30 Mar 2026, 09:35
އީރާނުގެ ތެޔޮ އަތުލުމުގެ ބޭނުން ޓްރަމްޕް ހާމަކުރެއްވުން:
އެމެރިކާގެ ރައީސް ޑޮނަލްޑް ޓްރަމްޕް ދެއްވި އިންޓަވިއުއެއްގައި އީރާނުގެ ތެޔޮ "އަތުލަން" ބޭނުންވާކަމަށް ވިދާޅުވެފައިވާއިރު، މަޝްވަރާގެ މަގުން މައްސަލަ ހައްލުކުރަން ބޭނުންވާކަމަށް އެމެރިކާއިން ބުނި ނަމަވެސް، އެ ގައުމުން އީރާނަށް އެއްގަމު މަގުން ހަމަލާއެއް ދިނުމަށް ރާވަމުންދާކަމަށް އީރާނުން ވަނީ ތުހުމަތުކޮށްފައި.
ކުވައިތަށް ދިން ހަމަލާގައި މީހަކު މަރުވުން:
އީރާނުން ކަރަންޓު އުފައްދާ އަދި ފެން ސާފުކުރާ ޕްލާންޓަކަށް ދިން ހަމަލާއެއްގައި އިންޑިއާގެ މަސައްކަތްތެރިއަކު މަރުވެފައިވާ ކަމަށް ކުވައިތުން ބުނެފި.
ހަމައެއާއެކު، ގަލްފުގެ ގައުމުތަކުން ވަނީ ޑްރޯންތަކާއި މިސައިލްތައް ހުއްޓުވާފައިވާ ކަމަށް ރިޕޯޓުކޮށްފައި.
އީރާނާއި އިސްރާއީލުގެ ކުރިމަތިލުންތައް:
އެމެރިކާއާއި އިސްރާއީލުން ގުޅިގެން އީރާނުގެ ތަބްރީޒުގައި ހުންނަ ޕެޓްރޯކެމިކަލް ޕްލާންޓަކަށް ދިން ހަމަލާތަކެއްގައި ތެހެރާނުގެ ބައެއް ސަރަހައްދުތަކުން ކަރަންޓު ކެނޑިފައިވާއިރު، އީރާނުގެ ފައުޖުތަކުން އިސްރާއީލުގެ ދެކުނުގެ ސިނާއީ ސަރަހައްދަކަށް އަމާޒުކޮށް ދިން ހަމަލާއެއްގައި އަލިފާން ރޯވެ، ކެމިކަލް ލީކުވެދާނެ ކަމުގެ ބިރު ވަނީ އުފެދިފައި.
ޑްރޯން ހަމަލާތަކާއި އދ. ގެ ފައުޖު:
ޔަމަނުގެ ހޫތީން ފޮނުވާލި ދެ ޑްރޯން އިސްރާއީލުން ހުއްޓުވާފައިވާއިރު، ލުުބުނާނުގެ ދެކުނުގައި ދިން ހަމަލާއެއްގައި އދ. ގެ ސުލްހަ ބަލަހައްޓާ ފައުޖުގެ މީހަކު މަރުވެފައިވާ ކަމަށް އެ ޖަމިއްޔާއިން ވަނީ ބުނެފައި.
އިސްލާމްއާބާދުގައި ބޭއްވި ބައްދަލުވުން:
ޕާކިސްތާނު، މިސްރު، ތުރުކީ އަދި ސައުދީ އަރަބިއްޔާގެ ޚާރިޖީ ވަޒީރުން އިސްލާމްއާބާދުގައި ބައްދަލުކުރައްވައި، އެމެރިކާ-އިސްރާއީލުން ފެށި ހަނގުރާމައިގެ ނުތަނަވަސްކަން ކުޑަކުރުމަށް މަގުފަހިކުރުމަށް މަސައްކަތްކުރާނެ ކަމުގެ ޔަގީންކަން ވަނީ ދީފި.