12 Jun 2026, 21:27
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ޗެއާޕާސަން އިންތިޚާބުގެ ގިނަ ވޯޓު ފޮށިތަކަކުން ކުރީގައި ކުރީގެ ރައީސް، މުހައްމަދު ނަޝީދު އުޅުއްވާކަން އެނގިއްޖެއެވެ.
ވާދަވެރި ކެމްޕެއިނަކަށް ފަހު ނަޝީދު މި އިންތިޚާބުގެ ކުރީގައި އުޅުއްވަނީ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއީލް އަހުމަދު ނަސީމާ ވާދަކުރެއްވުމަށް ފަހެވެ.
މިއަދު މެންދުރު 14:30 ގައި ވޯޓުލުން ނިމުނީ މިރޭ 20:30 ހާއިރެވެ. މިހާތަނަށް ވަގުތީ ނަތީޖާއިން ދައްކާ ގޮތުގައި ކުރީގައި އުޅުއްވަނީ ނަޝީދެވެ.
މި އިންތިޚާބުގައި ވޯޓުލާފައި ވަނީ މި އަހަރުގެ އޭޕްރީލް މަހުގެ 22 ވަނަ ދުވަހުގެ ނިޔަލަށް އެ ޕާޓީގެ ދަފުތަރުގައި ރަޖިސްޓަރީވެފައިވާ މެންބަރުންނަށެވެ.
މި އިންތިޚާބުގައި މީކާއިލް ނުކުމެވަޑައިގެން ހުންނެވީ ކުރީގެ ރައީސް އިބްރާހީމް މުޙައްމަދު ޞާލިޙުގެ ފުރިހަމަ ތާއީދާ އެކުގައެވެ.
ކުރީގެ ރައީސް މުޙައްމަދު ނަޝީދު (ކ)، އަދި ގަލޮޅު ދެކުނު ދާއިރާގެ މެންބަރު މީކާއީލް އަޙްމަދު ނަސީމް ---
އެހެންކަމުން، މިއީ އެމްޑީޕީގެ އެތެރޭގައި އުފެދިފައިވާ ދެ ފެކްޝަނުގެ މެދުގައި އޮތް ވާދަވެރިކަން އަނެއްކާ ވެސް ފެންނާނެ އިންތިޚާބެއް ކަމަށް މަސްރަޙު ދިރާސާކުރާ ފަރާތްތަކުން ބުނެއެވެ. މި އިންތިޚާބަކީ ކުރިން އެ މަޤާމުގައި ހުންނެވި ފައްޔާޒު އިސްމާޢީލް މަޤާމުން އިސްތިއުފާ ދެއްވުމާ ގުޅިގެން ބާއްވާ އިންތިޚާބެކެވެ. ފައްޔާޒު މިހާރު ހުންނެވީ ރައީސް ނަޝީދަށް ތާއީދު ކުރައްވައިގެންނެވެ.
މި އިންތިޚާބަކީ ސިޔާސީ ގޮތުން އެމްޑީޕީއަށް ވަރަށް މުހިންމު އިންތިޚާބެކެވެ. މިދިޔަ ރިޔާސީ އިންތިޚާބުގެ ކުރިން ޕާޓީގެ އެތެރޭގައި އުފެދުނު ބޮޑެތި ޚިޔާލުތަފާތުވުންތަކާ ގުޅިގެން ރައީސް ނަޝީދު ޕާޓީން ވަކިވެވަޑައިގެން 'ދަ ޑިމޮކްރެޓްސް' އުފެއްދެވުމަށް ފަހު، އަލުން އެމްޑީޕީއާ ގުޅިވަޑައިގެން ކުރިމަތިލައްވާ ފުރަތަމަ ބޮޑު އިންތިޚާބަކީ މިއީއެވެ. ރައީސް ޞާލިޙަށް ތާއީދުކުރާ ފަރާތްތަކުން ތުހުމަތުކުރާ ގޮތުގައި، ރިޔާސީ އިންތިޚާބުގައި އެމްޑީޕީއަށް ނާކާމިޔާބީއާ ކުރިމަތިލާން ޖެހުނީ ރައީސް ނަޝީދުގެ އަމަލުފުޅުތަކުގެ ސަބަބުންނެވެ.
ނަމަވެސް، ރައީސް ނަޝީދަށް ތާއީދުކުރާ ފަރާތްތަކުން ބުނާ ގޮތުގައި، ރައީސް ޞާލިޙުގެ ވެރިކަމުގައި ޕާޓީގެ އަސްލު ފިކުރާ ދުރަށް ގޮސް، ރައީސް ނަޝީދު ވަނީ އެކަހެރިކޮށްފައެވެ. އެހެންކަމުން، ޗެއާޕާސަންގެ މަޤާމަށް ނުކުމެވަޑައިގެން ތިއްބެވި ކެންޑިޑޭޓުންގެ މެދުގައި އޮތް ވާދަވެރިކަމަކީ، ޕާޓީގެ ކޮންޓްރޯލް ކުރިއަށް އޮތް ތަނުގައި އޮންނާނީ ކޮން ފެކްޝަނެއްގެ އަތުގައިކަން ކަނޑައަޅައިދޭނެ މުހިންމު ނިންމުމެކެވެ.
މި އިންތިޚާބާ ދިމާކޮށް ދެ ފަރާތުން ވެސް ވަނީ ވަރަށް ފޯރިގަދަ ކެމްޕޭނެއް ކޮށްފައެވެ. ރައީސް ނަޝީދު ކެމްޕޭން ކުރައްވާފައިވަނީ އެމްޑީޕީގެ "ރީނދޫ ލަޝްކަރު" އަލުން ރުކުރުވާލައި، ޕާޓީއަށް ބޮޑެތި ބަދަލުތަކެއް ގެނައުމުގެ ވަޢުދާ އެކުގައެވެ. އަނެއްކޮޅުން، މީކާއިލްގެ ކެމްޕޭން ބިނާކުރައްވާފައިވަނީ "އިތުބާރު" މި ޝިޢާރުގެ ދަށުން، ޕާޓީގެ އެތެރޭގެ ފެކްޝަންތައް އެއްގޮތްކޮށް، އާންމު މެންބަރުންނާއި ލޯކަލް ކައުންސިލަރުންނަށް ޕާޓީގެ ޤައުމީ މަޖިލީހުގައި ބަސްބުނުމުގެ ފުރުސަތު ފުޅާކޮށްދެއްވާނެކަމުގެ ވަޢުދުގެ މައްޗަށެވެ.