މިރޭގެ ފައިނަލް މެޗަކީ ވާރަށް ފޯރިގަދަ ވެގެން ދާނެ މެޗެއް. މިރޭގެ މެޗުގައި ތަށި މާޒިޔާއަށް ދިފާއުކުރެވިއްޖެނަމަ އެކުލަބަށް މި ތަށި ހާއްސަވާ ސަބަބުތަކެއްވޭ. އެގޮތުން މިފަހަރުގެ ތަށި މާޒިޔާއަށް ކާމިޔާބު ކުރެވިއްޖެ ނަމަ އަންނަ އަހަރު އެންމެ ފުރަތަމަ ފަހަރަށް އެ ކުލަބުން ހޯދާ ބޮޑު މުބާރާތުގެ ތަށި މިލްކު ކުރަން ފުރުސަތު ލިބިގެންދާނެ.

މިރޭގެ މެޗަށް ނިކުތުމުގެ ކުރިން ނިއުގެ ކޯޗް ޕޮޕޯފް ބުނީ، އޭނާގެ ޓީމުގެ ކުޅުންތެރިން އެހާ ފިޓް ނޫން ކަމަށާއި އެހެން ނޫނަސް ރަނގަޅު ކޮށްލަން ޖެހޭ ބައެއް ކަހަލަ ކަންތައްތަކެއް އެބަހުރި ކަމަށް.

ނިއުއަށް ވެސް މިރޭގެ މެޗް މުހިންމުވާ ސަބަބުތަކެއް އަބަހުރި. އެގޮތުން މި މުބާރާތް ތަށި މިލްކޮކޮށްފައިވާ ހަމައެކަނި ޓީމަނީ ނިއު. މިރޭ ނިއު މޮޅުވެއްޖެނަމަ މިއަހަރު ދިވެހި ޓީމެއްގެ އަތުން ބަލިނުވެ ސީޒަން ނިންމާލަން ނިއު ކުރާ މަސައްކަތް ކާމިޔާބު ވާނެ.

މެޗުގެ ކުރިން މާޒިޔާގެ ކޯޗް ކޯޗު އިސްމާއީލް މަހުފޫޒް ބުނީ، މެޗަށް ނިކުންނާނީ ތަށި ކާމިޔާބު ކުރަން ކަމަށާއި ކުޅުންތެރިންނާ މެދު ވަރަށް ބޮޑު އުންމީދެއް އެބޮތް ކަމަށް. "ނިއު އަކީ ރާއްޖޭގެ އެންމެ މޮޅު ޓީމު. ފުޓްބޯޅައިގައި މޮޅުވެވޭނީ މެޗަށް އެންމެ ބޮޑަށް ތައްޔާރުވެ، އެންމެ ރަނގަޅަށް ކޮންސަންޓްރޭޓް ކުރާ ޓީމް،"

މިރޭގެ މެޗަށް ނިއު އާއި މާޒިޔާ ނިކުންނައިރު ދެ ޓީމުން ވަނީ މިއަހަރު ހަތަރު މެޗެއްގައި ބައްދަލުކޮށްފައި. އޭގެ ތެރެއިން ސީޒަން ހުޅުވަން ކުޅުނު 100،000ރ. ޗެރިޓީ ޝީލްޑް މެޗު ނިއު ކާމިޔާބު ކުރީ މާޒިޔާ 3-1އިން ބަލިކޮށްފަ. އަދި ލީގުގައި ކުޅުނު ފުރަތަމަ މެޗު 4-2 އިން ކާމިޔާބުކޮށް ދެ ވަނަ މެޗުގައި 2-0، އަދި ފަހު މެޗުން ނިއު މޮޅުވީ 1-0 އިން.