މަޝްވަރާތަކުގައި ބައިވެރިވެވަޑައިގަތުމަށް ޕާޓީތަކުގެ މަންދޫބުން އީސީއަށް ވަޑައިގެންނެވީ މިރޭ 9:00 ޖެހި ފަހުންނެވެ. އެމްޑީޕީގެ ފަރާތުން މަޝްވަރާތަކުގައި ބައިވެރިވެވަޑައިގަތުމަށް އީސީއަށް ވަޑައިގެންނެވީ އެ ޕާޓީގެ ޗެއާޕާސަން ރީކޯ މޫސާ މަނިކާއި އެމްޑީޕީގެ ރިޔާސީ ކެންޑިޑޭޓުގެ މަންދޫބު ހަސަން ލަތީފެވެ. ޖޭޕީގެ ފަރާތުން އުމަރު ނަސީރާއި އިލްހާމް އަހުމަދު ވަޑައިގެންނެވިއިރު، ޕީޕީއެމްގެ ފަރާތުން މަޝްވަރާތަކަށް ވަޑައިގެންނެވީ އެ ޕާޓީގެ ނައިބު ރައީސް އަބްދުއްރަހީމް އަބްދުﷲ އާއި ޕީޕީއެމްގެ ރިޔާސީ ކެންޑިޑޭޓުގެ މަންދޫބު އަބްދުﷲ އަމީނެވެ.http://www.sun.mv/albums/l_20711.jpg
އީސީގެ މެންބަރުންނާއެކު ޑިފެންސް މިނިސްޓަރާއި ތިން ޕާޓީގެ ހަ މަންދޫބުންނާއެކު ކުރިއަށްދާ މަޝްވަރާތަށް މިހާރު ވަނީ ފަށާފަ އެވެ.

އީސީން ރޭ ނެރުނު ނޫސްބަޔާނެއްގައި ބުނެފައި ވަނީ އިންތިހާބުގެ ތާރީހެއް ބޭއްވުމަށް ސަރުކާރައި ސިޔާސީ ޕާޓީތަކާ މަޝްވަރާ ކުރަން ޖެހެނީ ސިޔާސީ ގޮތުން "ބައެއް ޔަގީންކަން" ލިބެން ބޭނުންވާތީ ކަމަށެވެ.

އީސީގެ ރައީސް ފުއާދު ތައުފީގު ރޭ ވިދާޅުވެފައި ވަނީ އެންމެ އަވަހަށް ވެސް އިންތިހާބު ބޭއްވެން އޮތީ އަންނަ މަހުގެ ނުވައެއްގައި ކަމަށެވެ. ނަމަވެސް އަންނަ މަހުގެ ދޭއް ގައި އިންތިހާބު ބޭއްވުމަށް އެ ކޮމިޝަންގެ ނައިބު ރައީސް އަހުމަދު ފަޔާޒު ހަސަން ޕާޓީތަކަށް ހުށަހެޅި ކަމަށްވެ އެވެ.http://www.sun.mv/albums/l_20712.jpg