30 Mar 2026, 10:29
ސަރުކާރުގެ ސުޕަ މެޖޯރިޓީ މަޖިލީހެއް އޮތް ނަމަވެސް، އެ ވަގުތު ވެރިކަން ކުރާ ސަރުކާރެއް ޖަވާބުދާރީ ކުރުވެން ޖެހޭނެ ކަމަށް މާފަންނު އުތުރު ދާއިރާގެ ކުރީގެ މެންބަރު އިމްތިޔާޒު ފަހުމީ (އިންތި) ރޭ ވިދާޅުވެއްޖެއެވެ.
އަންނަ މަހު ނަގާ ރިފަރެންޑަމް ވޯޓާ ގުޅޭގޮތުން ރޭ ބޭއްވި ފޯރަމްގައި އިމްތިޔާޒު ވިދާޅުވީ، ސަރުކާރަށް މަޖިލީހުގެ މެޖޯރިޓީ ނުލިބި، އިދިކޮޅު ޕާޓީއަށް ލިބުމުން ކޮންމެ ކަމެއްގައި ފުރައްސާރަ ކުރާ ތަނާއި ސަރުކާރަށް މެޖޯރިޓީ ލިބުމުން ވީ ގޮތް ވެސް ފެނިވަޑައިގެންނެވި ކަމަށެވެ.
ދެހާސްނަވާރައިގައި އެމްޑީޕީގެ ސަރުކާރަށް މަޖިލީހުގެ މެޖޯރިޓީ ލިބުނުއިރު، ވަރަށް ގިނަ ބަޔަކު ތިބީ ބިރުން ކަމަށް އޭނާ ވިދާޅުވިއެވެ. އެއީ، ފެނުނު އަނިޔާވެރިކަމާއި ޖުޑިޝަރީއަށް ދީފައިވާ ހަމަލާތަކުން ކަމަށް ވާތީ، އަލަށް ބަޔަކު މަޖިލީހަށް އިންތިޚާބުކޮށްގެން ނޫނީ އެ ކަމަށް ހައްލެއް ނެތް ކަމަށް އޭރު ގިނަ ބަޔަކު ގަބޫލުކުރާތީ ކަމަށް އޭނާ ވިދާޅުވިއެވެ.
އިމްތިޔާޒު ގަބޫލުކުރައްވާ ގޮތުގައި، ސަރުކާރަށް މަޖިލީހުގެ މެޖޯރިޓީ އޮތަސް ނުވަތަ ނެތް ނަމަވެސް، ރައްޔިތުންނަށް ބޮޑެތި ގެއްލުންތައްވެގެން ނުވާނެއެވެ.
އިދިކީލަ ވުމުގެ ބަދަލުގައި ޒިންމާދާރު މަޖިލީހެއް [ކޮންމެ ގޮތެއް ވިޔަސް އޮންނަން ޖެހޭނެ]. އަދި، ސަރުކާރުގެ ރައްޔިތުންގެ މަޖިލީހެއް އޮތްކަމުގައި ވީނަމަވެސް ސަރުކާރު ޖަވާބުދާރީ ކުރުވެން ޖެހޭނެމާފަންނު އުތުރު ދާއިރާގެ ކުރީގެ މެންބަރު އިމްތިޔާޒު ފަހުމީ
ގާނޫނުއަސާސީ އެކުލަވާލެވިފައިވަނީ މަޖިލީހަށް ސުޕަ މެޖޯރިޓީ ލިބި ނުވަތަ ނުލިބޭ ގޮތަށް ނޫންކަން ފާހަގަކުރައްވައި، އިމްތިޔާޒު ވިދާޅުވީ، ކޮންމެ ގޮތަކަށް ކަން ހިނގި ނަމަވެސް ވެރިކަން ނުހުއްޓި ރައްޔިތުންނަށް ޚިދުމަތް ދެވެން ޖެހޭނެ ކަމަށެވެ.
އިންތި އެފަދައިން ވިދާޅުވިއިރު، މިހާރުގެ ސަރުކާރުގެ މެޖޯރިޓީ އޮތް ރައްޔިތުންގެ މަޖިލީހުން އެކަށީގެންވާ މިންވަރަށް ސަރުކާރު ޖަވާބުދާރީ ނުކުރެވޭ ކަމުގެ ތުހުމަތުތައް ކުރެވެއެވެ.