދު ވަހީދުގެ ނިސްބަތްވެވަޑައިގަންނަވާ ގައުމީ އިއްތިހާދު ޕާޓީގެ ފަރާތުން ތޯރިގު އަލީ ލުތުފީ ވަނީ ޔާމީނަށް ތައުރީފު ކުރައްވައި ވާހަކަފުޅު ދައްކަވާފައި. ގައުމީ އިއްތިހާދު ޕާޓީ އާއި ރައީސް ވަހީދަށް ތާއިދު ކުރައްވާ ފަރާތްތަކުން ޔާމީނަށް ވޯޓު ދެއްވުމަށް ތޯރިގު އެދިވަޑައިގެންނެވި.

މިނިވަން ކަމާއި އިސްތިގުލާލު ދެމެހެއްޓުމަށް ނަޝީދާ ދެކޮޅަށް ތެދުވުމަށް އުމަރު ގޮވާލެއްވި. އިސްލާމް ދީނާއި މިނިވަންކަން ދެމެހެއްޓުމަށް ޔާމިނަށް ވޯޓު ދެއްވުމަށް އުމަރު އެދިވަޑައިގެންނެވި.