Last Updated: 1 decade 3 year ago

Last Updated:
1 decade 3 year ago

ކޯޓަށް ހާޒިރުކުރަން ނަޝީދު ހައްޔަރުކޮށްފި

    ބުލޮގު ޚުލާސާ
    ***ކޯޓު އަމުރާ އެގޮތަށް ކޯޓަށް ހާޒިރުކުރަން ރައީސް މުހަންމަދު ނަޝީދު ފުލުހުންގެ ބެލުމުގެ ދަށަށް ގެނެސްފި އެވެ.
    ގދ. ފަރެސްމާތޮޑާގައި ހުންނަވަނިނިކޮށް މިއަދު ހެނދުނު ފުލުހުންގެ ހާއްސަ ފައުޖެއް އެރަށަށް ގޮސް ރައީސް ނަޝީދު ވަނީ ފުލުހުންގެ ބެލުމުގެ ދަށުން ޕޮލިސް ލޯންޗަކަށް އަރުވައިފަ އެވެ. އެ ލޯންޗް މިހާރު އެރަށުން ވަނީ ފުރާފަ އެވެ.
    ފުލުހުންގެ މީޑިޔާ އޮފިޝަލް ވިދާޅުވީ ނަޝީދު ފުލުހުންގެ ބެލުމުގެ ދަށަށް ގެނެސްފައިވަނީ މާބޮޑު ހަމަނުޖެހުމެއް ނެތި ރައީސް ނަޝީދުގެ ގަދަހެދުމަކާވެސް ނުލައި ކަމަށެވެ. އަދި އެމަނިކުފާނުގެ އަރިހުގައި އެމްޑީޕީއަށް ނިސްބަތްވާ ރައްޔިތުން މަޖިލީހުގެ މެންބަރު، އިލްޔާސް ލަބީބާއި އިމްތިޔަޒު ފަހުމީ އަދި ކުރީގެ ހައުސިން މިނިސްޓަރު އަސްލަމްވެސް ރައީސް ނަޝީދުގެ އަރިހުގައި ލޯންޗްގައި ތިއްބެވި ކަމަށް މީޑިޔާ އޮފިޝަލް ވިދާޅުވި އެވެ.
    15:59

    ރައީސް ނަޝީދުގެ ގާނޫނީ ޓީމުގައި ހިމެނިވަޑައިގަންނަވާ ހިސާން އާއި ހަސަން ލަތީފު ދެންމެ ޖަސްޓިސް ބިލްޑިންގަށް ވަދެވަޑައިގެންފި.
    ނޫސްބަޔާން

    ނަޝީދު ހައްޔަރުކުރުމާ ގުޅިގެން ފުލުހުން ދެންމެ ނޫސްބަޔާނެއް ނެރެފި:
    ހުޅުމާލޭ ކޯޓުން ބަލަމުންދާ މައްސަލައެއްގެ ޝަރީޢަތަށް ބަންދުގައި ބަހައްޓައިގެން މިއޮކްޓޫބަރުމަހުގެ 9 ވަނަދުވަހު ހަވީރު 16:00 ގައި ޖަސްޓިސް ބިލްޑިންގުގައި އޮންނަ ޝަރީޢަތުގެ މަޖުލީހަށް ކުރީގެ ރައީސް ގ. ކެނެރީގޭ މުޙައްމަދު ނަޝީދު ހާޒިރުކޮށްދިނުމަށް ހުޅުމާލޭ ކޯޓުން ފުލުހުންގެ މައްޗަށް ނެރުނު އަމުރު ތަންފީޒު ކުރުމުގެ ގޮތުން ކުރީގެ ރައީސް ގ. ކެނެރީގޭ މުޙައްމަދު ނަޝީދު ފުލުހުންގެ ބެލުމުގެ ދަށަށް ގެނެސްފިއެވެ.
    މިއަދު ހެނދުނު 09:45 ހާއިރު ކުރީގެ ރައީސް ގ. ކެނެރީގޭ މުޙައްމަދު ނަޝީދު ފުލުހުންގެ ބެލުމުގެދަށަށް ގެނެސްފައިވަނީ ގދ. ފަރެސްމާތޮޑާގައި ހުންނަވަނިކޮށެވެ.
    ކުރީގެ ރައީސް ގ. ކެނެރީގޭ މުޙައްމަދު ނަޝީދު މާލެ ގެނައުމަށްޓަކައި ފުލުހުންގެ ލޯންޗު މިހާރު ވަނީ ފަރެސްމާތޮޑާއިން ފުރާފައެވެ.
    11:22

    ރައީސް ނަޝީދު ހައްޔަރުކުރުމުން އެކަމާ ނުރުހުން ފާޅުކުރަން އެމްޑީޕީ މެންބަރުން މަޖިލިސް ކައިރިއަށް އެއްވަން ނިންމާފައިވާކަމަށް އެމްޑީޕީން ބުނެފި.
    11:19

    ނަޝީދު ހައްޔަރުކުރި ކަމުގެ ހަބަރު ބޭރުގެ މީޑިޔާތަކުގެ ސަމާލުކަމަށްވެސް މިހާރު ވަނީ އައިސްފައި. ނަޝީދު މާދަމާ 4:00 ޖަހާއިރަށް ކޯޓަށް ހާޒިރުކުރަން ވަނީ ހަމަޖެހިފައި.
    11:07

    ނަން އިއްވި ތިން މެންބަރުންވެސް ތަޅުން ދޫކުރައްވާ ވަޑައިގަތުމުން މަޖިލީހުގެ ޖަލްސާ އަލުން ފަށައިފި.
    11:05

    ނަޝީދު ހައްޔަރުކުރީ މިއަދު 11:00 ޖަހާއިރު ޑެންމާކުގެ ސަފީރާ ބައްދަލުކުރަން ނިންމާފައި ވަނިކޮށް ކަމަށް އެމްޑީޕީން ބުނޭ.
    10:54

    ނަޝީދާ އެކު އަސްލަމާއި އިންތި އަދި އިލްޔާސް ލަބީބު އަދި އަސްލަމް ހައްޔަރުކުރި ކަމަށް އަޑުފެތުރުނު ނަމަވެސް ފުލުހުން ދެންމެ ބުނެފައިވަނީ އެތިން ބޭފުޅުން ބެލުމުގެ ދަށަށް ނުގެންނަ ކަމަށާއި އެބޭފުޅުން ނަޝީދާއެކު ވަޑައިގަތީ އަމިއްލައަށް އެދިގެން ކަމަށް.
    10:52
    10:48

    ނަޝީދު ފުލުހުންގެ ބެލުމުގެ ދަށަށް ގެނައުމަށް މަސައްކަތްކުރުމުގެ ތެރޭގައި ފަރެސްމާތޮޑާގައި ހުންނަ އަސްލަމްގެ ގެ ކޮޅަށް ކޮންމެވެސް ވަރެއްގެ ގެއްލުންތަކެއް ލިބިފައިވާކަމަށް މައުލޫމާތު ލިބޭ.
    10:36

    ރައީސް ނަޝީދު ބަންދުގައި ބަހައްޓާނީ ކޮންތާކުކަމެއް އަދި ސާފެއް ނުވޭ. ފުލުހުންގެ ލޯންޗް އަންނަނީ ނަޝީދާ އެކު ދަތުރުކުރަމުން. ހުޅުމާލެ ކޯޓުން އިއްޔެ ކުރި އަމުރުގައި ބުނެފައިވަނީ ނަޝީދު ބަންދުގައި ބަހައްޓައިގެން މާދަމާ ހަވީރު 4:00 ޖަހާއިރު އޮންނަ ޝަރީއަތުގެ މަޖިލީހަށް ހާޒިރުކުރުމަށް.
    10:25

    މާސްކާއި ހެލްމެޓްގައި ތިބި ފުލުހުންގެ ފައުޖެއް ފަރެސް މާތޮޑާއަށް ގޮސް ނަޝީދު ހައްޔަރުކުރީ ކުރީގެ މިނިސްޓަރު އަސްލަމްގެ ގޭގައި ނަޝީދު ހުންނަވަނިކޮށް. ނަޝީދު ހައްޔަރުކުރުމާ ދެކޮޅަށް އެރަށު ރައްޔިތުން އަޑު އުފުލަމުން އަންނަ ކަމަށް މައުލޫމާތު ލިބޭ.
    10:14

    ރައީސް ނަޝީދު ފުލުހުންގެ ބެލުމުގެ ދަށަށް ގެނައުމާ އެކު މަޖިލިސް ހޫނުވެ ތިން މެންބަރެއްގެ ނަން އިއްވާ ޖަލްސާ މެދުކަޑާލައިފި. އެއީ ގަލޮޅު އުތުރު ދާއިރާގެ މެންބަރު އީވާ އަބްދުﷲ އާއި ހުޅުހެންވޭރު ދާއިރާގެ މެންބަރު ރީކޯ މޫސާ މަނިކާއި ހޯރަފުށީ ދާއިރާގެ މެންބަރު އަހުމަދު ރަޝީދު.