04 Jul 2013, 01:08
މިސްރުގެ އަސްކަރިއްޔާއިން ވެރިކަން ވައްޓާލާފައި ވަނީ "ބަޣާވާތަކުން" ކަމަށާއި އެ "ބަޣާވާތް" ބަލައި ނުގަންނާނެ ކަމަށް މަގާމުން ދުރުކުރެވިފައިވާ މިސްރުގެ ރައީސް މުހައްމަދު މޫރުސީ ވިދާޅުވެއްޖެ އެވެ.
މިސްރުގެ ރައީސްގެ ޓުވިޓާ އެކައުންޓް "އިޖިޕްޝިއަން ޕްރެސިޑެންސީ" ގައި މޫރުސީއާ ހަވާލާދީ ލިޔެފައި ވަނީ އަސްކަރިއްޔާއިން އިއުލާންކޮށްފައިވާ ގޮތުން ވެރިކަން ވައްޓާލުމަކީ މިސްރުގައި ޑިމޮކްރަސީ ގާއިމުކުރަން މަސައްކަތް ކުރި އެއްވެސް މީހަކު ބަލައިގަންނާނެ ކަމެއް ނޫން ކަމަށެވެ. އަދި ރައްޔިތުންނާއި ސިފައިން މިސްރުގެ ގާނޫނު އަސާސީއަށް އިހްތިރާމްކޮށް، ގާނޫނުތަކަށް އަމަލުކުރުމަށާއި މިސްރު ފަހަތަށް ގެންދާނެ "ބަޣާވާތް" ބަލައި ނުގަތުމަށް މޫރުސީ ވަނީ ޓުވިޓާގައި ގޮވާލައްވާފަ އެވެ.
"For the sake of#Egyptand for historical accuracy, let’s call what is happening by its real name: Military coup."https://t.co/pXaLA6wQeQ
— Egyptian Presidency (@EgyPresidency)July 3, 2013
Pres. Morsy: Measures announced by Armed Forces leadership represent a full coup categorically rejected by all the free men of our nation
— Egyptian Presidency (@EgyPresidency)July 3, 2013
Pres. Morsy: Armed Forces announcement is rejected by all free men who struggled for a civil democratic Egypt.
— Egyptian Presidency (@EgyPresidency)July 3, 2013
Pres. Morsy urges civilians and military members to uphold the law & the Constitution not to accept that coup which turns#Egyptbackwards
— Egyptian Presidency (@EgyPresidency)July 3, 2013
މިސްރުގެ އަސްކަރިއްޔާއިން މިރޭ އިއުލާންކޮށްފައި ވަނީ މިސްރުގެ ގާނޫނު އަސާސީ ސަސްޕެންޑްކޮށް، ރައީސް މޫރުސީ މަގާމުން ދުރުކޮށް، ވަގުތީ ސަރުކާރެއް ގާއިމުކުރަން ނިންމާފައިވާ ކަމަށެވެ.
މިސްރުގެ އަސްކަރިއްޔާއިން ބުނީ ވަގުތީ ސަރުކާރުގެ ވެރިޔަކަށް ހުންނަވާނީ އެގައުމުގެ ކޮންސްޓިޓިއުޝަނަލް ކޯޓުގެ އުއްތަމަ ފަނޑިޔާރު އަދުލީ މަންސޫރު ކަމަށެވެ.
އަދުލީ މަންސޫރަކީ މިމަހުގެ އެއް ވަނަ ދުވަހު މިސްރުގެ އުއްތަމަ ފަނޑިޔާރުގެ މަގާމާ ހަވާލުވި ބޭފުޅެކެވެ. މަންސޫރު އުއްތަމަ ފަނޑިޔާރުގެ މަގާމާ ހަވާލުވެފައި ވަނީ ޖޫން މަހުގެ ފަހުކޮޅު އޭރުގެ އުއްތަމަ ފަނޑިޔާރު މާހިރު އަލް ބެހެއިރީ މަގާމު މުސްކުޅި ކުރެއްވުމުން ނެވެ.
މޫރުސީ މިހާރު ހުންނެވީ ކޮންތާކު ކަން އެނގިފައިނުވާ ކަމަށް ބޭރުގެ މީޑިއާ ރިޕޯޓުތަކުން ބުނެ އެވެ.