Last Updated: 1 decade 2 year ago
ދިވެހިރާއްޖެ އާއި އިންޑިއާ ބަންދަލު ކުރާނީ، ރާއްޖެ ގަޑިން މިއަދު ހަވީރު 5:45 ގައި. ދެ ޓީމުން ވެސް ދަސަރަތު ސްޓޭޑިއަމަށް އައިސްފި. ރާއްޖޭ ކުޅޭ މެޗުގެ ހަބަރުތައް ގެނެސްދިނުމަށް ދަސަރަތު ސްޓޭޑިއަމްގައި ރާއްޖޭގެ ފަސް މީޑިއާއަކުން ނުވަ ނޫސްވެރިން އެބަ ތިބި.
ކަތުމަންޑޫއަށް މޫސުން ރީތި ދުވަހެއް. ފިނިހޫނުމިން އުޅެނީ 27 ޑިގްރީ ސެލްސިއަށްގައި.
http://www.youtube.com/watch?v=cKeHGsGulnk
އިންޑިއާ އާއި ރާއްޖެ އެންމެ ފަހުން ކުޅުނު މެޗުގެ ތެރެއިން:https://www.youtube.com/watch?v=OUi9ZvKSla8
އިންޑިއާގެ ދިއްލީގައި 2011 ވަނަ އަހަރު އޮތް ސާފް ޗެމްޕިއަންޝިޕްގެ ސެމީ ފައިނަލްގައިވެސް އިންޑިއާ އަތުން ރާއްޖެ ބަލިވީ ހަމަ މި ނަތީޖާއިންނެވެ.
ކަތުމަންޑޫގެ ދަސަރަތު ސްޓޭޑިއަމްގައި މިރޭ ކުޅުނު ސެމީ ފައިނަލްގެ ފުރަތަމަ ހާފްގައި ދެޓީމުން ކުރެ އެއްވެސް ޓީމަކަށް ލަނޑެއް ކާމިޔާބު ކުރެވޭ ގޮތެއް ނުވި އެވެ.
މެޗުގައި ފެނިގެން ދިޔަ ހަމަ އެކަނި ލަނޑު އިންޑިއާ ޓީމަށް ކާމިޔާބުކޮށްދިނީ އެޓީމަށް ލިބުނު ކޯނަރަކުން މެޗުގެ 87 ވަނަ މިނިޓުގައި އަރްނަބް ކުމާރު މަންޑަލާ އެވެ.
މިއަދުގެ މެޗުގައި ރާއްޖެއަށް ލަނޑު ޖަހާނޭ ރަނގަޅު ދެތިން ފުރުސަތެއް ލިބި ބޭނުން ނުހިފި ދިޔަ އިރު މެޗުގެ 74 ވަނަ މިނިޓުގައި ކެޕްޓަން އަލީ އަޝްފާގު (ދަގަނޑޭ) އަށް ލަނޑު ޖަހަން ލިބުނު ފުރުސަތު ބޭނުން ނުކުރެވުނީ އޭނާއަށް އިންޑިއާގެ ކީޕަރު ފައުލް ކުރުމާ ގުޅިގެންނެވެ.
އިންޑިއާ ކުޅުންތެރިއަކު ކީޕަރަށް ދިން ބެކްޕާހެއް ކީޕަރު އެރުމުގެ ކުރިން އަޝްފާގު ބޯޅަ ހޯދައިގެން އޭރިއާ ތެރެއަށް ވަދެ ކީޕަރު ކައިރިން ނައްޓާލާފައި ބޯޅަ ހިފައިގެން ދާން އުޅުމުގެ ތެރޭގައި އިންޑިއާ ގޯލްކީޕަރު ސުބްރަތާ ޕައުލް ވަނީ ދަނގަޑޭގެ އަށް ފައުލްކޮށް އޭރިޔާ ތެރެއަށް ވައްޓާލާފަ އެވެ. އެހެން ނަމަވެސް ރެފްރީ ވަނީ އެއީ ފައުލެއް ނޫންކަމަށް ނިންމައި އަދި ދަނގަޑޭ ޑައިވް ކުރީ ކަމަށް ބަލައި ދަގަނޑޭއަށް ރީނދޫ ކާޑެއް ދައްކައިފަ އެވެ.
މިފަހަރުގެ ސާފް ޗެމްޕިއަންޝިޕް ފުޓްބޯޅަ މުބާރާތުގައި ތަފާތު ބޮޑު ނަތީޖާ ތަކެއް ނެރެ، ގްރޫޕްގެ އެއްވަނަ ޓީމުގެ ގޮތުގައި ސެމީ ފައިނަލުން ރާއްޖެ ޖާގަ ހޯދި ނަމަވެސް ކުރީ މެޗުތަކާ އަޅާ ބަލާއިރު މިއަދުގެ މެޗުގައި ރާއްޖެއަށް ރަނގަޅު ކުޅުމެއް ދެއްކިފަ އެއް ނުވެއެވެ.
މެޗު ނިމެން ކައިރިވެފައި ވަނިކޮށް ރާއްޖޭ ޓީމަށް ބަދަލުތަކެއް ގެނެސް އަހްމަދު ނިޔާޒު (ނިޔާ) އާއި މުހަައްމަދު ރަޝީދު (ހޮކޭ) ގެ ބަދަލުގައި ތަޖުރިބާކާރު ފޯވަޑް އަލީ އުމަރާއި، ހަސަން އަދުހަމް ކުޅެން ނެރެގެން ރާއްޖޭ ޓީމުން ހަމަލާތަކެއް އުފެއްދި ނަމަވެސް އޭރު ވަނީ ވަގުތު ފާއިތުވެފަ އެވެ.
މިއަދުގެ މެޗު ނިމުމާއެކު ރާއްޖޭ ކުޅުންތެރިން ރެފްރީއާ ދިމާއަށް ގޮސް ރެފްރީގެ ނިންމުންތަކާ ދެކޮޅުހަދައި އަޑު އުފުލުމުގެ ސަބަބުން ރެފްރީ ވަނީ، އަލީ އުމަރަށާއި މުހައްމަދު ރަޝީދު (ހޮކޭ) އަށް ރަތްކާޑު ދައްކާފަ އެވެ.
އަދި އޭގެ ފަހުންވެސް ދަނޑުމަތީގައި ރާއްޖޭ ކުޅުންތެރިންނާއި އޮފިޝަލުންނާއި ދެކޮޅަށް މުބާރާތުގެ އޮފިޝަލުންނާއި އޯލް ނޭޕާލް ފުޓްބޯލް އެސޯއިއޭޝަން (އަންފާ)ގެ އޮފިޝަލުން ވަނީ ރާއްޖޭ ކުޅުންތެރިންނާ ދެކޮޅަށް ހަމަ ނުޖެހުން ހިންގާފަ އެވެ.
މުބާރާތުގެ ފައިނަލްގައި އިންޑިއާ ވާދަކުރަން ޖެހޭނީ އެންމެ ފަހުގެ ސާފް ޗެމްޕިއަންޝިޕްގައިވެސް އެޓީމު ވާދަކޮށް ބަލިކުރި އަފްޣާނިސްތާނާ އެވެ. ފައިނަލް މެޗު ކުޅުމަށް ހަމަޖެހިފައިވަނީ ބުދަ ދުވަހުގެ ހަވީރު ރާއްޖޭ ގަޑިން 5:45ގަ އެވެ.
އިންޑިއާއަށް ވެސް ރަނގަޅު ފުރުސަތުތަކެއް ލިބިފައިވޭ. އިންޑިއާގެ އެންމެ ނުރައްކާތެރި ކުޅުންތެރިއަކަށް ފާހަގަކުރެވެނީ ޖޭ ޖޭ ލާލްޕެކުލުއާ.
އިންޑިއާއިން ވަނީ ރާއްޖޭގެ ކެޕްޓަން އަޝްފާގު ހުއްޓުވުމަށް ގިނަ ފައުލްތަކެއް ކޮށްފައި. އިންޑިއާގެ ދެ ކުޅުންތެރިއަކު އަބަދު ވެސް އަޝްފާގު މާކު ކުރަމުންދާ ކަން ފާހަގަކޮށްލެވޭ. އިންޑިއާއިން ވަނީ ރާއްޖޭގެ ކުޅުންތެރިންނަށް 15 ފައުލްކޮށްފައި، ރާއްޖެއިން ދެ ފައުލް.