Last Updated: 1 decade 3 year ago
ބުލޮގު ޚުލާސާ
*** އަބްދުﷲ ގާޒީ ހައްޔަރުކުރި މައްސަލައިގައި ކުރީގެ ރައީސް މުހަންމަދު ނަޝީދުގެ މައްޗަށް ދައުލަތުން އުފުލާ ދައުވާގެ ޝަރީއަތަށް ފުލުހުންގެ ބެލުމުގެ ދަށުގައި ނަަޝީދު ކޯޓަށް ހާޒިރުކޮށްފި އެވެ. ނަޝީދު ޝަރީއަތަށް ހާޒިރުކުރީ މިއަދު ހަވީރު 3:50 އެހާކަން ހާއިރު އެވެ. އެމަނިކުފާނުގެ ޝަރީއަތް ބޭއްވުމަށް ހަމަޖެހިފައި ވަނީ ޖަސްޓިސް ބިލްޑިންގްގަ އެވެ. ހުޅުމާލޭ ކޯޓުން ބާއްވާ ނަޝީދުގެ ފަށާނީ ހަވީރު 4:00 ޖަހާއިރު އެވެ.
ދައުވާ އިއްވުމާ އެކު ނަޝީދު ވަނީ ދައުވާއަށް އިންކާރު ކުރައްވާފައި. ވިދާޅުވީ ޕީޖީ އެ ދައުވާ ކުރައްވަނީ އެމަނިކުފާނަށް ރިޔާސީ އިންތިހާބުގައި ވާދަނުކުރެއްވޭ ގޮތަށް ހެދުމަށް ކަމަށް. އެއަށް ފަހު ރައީސް ނަޝީދުގެ ގާނޫނީ ޓީމުން ވަނީ އިޖުރާއީ ނުގުތާތަކެއް ފެންމަތިކުރައްވާފައި. އެ ނުގުތާތަކަކީ؛ ހުޅުމާލޭ ކޯޓަށް މާލޭގައި ޝަރީއަތުގެ ބޭއްވޭނެތޯ، މައްސަލަ ބެލުމުގެ ކުރިން ހުޅުމާލޭ ކޯޓަކީ ގާނޫނީ ގޮތުން ސައްހަ ކޯޓެއްތޯ ނުވަތަ ނޫންތޯ ބެލުން، ނަޝީދު މާލޭގައި ހުންނެވި ނަމަވެސް ޗިޓު ފޮނުވީ އެއީ ގަވާއިދާ ހިލާފަށް ފޮނުވި ޗިޓްތަކެއް ކަމަށް. ނަމަވެސް އެ ނުގުތާތަށް ބަލައެއް ނުގަތް. ދައުވާ ސާބިތުކުރުމަށް ދައުލަތުން ގިނަ ހެކިތަކެއްވެސް މިއަދު ޝަރީއަތުގެ މަޖިލީހަށް ހުށަހެޅި.
ޖަސްޓިސް ބިލްޑިންގެ ގޭޓް ބަންދުކޮށްފި އެވެ. ފަރީދީމަގު އެފްޑީއައި ކަންމަތީގައި އެމްޑީޕީ މީހުން އަންނަނީ މުޒާހަރާ ކުރަމުންނެވެ.