14 Apr 2026, 13:08
ދަނޑުވެރިކަމާ ބެހޭ މިނިސްޓަރު ޑރ. މަރިޔަމް މާރިޔާ ވެސް އިސްތިއުފާ ދެއްވައިފިއެވެ.
"ސަން"އަށް މައުލޫމާތު ލިބިފައިވާ ގޮތުގައި، މަރިޔާގެ އިތުރުން އިސްތިއުފާ ދެއްވި މިނިސްޓަރުންނަކީ:
ލޯކަލް ގަވަނަންސް މިނިސްޓަރު އާދަމް ޝަރީފް އުމަރު
- ޑިފެންސް މިނިސްޓަރު ޣައްސާން މައުމޫން
- ހެލްތު މިނިސްޓަރު އަބްދުﷲ ނާޒިމް އިބްރާހިމް
- ޔޫތު މިނިސްޓަރު އިބްރާހިމް ވަހީދު (އަސްވާޑް)
މަގާމުން ވަކިކުރެއްވި ބޭފުޅުންނަކީ
ޑރ. އައިޝަތު ޝިހާމާއި، އާދަމް ޝަރީފް
- ފޮރިން މިނިސްޓަރު ޑރ. އަބްދުﷲ ޚަލީލް
މި ސަރުކާރުގައި މިނިސްޓަރު މާރިޔާ އެންމެ ފުރަތަމަ ހުންނެވީ، ހަޔާ އެޑިއުކޭޝަން މިނިސްޓަރަކަށެވެ. މާރިޔާ އެގްރިކަލްޗާ މިނިސްޓްރީއަށް ބަދަލުކުރީ ކުރިން އެ މަގާމުގައި ހުންނެވި ރަމީލާ އާލާސްކަންފުޅާ އުޅުއްވަންޖެހުމުން އިސްތިއުފާ ދެއްވުމުންނެވެ.
ވަޒީރުންތަކެއް މަގާމުން ވަކިކޮށްފައި ވަނީ، މި މަހުގެ ހަތަރު ވަނަ ދުވަހު ބޭއްވި މުހިންމު ވޯޓުތަކަކުން ވެރިކަން ކުރާ ޕީއެންސީއަށް ބޮޑު ނާކާމިޔާބީއަކާ ކުރިމަތިލާން ޖެހިފައިވާ ދަނޑިވަޅެއްގައެވެ. އެގޮތުން އެ ދުވަހު ބޭއްވި ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތް ކުރީ ކޮމިޓީގެ އިންތިޚާބުން މުހިންމު ގިނަ ގޮނޑިތައް ކާމިޔާބު ކުރީ އިދިކޮޅު އެމްޑީޕީންނެވެ.
މީގެ އިތުރުން މައި ދެ އިންތިޚާބު އެއްކޮށް ބޭއްވުމާ ގުޅޭ ގޮތުން ޚިޔާލު ހޯދުމަށް ނެގި ވޯޓުގައި ވެސް، ގިނަ ބަޔަކު ވޯޓު ދިނީ ސަރުކާރުން ބޭނުންވި ގޮތާ ޚިލާފަށް، ދެ އިންތިޚާބު އެއްކޮށް ބޭއްވުމާ ދެކޮޅަށެވެ.
އެ އިންތިޚާބުތަކުގެ ފަހުން ދައުލަތުގެ ކުންފުނިތަކަށް ވެސް ބަދަލުތައް ގެނެސްފައިވެއެވެ.