28 Oct 2013, 23:51
އިންޑިއަން ހައިކޮމިޝަންގެ ކުރިމަތީގައި ޕާކްކޮށްފައި އޮތް އިންޑިއަން ހައިކޮމިޝަނަރުގެ ކާރުކޮޅުގެ ބިއްލޫރިގަނޑަކަށް ހަމަލާދިން މައްސަލަ ކުރީގެ ދެ ރައީސުން ކުށްވެރި ކުރައްވައިފި އެވެ.
ހައިކޮމިޝަނަރުގެ ކާރުކޮޅަށް މިރޭ އިރުއޮއްސުނުއިރު ގާބުރިއެއް އެއްލައި ދިން އެ ހަމަލާގައި ކާރުގެ ފަހަތް ބިއްލޫރިގަނޑުގައި ވަނީ ބާގަނޑެއް ހެދިފަ އެވެ.
މިއަމަލު ކުށްވެރިކޮށް ކުރީގެ ރައީސް މައުމޫން އަބްދުލް ގައްޔޫމް މިރޭ ކުރައްވާފައިވާ ޓުވީޓެއްގައި ވިދާޅުވެފައިވަނީ އެއަމަލު ހިންގި ބަޔަކު އިންސާފުގެ ކުރިމައްޗަށް ގެންނަން ޖެހޭނެ ކަމަށެވެ.
I strongly condemn the attack on Indian High Commissioner's car in Male this evening. The culprits must be caught n brought to justice. -M
— Maumoon Abdul Gayoom (@maumoonagayoom)October 28, 2013
ރައީސް މައުމޫންގެ އިތުރުން ކުރީގެ ރައީސް މުހައްމަދު ނަޝީދު ވެސް ވަނީ އެ އަމަލު ކުށްވެރި ކުރައްވައިފަ އެވެ. ނަޝީދުގެ ޓުވީޓްގައި އެ އަމަލު ހިންގި ބަޔަކު ހޯދުމަށް ވީއެންމެ އަވަހަކަށް ތަހުގީގެއް ފެށުމަށް ސަރުކާރަށް ވަނީ ގޮވާލައްވައިފަ އެވެ.
Condemn vandalism of Indian High Commissioner's car this evening and call on the Government to launch an investigation immediately.
— Mohamed Nasheed (@MohamedNasheed)October 28, 2013
މި އަމަލް ކުށްވެރިކޮށް ފުލުހުން މިރޭ ނެރުނު ނޫސް ބަޔާނުގައި ބުނެފައި ވަނީ ފުލުހުން އެ މައްސަލަ ތަހުގީގު ކުރަމުން އަންނަ ކަމަށެވެ. އަދި އެކަމާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ހުރެއްޖެނަމަ އެކަމުގެ މައުލޫމާތު ފުލުހުންނާ ހިއްސާކުރުމަށް ވެސް ފުލުހުން ވަނީ އިލްތިމާސްކޮށްފަ އެވެ.
ނަމަވެސް މިހާތަނަށް އެމައްސަލާގައި އެއްވެސް މީހަކު ހައްޔަރުކުރި ކަމެއް ފުލުހުން ހާމަކޮށްފަ އެެއް ނުވެ އެވެ.