ޑީއާރުޕީން އެއަމަލް ކުށްވެރިކޮށް ފޮނުވާފައިވާ މެސެޖެއްގައި އެފަދަ އަމަލްތައް ހުއްޓާލުމަށް ގޮވާލައިފައިވެ އެވެ. އަދި މީޑިއާތަކަށް ރައްކާތެރި މާހައުލެއް ގާއިމްކޮށްދިނުމަށް ކަމާ ބެހޭ ފަރާތްތަކަށް ޑީއާރުޕީން ވަނީ ގޮވާލައިފަ އެވެ. ޕީޕީއެމުން ފޮނުވި މެސެޖްގައި ބުނެފައިވަނީ ނޫސްވެރިންނަށް ދިން އެހަމަލާތަކާއި ފުލުހުންނަށާއި ސިފައިންނަށް ދެމުން ގެންދާ ހަމަލާތައް ވެސް ކުށްވެރިކުރާ ކަމަށެވެ. އެފަދަ ލާއިންސާނީ އަމަލްތައް މިހާރުން މިހާރަށް ހުއްޓާ ލުމަށް ވެސް ގޮވާލައިފައިވެ އެވެ.

އެކަން ކުށްވެރިކޮށް އެމްޖޭއިން ނެރެފައިވާ ނޫސްބަޔާނެއްގައި ބުނެފައިވަނީ ކުރީގެ ރައީސް މުހައްމަދު ނަޝީދު ފުލުހުން ހައްޔަރުކުރި އިވެންޓް ކަވަރުކުރުމުގެ މަސައްކަތްކުރި ސަން އޮންލައިންގެ ޖާނަލިސްޓް މުރުޝިދު އަބްދުލް ހަކީމާއި، ވީޓީވީގެ ޖާނަލިސްޓް ރިލުވާން މޫސާ އަށް މިއަދު ގ. ކެނަރީގޭ ސަރަހައްދުން ދިން ހަމަލާ މިޖަމިއްޔާއިން އެންމެ ހަރުކަށި އިބާރާތުން ކުށްވެރި ކުރަމެވެ.

އެސަރަހައްދުގައި މުރުޝިދު ހުއްޓުވައި އޭނާއަށް ހަމާލާދީ ތަޅައިގަތުމުގެ އިތުރަށް އޭނާގެ ފޯން ވަނީ ފޭރިގެންފަ އެވެ. އަދި އޭނާގެ ގަމީހުގެ ގޮށްތައް ކޮށާލައި ވަނީ ގަމީސް ވީދާލާފަ އެވެ. ވީޓީވީގެ ޖާނަލިސްޓް ހިފަހައްޓާ އޭނާގެ އަތުގައި އޮތް ކެމެރާ އަތުލާ، ޓޭޕް އަތުލުމުގެ އިތުރަށް ކެމެރާއަށް ވަނީ ގެއްލުންދީފަ އެވެ.

އެދެ ހަމަލާއަކީ ސީދާ ނޫސްވެރިކަމަށް ދިން ދެ ހަމަލާ ކަމަށް މިޖަމިއްޔާއިން ދެކި، އެދެ ހަމަލާ އެންމެ ހަރުކަށި އިބާރާތުން ކުށްވެރި ކުރާ ހާލު، އަދި އެއީ ނުސްވެރިކަމުގެ މިނިވަންކަމަށް ހުރަސްއެޅުމަށް ދިން ފިނޑި، ދަށު ދަރަޖައިގެ އަމަލެއް ކަމަށް ވެސް މިޖަމިއްޔާއިން ދެކެމެވެ.

މިޖަމިއްޔާއިން ގޮވާލަނީ އެ ދެ ހަމަލާ ދިން ފަރާރްރައް އިންސާފުގެ ކުރިމައްޗަށް ގެނެސް ހައްގު އަދަބު ދިނުމަށެވެ.

އެކަން ކުށްވެރިކޮށް އެ ކޮމިޝަނުން މިއަދު ނެރެފައިވާ ނޫސް ބަޔާނެއްގައި ބުނެފައިވަނީ ކުރީގެ ރައީސް މުހައްމަދު ނަޝީދު ފުލުހުންގެ ބެލުމުގެ ދަށަށް ގެންދިއުން ކަވަރު ކުރަން ގ.ކެނެރީގޭ ދޮށުގައި މިއަދު މެންދުރު ފަހު ހަރަކާތްތެރިވި ވީޓީވީގެ ކެމެރާމަނަކަށާއި ސަން މީޑިއާގެ ނޫސްވެރިއަކަށް ބަޔަކު ހަމަލާދީ ބައެއް ބްރޯޑްކާސްޓް އިކުއިޕްމަންޓަށް ގެއްލުންދީ ހަލާކުކޮށްލުން މި ކޮމިޝަނުން ހަރުކަށި އިބާރާތުން ކުށްވެރިކުރާ ކަމަށެވެ. މިއީ ނޫސްވެރިކަމުގެ މިނިވަންކަމަށް ހުރަސްއެޅުމަށް ދިން ފިނޑި، އެހާމެ ދަށު ދަރަޖައިގެ އަމަލެއް ކަމަށް މި ކޮމިޝަނުން ދެކެމެވެ. މި ހަމަލާ ދިން ފަރާތްތައް އިންސާފުގެ ކުރިމައްޗަށް ގެނައުމަށް ކަމާބެހޭ ފަރާތްތަކަށް ގޮވާލަމެވެ. އަދި މިނިވަންކަމާ އެކު ހަރަކާތްތެރިވުމަށް މީޑިއާ އަށް ފުރުސަތުދީ އެއްބާރުލުން ދިނުމަށް ސިޔާސީ ޕާޓީތަކާއި އާންމު ރައްޔިތުންނަށް މި ފުރުސަތުގައި ގޮވާލަމެވެ.

Off to Dhoonidhoo to meet Raees Nasheedtwitter.com/MariyaDidi/sta…

— Mari Didi (@MariyaDidi)March 5, 2013

ހުޅުމާލޭ ކޯޓުގައި ހިނގަމުންދާ ޝަރީއަތަކާއި ގުޅިގެން ކުރީގެ ރައީސް ގ. ކެނެރީގޭ މުޙައްމަދު ނަޝީދު ފުލުހުންގެ ބެލުމުގެ ދަށުގައި ބަހައްޓައިގެން މާދަމާ، 2013 މާރޗް 6 ވަނަ ދުވަހު ހަވީރު 16:00 ގައި އޮންނަ ޝަރީޢަތުގެ މަޖުލީހަށް ހާޒިރު ކުރުމަށް ފުލުހުންގެ މައްޗަށް ހުޅުމާލޭ ކޯޓުން ކުރި އަމުރު ތަންފީޒުކުރުމުގެ ގޮތުން ކުރީގެ ރައީސް މުޙައްމަދު ނަޝީދު މިހާރު ވަނީ ފުލުހުންގެ ބެލުމުގެ ދަށަށް ގެނެވިފަ އެވެ.

މިއަދުގެ 13:30 ހާއިރު ކުރީގެ ރައީސް މުޙައްމަދު ނަޝީދު ފުލުހުންގެ ބެލުމުގެ ދަށަށް ގެނެސްފައިވަނީ އެމަނިކުފާނު ގ. ކެނެރީގޭގައި ހުންނަވަނިކޮށް އެމަނިކުފާނަށް ކޯޓު އަމުރު ދެއްކުމަށްފަހުއެވެ. ނަމަވެސް އެމަނިކުފާނު ކޯޓު އަމުރާއި ޙަވާލުވެވަޑައިގެންފައެއް ނުވެއެވެ.

އެހެންނަމަވެސް އެމަނިކުފާނު ފުލުހުންގެ ބެލުމުގެ ދަށަށް ގެނެވިފައިވަނީ ކޯޓުއަމުރު އޮތްކަން އެމަނިކުފާނަށް އަނގަބަހުން ދަންނަވައި ޤާނޫނީ ގޮތުން އަންގަންޖެހޭ އެންމެހައި އެންގުންތައް އަނގަބަހުން އެމަނިކުފާނަށް އެންގުމަށް ފަހުއެވެ.

ކުރީގެ ރައީސް މުޙައްމަދު ނަޝީދު ކޯޓުއަމުރެއްގެ ދަށުން ފުލުހުންގެ ބެލުމުގެ ދަށަށް ގެނެވިފައިވާކަން ޕޮލިސް އިންޓެގްރިޓީ ކޮމިޝަނަށާއި ހިއުމަންރައިޓްސް ކޮމިޝަނަށް ވަނީ އެންގިފައެވެ. އެފަރާތްތަކުން މިކަމުގައި ފުލުހުން ޙަރަކާތްތެރިވާގޮތް ބެއްވެލުމަކީ މޯލްޑިވްސް ޕޮލިސް ސަރވިސްއިން މަރުޙަބާ ކިޔާނެ ކަމެކެވެ.

މުޙައްމަދު ނަޝީދު ފުލުހުންގެ ބެލުމުގެ ދަށުގައި ހުންނަވަގުތު އެމަނިކުފާނުގެ ޤާނޫނީ ވަކީލުންނަށް އެމަނިކުފާނާއި ބައްދަލު ކުރުމުގެ އިންތިޒާމު ހަމަޖެހިފައިވާ އުޞޫލުދަށުން ލިބިދެވޭނެއެވެ.

ރައީސް ނަޝީދު ފުލުހުންގެ ބެލުމުގައި ބަހައްޓައިގެން ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ހުޅުމާލޭ ކޯޓުން ނެރެފައިވާ އަމުރުގައި ބުނެފައިވަނީ ނަޝީދު އެކޯޓަށް ހުށަހެޅިފައިވާ މައްސަލައަކާ ގުޅިގެން އެކޯޓަށް ހާރިޒުކުރުމުގެ އަމަރު 04 ފެބްރުއަރީ 2013 ގައި ފޮނުވުމުން އެއްވެސް މަގުބޫލް އުޒުރެއް ނެތި އެމައްސަލާގައި 10 ފެބްރުއަރީ 2013 ގައި ބޭއްވުމަށް ސެޑިއުލްކުރި ޝަރީއަތުގެ މަޖިލީހަށް އެއްވެސް މަގުބޫލް އުޒުރެއް ނެތި ހާޒިރުވެވަޑައިގެންފައިނުވާ ކަމަށެވެ. އަދި އެއަށްފަހު ދެވަނަ ފަހަރަށް ނަޝީދު ބަންދުގައި ބަހައްޓައިގެން ޝަރީއަތަށް ހާޒިރުކޮށްދިނުމަށް ހުޅުމާލޭ ކޯޓުން ފުލުހުންގެ މައްޗަށް ނެރުނު އަމުރާ އެއްގޮތަށް ނަޝީދު ހާޒިރުކޮށްދީފައިނުމުން ބެލިއިރު ފުލުހުންނަށް އެކަންތައް ނުކޮށްދެވިފައިވަނީ އިންޑިއަން ހައިކޮމިޝަންގެ ތެރޭގައި ނަޝީދު ހުންނެވުމުން ކަމަށް ފުލުހުން އަންގާފައިވާ ހިނދު "ކޯޓަށް މީހުން ހާޒިރުކުރުމާ ބެހޭ ގަވާއިދުގެ" 5 ވަނަ މާއްދާގެ (ރ) އާއި ހަވާލާދީ އެމާއްދާގެ 17 ވަނަ މާއްދާގައިވާ ގޮތުގެ މަތިން ނަޝީދު ބަންދުގައި ބަހައްޓައިގެން 6 މާޗް 2013 ވާ ބުދަ ދުވަހުގެ 16:00 އަށް ޝަރީއަތުގެ މަޖިލީހަށް (ޖަސްޓިސް ބިލްޑިންސް ތިރީގައިވާ ޝަރީއަތްކުރާ މާލާމަށް) ނަޝީދު ހާޒިރުކޮށްދިނުމަށް ފުލުހުންގެ މައްޗަށް އަމުރުކޮށްފީމެވެ

މީޑިއާގައި ހަރަކާތްތެރިވާ ފަރާތްތަކަށް އަމާޒުކޮށްދޭ މިފަދަ ހަމަލާތަކާއި މީޑިއާގައި ބޭނުންކުރާ ތަކެއްޗަށްދޭ ގެއްލުން މޯލްޑިވްސް ޕޮލިސް ސަރވިސްއިން ހަރުކަށި އިބާރާތުން ކުށްވެރިކުރަން. އަދި މީޑިއާގައި ހަރަކާތްތެރިވާ ފަރާތްތަކަށް އެއްވެސް ފަރާތަކުން ހުރަސް ނޭޅުމަށާއި މިނިވަންކަމާއެކު މީޑިއާގެ ފަރާތްތަކުން ހަރަކާތްތެރިވެ ޚަބަރު ކަވަރު ކުރުމަށް ފުރުޞަތު ދިނުމަށް މޯލްޑިވްސް ޕޮލިސް ސަރވިސްއިން އިލްތިމާސްކުރަން

ފުލުހުން ގޮސް ކޯޓުގެ ނަޝީދާ ހަވާލުކުރުމަށް މަސައްކަތް ކުރި، ނަމަވެސް އެ އަމުރާ ނަޝީދު ހަވާލުވެވަޑައިނުގަތުމުން، އޭގައި އޮތް އެއްޗެއް ނަޝީދަށް ކިޔާދިނުމަށްފަހު ހައްޔަރުކުރީ ވެސް ހައްޔަރުކުރަން އުޅޭ ވާހަކަ އެގެެއަށް ދިޔަ ފުލުހުން ނަޝީދުގެ އަރިހުގައި ބުނުމަށް ފަހު

ކޯޓު އަމުރެއް އޮވެ ހައްޔަރުކުރާނަމަ ވެސް އެކޯޓު އަމުރު ޖެހޭނެ ފުލުހުން ދައްކަން، ނަަމަވެސް އެއަމުރު ނަޝީދަށް އަދި އަޅުގަނޑުމެންނަށް ވެސް ދައްކާފައެއް ނުވޭ، އަޅުގަނޑުމެންނަށް ނަޝީދާ ގުޅުމުގެ ފުރުސަތެއް ވެސް ނުދިން ފުލުހުން، އަޅުގަޏޑުމެން ވާނީ އެ އަމުރުގެ ކޮޕީއަކަށް ވެސް އެދިފައި

ރައީސް ނަޝީދު ކެނެރީގޭގައި ހުންނަވަނިކޮށް ފުލުހުންގެ ބެލުމުގެ ދަށުގައި ބަހައްޓައިގެން މިއަދު 1:35 އެހާކަންހާއިރު ވަނީ ދޫނިދޫއަށް ގެންގޮސްފައި