15 Jun 2026, 13:19
ދުނިޔޭގެ އެންމެ ބޮޑު ފުޓްބޯޅަ މުބާރާތުގެ ގްރޫޕް ސްޓޭޖުގައި ބްރެޒިލް ކަހަލަ ވަރުގަދަ ޓީމަކާ ދެކޮޅަށް ކުޅެ، މުޅި ދުނިޔޭގެ ސަމާލުކަން ދަމައިގަތުމަކީ އާދައިގެ ކަމެއް ނޫނެވެ.
އުމުރުން އެންމެ 18 އަހަރުގެ މޮރޮކޯގެ މިޑްފީލްޑަރު އަައްޔޫބް ބޫއައްދީ ބްރެޒިލްއާ ދެކޮޅަށް ދެއްކި މޮޅު ކުޅުމާއެކު، އޭނާ މިވަނީ މުޅި ފުޓްބޯޅަ ދުނިޔެ ސިއްސުވާލާފައެވެ.
ބްރެޒިލްގެ ތަޖުރިބާކާރު މިޑްފީލްޑަރު ކަސެމީރޯ ފަދަ ތަރިންނާ ދެކޮޅަށް މެދުތެރޭގައި އޭނާ ދެއްކި ހިތްވަރާއި، ހަމަޖެހުމާއި، އަދި ބޯޅަ ހިފަހައްޓައިގެން ކުރި މޮޅު ޕާސްތަކުގެ ސަބަބުން މިއަދު ފުޓްބޯޅައިގެ ބޮޑެތި ކްލަބުތަކުގެ ލޯތައް ވަނީ މި ޒުވާން ކުޅުންތެރިޔާއަށް ހުއްޓިފައެވެ.
މެޗަށްފަހު އޭނާގެ މަގުބޫލުކަން އިންތިހާއަށް އުފުލި، ޔޫރަޕުގެ އެންމެ ނުފޫޒުގަދަ ކްލަބުތަކުން އޭނާ ހޯދުމަށް ބޮޑެތި ބިޑްތަކެއް ތައްޔާރުކުރަން ވަނީ ފަށާފައެވެ.
ފީފާ ވޯލްޑް ކަޕް 2026 ގައި ބްރެޒިލްއާ ދެކޮޅަށް ކުޅުނު މެޗުގައި އަައްޔޫބް ބޫއައްދީ--
މި މެޗަށްފަހު ބޫއައްދީ ހޯދުމުގެ ރޭހުގައި އެންމެ ކުރީގައި އުޅެނީ އިނގިރޭސިވިލާތުގެ އާސެނަލްއެވެ. ރިޕޯޓުތައް ބުނާގޮތުން އާސެނަލް އިން އަންނަނީ 2025 ވަނަ އަހަރުގެ ޖެނުއަރީން ފެށިގެން އޭނާގެ އެޖެންޓުންނާ ވާހަކަދައްކަމުންނެވެ. އަދި ކްލަބުގެ ކޯޗު މިކޭލް އާޓެޓާ ވަނީ ބޫއައްދީ އަށް އާސެނަލްގެ ފުރަތަމަ އެގާރައިން މުހިންމު ފުރުސަތުތަކެއް ލިބޭނެކަމުގެ ޔަގީންކަންދީ، އޭނާގެ ޝައުގުވެރިކަން ހޯދާފައެވެ.
ނަމަވެސް އާސެނަލްގެ އިތުރުން ލިވަޕޫލް އަދި މެންޗެސްޓަރ ޔުނައިޓެޑުން ވެސް އަންނަނީ މި ކުޅުންތެރިޔާ ހޯދުމަށް ސީދާ މުއާމަލާތްތައް ކުރަމުންނެވެ.
ހާއްސަކޮށް ޔުނައިޓެޑުން އޭނާގެ އަގަށް 80 މިލިއަން ފައުންޑް ހޭދަކުރަން ތައްޔާރަށް އޮތްއިރު، ފަރަންސޭސިވިލާތުގެ ޕީއެސްޖީ އާއި އިނގިރޭސި ކުލަބް ޗެލްސީންވެސް މި ރޭހުގައި ބައިވެރިވެއެވެ.
ބޫއައްދީ މިހާރު ކުޅެމުން އަންނަ ލިލް ކްލަބުން އޭނާގެ އަގަކަށް 70 މިލިއަން ޔޫރޯ ކަނޑައަޅާފައިވާއިރު، ޒުވާން ތަރި ބުނީ މިވަގުތު އޭނާގެ ހުރިހާ ސަމާލުކަމެއް ހުރީ ގައުމީ ޓީމާއެކު މުބާރާތުގައި ކުރިއަށް ދިއުމަށް ކަމަށެވެ.
ފްރާންސްގެ ލިލް ޖާޒީގައި އަައްޔޫބް ބޫއައްދީ--
ފަރަންސޭސިވިލާތުގެ ކްރެއިލް އަށް އުފަން ބޫއައްދީއަކީ މޮރޮކޯއަށް ނިސްބަތްވާ ކުޅުންތެރިއެއް ނަމަވެސް ފަރަންސޭސިވިލާތުގެ ޒުވާން ގައުމީ ޓީމުތަކަށް ކުރިން ކުޅެ، އޭގެ ކެޕްޓަންކަން ވެސް ކޮށްފައިވާ ކުޅުންތެރިއެކެވެ.
ނަމަވެސް ބޮޑު މުބާރާތުގެ ކުޑަދުވަސްކޮޅެއް ކުރިން އޭނާ ވަނީ އޭނާގެ މައިންބަފައިންގެ ގައުމު ކަމަށްވާ މޮރޮކޯއަށް ކުޅެން ނިންމައި، ފްރާންސްގެ ހުށަހެޅުންތަކަށް ނޫނެކޭ ބުނެފައެވެ.
އުމުރުން އެންމެ 16 އަހަރުގައި ލިލްގެ ސީނިއާ ޓީމަށް ކުޅެން ފަށައި، ޔޫރަޕުގެ މުބާރާތެއްގައި ކުޅުނު އެންމެ ޒުވާން ކުޅުންތެރިޔާގެ ޝަރަފް ހޯދި ބޫއައްދީއަކީ ހަމައެކަނި ދަނޑުމަތީގެ ތަރިއެއް ނޫނެވެ.
އޭނާއަކީ ހުސްވަގުތުތަކުގައި ހިސާބާއި ފިޒިކްސްގެ ދާއިރާއިން ޑިގްރީއަ
ދަނޑުމަތީގެ ހިސާބުތަކާއި ފުޓްބޯޅައިގެ ޖާދޫ އެއްކޮށްލައިގެން އޭނާ މިހާރު ކުރަމުންދާ ދަތުރަކީ، މާދަމާގެ ފުޓްބޯޅަ ދުނިޔެ ބަދަލުކޮށްލާނެ ފަދަ އާދަޔާ ހިލާފު ހުނަރުވެރި ދަތުރެއްކަން ޔަގީނެވެ.