Last Updated: 1 decade 2 year ago

Last Updated:
1 decade 2 year ago

އާޒިމު ފުލުހުންނާ ހަވާލުކުރީ ސެކިއުރިޓީ ބަލަހައްޓާ މީހުންނަށް ހަމަލާދިނުމުން: އެމްއެންޑީއެފް

    ބުލޮގު ޚުލާސާ
    މިއަދު ބާއްވަން ހަމަޖެހިފައިވާ ރައްޔިތުންގެ މަޖިލީހުގެ ޖަލްސާއާ ދިމާކޮށް މެދުހެންވޭރު ދާއިރާގެ ކުރީގެ މެންބަރު އަލީ އާޒިމް ރައްޔިތުންގެ މަޖިލީހުގެ ތެރެއަށް ވަދެވަޑައިގަންނަވަން އުޅުއްވުމުން ސިފައިން އޭނާ އަށް ހުރަސްއަޅައިފި އެވެ.

    އާޒިމް މަޖިލީހުގެ ތެރެއަށް ވަދެވަޑައިގަތުމަށް ސިފައިން ހުރަސް އެޅުމާ ގުޅިގެން އެމްޑީޕީގެ ޕާލަމެންޓްރީ ގުރޫޕްގެ ބައެއް މެންބަރުން އެތަނުގައި ތިބެ އެކަމާ ދެކޮޅަށް އަޑުއުފުލަން ފަށާފަ އެވެ.

    މަޖިލީސް ހުންނަ ސަރަހައްދު ބަންދުކުރުމަށް ފަހު ފުލުހުން ވަނީ އެ ސަރަހައްދުގެ ސެކިއުރިޓީ ބެލެހެއްޓުމުގެ މަސައްކަތް ވަނީ ފަށައިފަ އެވެ.

    މިއަދު ބާއްވާ ޖަލްސާ އަށް އެޖެންޑާ ކޮށްފައި ވަނީ އަންނަ ނޮވެމްބަރު 11 އަށް ރިޔާސީ ދައުރު ހަމަވާތީ، އެ ތާރީހާ ހަމަޔަށްދާއިރު، އިންތިހާބު ކުރާ ރައީސަކު ނެތުމުގެ ފުރުސަތު އޮތުމުން ގާނޫނީ މައްސަލަތަކެއް ދިމާވެދާނެ ރައީސުލްޖުމްޙުރިއްޔާ މަޖިލީހުގެ ރައީސަށް ހުށަހެޅުއްވި ސިޓީފުޅަކާ ގުޅިގެން ބާއްވާ ޖަލްސާއެކެވެ.

    ސާބިތު ދަރަނި ނުދައްކައި އޮތް މައްސަލައަކާ ގުޅިގެން އަލީ އާޒިމާއި ރައްޔިތުންގެ މަޖިލީހުގެ އަލިފުށީ ދާއިރާގެ މެންބަރު މުހައްމަދު ނާޝިޒުގެ ގޮނޑި ގެއްލިފައިވާ ކަމަށް ސުޕްރީމް ކޯޓުން ވަނީ ހުކުމްކޮށްފަ އެވެ.

    https://www.youtube.com/watch?v=VVRy1XiKlQM

    14:34

    މިއަދު ބާއްވަން އުޅުނު މަޖިލީހުގެ ޖަލްސާ ކެންސަލްކޮށް، މާދަމާ ހެނދުނު 9:00 ޖަހާއިރު ޖަލްސާއެއް ބޭއްވުމަށް ނިންމައިފި.
    13:49

    އަދި ވެސް މެންބަރުން ތިއްބެވީ މަޖިލީހުގެ އިދާރާގައި ކަމަށް ޕީޕީއެމް އިން ބުނި. މަޖިލީހުގެ ރައީސް އަދި ވަކި އެއްޗެއް ނާންގަވާ ކަމަށް، ކިނބިދޫ ދާއިރާގެ މެންބަރު މޫޒާ ޒަމީރު ވިދާޅުވި. އޭނާ ވިދާޅުވީ މިއަދު ދެން ޖަލްސާ ބާއްވައިފާނެ ކަމަށް ނުފެންނަ ކަމަށް.
    އަމީންއާންމު ސިފައިންނަށް ފޮނުވީ ސިޓީމަޖިލީހުގެ އިދާރާ

    އާޒިމާއި ނާޝިޒު މަޖިލީހަށް ހާޒިރުވެ ވަޑައިގަތުމާ ގުޅޭގޮތުން މަޖިލީހުގެ ރައީސަށް ސިފައިން މިއަދު ފޮނުއްވި ސިޓީގައި މަޖިލީހުގެ އަމީން ޢާންމު ވިދާޅުވި ކަމަށް ބުނެ، ހިމަނާފައިވާ ބައެއް ވާހަކަތަކަކީ ޙަޤީޤަތާ ޚިލާފް ވާހަކަ ތަކެއް ކަމަށް ވާތީ ސިފައިންގެ ސިޓީ އަނބުރާ އެމްއެންޑީއެފްއަށް ފޮނުވައިފި.
    އެސިޓީގައި އަޅުގަނޑު ދެންނެވި ކަމަށް މަޖިލީހުގެ ސެކިއުރިޓީ ބަލަހައްޓަވާ ބޭފުޅުން ވިދާޅުވެފައިވާ ވާހަކަ ތަކުގައި ހަޤީޤަތާ އެއްގޮތް ނޫން ވާހަކަތަކެއް ވަނީ ހިމެނިފައެވެ.
    12:27

    މަޖިލީހުގައި ޔާމިންއަށް ދިން ހަމަލާ ޕީޕީއެމްގެ ރައީސް މައުމޫން އަބްދުލް ގައްޔޫމް ކުށްވެރި ކުރައްވައި، ޓުވީޓެއް ކުރައްވައިފި.
    އެމްއެންޑީއެފްގެ ނޫސްބަޔާން

    އާޒިމާއި ނާޝިޒު މަޖިލީހަށް ވެންނެވުމަށް މަޖިލީހުގެ ރައީސް ލިއުމަކުން އެމްއެންޑީއެފަށް އެންގެވުމުން ރައްޔިތުންގެ މަޖިލީހަށް އެބޭފުޅުން ވެންނެވުމަކަށް ހުރަސް ނާޅުއްވާނެ ކަމަށް ސިފައިން ބުނެފި. އެމްއެންޑީއެފުން ދެންމެ ނެރުނު ނޫސްބަޔާނެއްގައި ބުނެފައި ވަނީ މަޖިލީހަށް މިއަދު ވަޑައިގަންނެވި އެހެން އެއްވެސް ބޭފުޅަކަށް ސިފައިން ހުރަސް އަޅާފަފައި ނުވާނެ ކަމަށް.
    ރައްޔިތުންގެ މަޖިލީހުގެ މެދުހެންވޭރު ގޮނޑިއާއި އަލިފުށީ ދާއިރާގެ ގޮނޑި ގެއްލިފައިވާކަމަށް ސުޕްރީމް ކޯޓުން ހުކުމްކޮށްފައިވާތީ އަލްފާޟިލް ޢަލީ ޢާޒިމާއި އަލްފާޟިލް މުޙަންމަދު ނާޝިޒް ރައްޔިތުންގެ މަޖިލީހުގެ ތެރެއަށް ވެއްދުމުގައި މަޖިލީހުގެ ސެކިއުރިޓީ ބަލަހައްޓާ ފަރާތުން ޢަމަލުކުރަންވީގޮތެއް އަންގަވައިދެއްވުމަށް އެދި، 25 އޮކްޓޯބަރ 2013 ވަނަ ދުވަހުގެ ރޭ ރައްޔިތުންގެ މަޖިލީހުގެ ރައީސަށް މޯލްޑިވްސް ނޭޝަނަލް ޑިފެންސް ފޯސްއިން ވަނީ ސިޓީއެއް އަރިސްކޮށްފައެވެ. އެހެންނަމަވެސް އަދި މިހާތަނަށް ރައްޔިތުންގެ މަޖިލީހުގެ ރައީސްގެ ފަރާތްޕުޅުން އެފަދަ ލިއުމެއް ނުލިބެއެވެ. އެދެބޭފުޅުން ރައްޔިތުންގެ މަޖިލީހަށް ވެއްދުމަށް މަޖިލީހުގެ ރައީސް ލިއުމަކުން މޯލްޑިވްސް ނޭޝަނަލް ޑިފެންސް ފޯސްއަށް އެންގެވުމުން ރައްޔިތުންގެ މަޖިލީހަށް އެބޭފުޅުން ވެންނެވުމަކަށް މޯލްޑިވްސް ނޭޝަނަލް ޑިފެންސް ފޯސް އިން ހުރަހެއް ނާޅާނެއެވެ. އަދި ރައްޔިތުންގެ މަޖިލީހަށް މިއަދު ވަޑައިގަންނެވި އެހެން އެއްވެސް ބޭފުޅަކަށް މޯލްޑިވްސް ނޭޝަނަލް ޑިފެންސް ފޯސް އިން ހުރަސް އަޅާފައެއް ނުވެއެވެ.
    10:41

    މަޖިލިސް ތެރެއަށް ވަން "އެމްއެންޑީއެފްގެ މީހުންނަށް" ވަކިވަކިން ދައުވާ އުފުލޭނެ ކަމަށް އެމްޑީޕީގެ ރިޔާސީ ކެންޑިޑޭޓް ކުރީގެ ރައީސް މުހައްމަދު ނަޝީދު ވިދާޅުވެއްޖެ. އެމަނިކުފާނު އެހެން ވިދާޅުވީ ދާދި ދެންމެއަކު ކުރެއްވި ޓުވީޓެއްގައި.
    10:23

    މަޖިލީހުގެ ތަޅުމުގައި ތިއްބެވި ބައެއް މެންބަރުން ވިދާޅުވީ އަލީ އާޒިމު ނެރުމަށް ފަހު ޖަލްސާ ބޭއްވުމަށް ތައްޔާރުވާން އުޅޭ ކަމުގެ އިޝާރާތް ލިބޭ ކަމަށް. ދޭ ދޭ މެންބަރުންގެ މެދުގައި ކުޑަކޮށް ޒުވާބުކޮށްލި ނަމަވެސް މިވަގު އޮތީ ހިމޭންކޮށް ކަމަށް އެ ބޭފުޅުން ވިދާޅުވި.
    10:23ޕޮލިސް މީޑިއާ

    ރައްޔިތުންގެ މަޖިލީހުގެ ގޯތިތެރެއަށް ވަދެ ސިފައިންނަށް ހަމަލާދީ ސިފައިންގެ އަމުރަށް ނުކިޔަމަންތެރިވެ ގަދަކަމުން މަޖިލީސް ތެރެއަށް ވަންނަން އުޅުނު މީހެއްގެ މައްސަލަ ބަލައިދިނުމަށް އެމްއެންޑީއެފުން ފުލުހުންނަށް ހުށަހަޅައިފި
    10:16

    ސިފައިންގެ 14 މީހަކު މަޖިލީހުގެ އިދާރާތެރެއަށް ވަދެ މެދުހެންވޭރު ދާއިރާގެ ކުރީގެ މެމްބަރު އަލީ އާޒިމް ހައްޔަރުކުރުމަށް ފަހު ފުލުހުންގެ ވެހިކަލެއްގައި ގެންގޮސްފި.
    10:07

    މުލަކު ދާއިރާގެ މެމްބަރު އަދި ޕީޕީއެމްގެ ރިޔާސީ ކެންޑިޑޭޓް އަބްދުﷲ ޔާމީން އަބްދުލްގައްޔޫމް މަޖިލީހުގެ ތެރެއަށް ވަދެވަޑައިގަންނަވަނިކޮށް އެމަނިކުފާނަށް ހަމަލާދީފި އެވެ.

    ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ ވިދާޅުވީ މިއަދު ހެނދުނު 9:30 އެހާކަންހާއިރު މަޖިލީހުގެ ތެރެއަށް ޔާމީން ވަދެވަދައިގަންނަވަނިކޮށް މެދު ހެންވޭރު ދާއިރާގެ ކުރީގެ މެމްބަރު އަލީ އާޒިމް އެމަނިކުފާނުގެ ބުރަކައްޓަށް ހަމަލާދީފައިވާ ކަމަށެވެ.