Last Updated: 1 decade 2 year ago
މިއަދުގެ ޖަލްސާ އަކީ އެމްޑީޕީގެ ޕާލިމެންޓްރީ ގްޜޫޕްގެ 29 މެންބަރަކު ސޮއި ކުރައްވައި މަޖިލީހުގެ ރައީސް އަށް ސިޓީ އަކުން އެދިވަޑައިގަތުމުން ބާއްވާ ޖަލްސާއެކެވެ.
މިއަދުގެ ޖަލްސާ ހެނދުނު 9 ޖަހާއިރު ފެށުމަށް ހަމަޖެހިފައިވީ ނަމަވެސް މަޖިލީހުގެ ސިސްޓަމަށް ދިމާވި މައްސަލައަކާ ގުޅިގެން މަޖިލީހުގެ ރައީސް ޖަލްސާ ފެއްޓެވީ ބައިގަޑިއުރު ފަހުންނެވެ.
ޖަލްސާ ތަރޭގައި ވިލިފުށީ ދާއިރާގެ މެންބަރު ރިޔާޒް ރަޝީދު ވަނީ ކަށިގަޑު ފުމެ އަޑުގަދަ ކުރައްވާފަ އެވެ. އަދި ގެމަނަފުށީ ދާއިރާގެ މެންބަރު އިލްހާމް އަހުމަދު ވަނީ އޫޒެލާއެއް މެދުވެރިކޮށް ފުމެ އަޑު ގޮއްވައިފަ އެވެ.
މަޖިލީހުގެ ޖަލްސާ ތެރޭގައި އެމްޑީޕީ އާއި ޕީޕީއެމްގެ މެންބަރުން ބަހުގެ ހަމަލާތަކެއް ބަދަލުކޮށްފައި ވެސްވެ އެވެ. އެގޮތުން އެމްޑީޕީގެ މެންބަރުންނަށް ނިސްބަތްކޮށް "ވޯޓް ވަގު" ކިޔައި އަޑުގަދަކޮށްފައިވެ އެވެ. އަދި ބައެއް މެންބަރުން އެއް މެންބަރަކު އަނެއް މެންބަރަކު މަސަލަސް ކުރުމަށް ވެސް މަސައްކަތް ކުރިތަން ފެނުނެވެ.
މަޖިލީހުގެ ޖަލްސާ ހުއްޓަވައިލެއްވި އިރު ވާހަކަ ދައްކަވަމުން ގެންދެވީ މާފަންނު ހުޅުނގު ދާއިރާގެ މެންބަރު އަބްދުﷲ އަބްދުއްރަހީމް އެވެ. އޭނާ ވާހަކަ ދައްކަވަމުން ގެންދެވި ގަޑީގައި އޭނާގެ މައިކް ކައިރީ ޕީޕީއެމް އަށް ނިސްބަތްވާ މެންބަރުންނާއި އެމްޑީޕީ އަށް ނިސްބަތްވާ މެންބަރުން އަޑުގަދަ ކުރައްވާފައިވެ އެވެ. އަދި ބައެއް މެންބަރުން މަޖިލީހުގެ ރިޔާސަތަށް ހުރަސް އަޅުއްވައި އިދާރީ މުވަޒިފުންނާ ދިމާ އަށް ދިޔަތަން ވެސް ފެނިގެން ދިޔަ އެވެ. އަދި ގިނަ އަދަދަކަށް ނިޒާމީ ނުކުތާތައް ނަންގަވަމުން ގެންދަވާފައިވެ އެވެ.
މަޖިލީހުގެ ރައީސް އަބްދުﷲ ޝާހިދު ޖަލްސާ މެދުކަނޑުއްވާލައްވަމުން ވިދާޅުވީ ދެން މަޖިލީހުގެ ޖަލްސާ ފަށާނީ ޕާލިމެންޓްރީ ގްރޫޕްތަކުގެ ލީޑަރުންނާ މަޝްވަރާ ކުރުމަށް ފަހުގައި ކަމަށެވެ. މަޖިލީހުގެ ރައީސް މިއަދު އިންނެވީ ހެޑް ސެޓް އަޅުއްވައިގެންނެވެ.
އަޅުގަނޑު ކޮމެޓީއަށް ވަން އިރު، ބިސް ވެސް ޖަހާފައި ހުރީ. އެންމެ ބިހެއް. އެމްޑީޕީއާ އިދިކޮޅު މެންބަރުން ކޮމެޓީގައި ވެސް ވުވުޒެލޭ އާއި ކަށިގަނޑުން ފެމެނުންދަނީ،