06 Mar 2026, 23:18
ބަންޑާރަ މިސްކިތަކީ އާސާރީ ތަރިކައިގެ ތެރޭ ހިމެނޭ ތަނެއް ނޫން ކަމަށާއި، އެހެންކަމުން އެތަނުގައި އާ މިސްކިތެއް ބިނާކުރުމާމެދު ފުޅާ ދާއިރާއެއްގައި މަޝްވަރާކުރަން ބޭނުންވާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިރޭ ވިދާޅުވެއްޖެއެވެ.
ބަންޑާރަ މިސްކިތް ހުރި ތަނުގައި ޒަމާނީ ބޮޑު މިސްކިތެއް އަޅަން ބޭނުންވާ އެހީތެރިކަން، ދީލަތި ފަރާތަކުން ހަމަޖައްސައިދީފައިވާ ކަމަށާއި، އެ ތަނުގައި މިސްކިތް އެޅުމުގެ މަސައްކަތް ރޯދައިގެ ފަހުން ފަށާނެކަން މިނިސްޓަރު މިއަދު ހާމަކުރެއްވުމާއެކު ގިނަ ބަޔަކު ވަނީ އެކަމާ
ވަކިން ޚާއްސަކޮށް ބަންޑާރަ މިސްކިތަކީ 100 އަހަރުވެފައިވާ ދުވަސްވީ އާސާރީ ބިނާއެއް ކަމަށް ގިނަ ބަޔަކު ބުންޏެވެ. އަދި އެހާ ދުވަސްވީ ބިނާއެއް ހިމާޔަތްކުރަންޖެހޭނެ ކަަމަށާއި، ސަރުކާރުގެ ނިންމުން ބަދަލުކުރަން ގިނަ ބަޔަކު ސޯޝަލް މީޑިއާގައި ވަނީ ގޮވާލައިފައެވެ.
ބަންޑާރަ މިސްކިތް --
ކަން އެހެން އޮއްވައި 'އެކްސް'ގައި ކުރެއްވި ޕޯސްޓެއްގައި ޝަހީމް މިރޭ ވިދާޅުވީ، ބަންޑާރަ މިސްކިތަކީ ރާއްޖޭގެ އާސާރީ ތަރިކައިގެ މިސްކިތްތަކުގެ ތެރޭގައި ހިމަނާފައި އޮންނަ މިސްކިތެއް ނޫން ކަމަށެވެ. އެހެންކަމުން އެތަނުގައި ބޮޑު މިސްކިތެއް ބިނާކުރަން ގަސްތުކުރީ ކަމަށް މިނިސްޓަރު ވިދާޅުވިއެވެ.
އެހެން ނަމަވެސް މިނިސްޓްރީން ކަންކަން ކުރާނީ ރައްޔިތުންގެ އަޑުއެހުމަށް ފަހު އެއާ އެއްގޮތަށް ކަމަށާއި، އެތަނުގައި އާ މިސްކިތެއް ބިނާކުރުމާމެދު ފުޅާ ދާއިރާއެއްގައި މަޝްވަރާކުރާން ބޭނުންވާ ކަމަށް ޝަހީމް ވިދާޅުވިއެވެ.
މާލޭގެ އެންމެ ކާރުބާރު ބޮޑު އުތުރު ފަރާތުގައި ހުންނަ ބަންޑާރަ މިސްކިތަށް، ކުރީގެ ރައީސް އިބްރާހީމް ނާސިރާއި މައުމޫން އަބްދުލްގައްޔޫމްގެ ވެރިކަމުގައި ބޮޑެތި ބަދަލުތަކެއް ގެނައެވެ.
އެއީ، ވޯރާ ވިޔަފާރިވެރިން ބިނާކުރި ވަރަށް ޒަމާންވީ މިސްކިތެކެވެ.
ތާރީޚަށް ލޯބިކުރައްވާ އެތައް ބަޔަކު ދަނީ އެ މިސްކިތް ތަޅާނުލައި، ހިމާޔަތްކުރުމަށް ގޮވާލަމުންނެވެ. އަދި "ސޭވް ބަންޑާރަ މިސްކިތް" ނަމުގައި ގިނަ ބަޔަކު ދަނީ ސޯޝަލް މީޑިއާ ކެމްޕެއިނެއް ވެސް ކުރަމުންނެވެ.
އެ މައްސަލައިގައި މާލޭގެ މޭޔަރު އާދަމް އާޒިމް ވެސް ވަނީ ސަރުކާރުގެ ނިންމުން ބަދަލުކުރަން ގޮވާލައްވައިފައެވެ. އެގޮތުން ބަންޑާރަ މިސްކިތަކީ ދިވެހިންގެ ދީނާއި، ސަގާފަތާއި، ތާރީޚު ދައްކުވައިދޭ މުހިއްމު ރަމްޒެއް ކަމަށާއި، އެފަދަ ތަނެއް ތަޅާލުމަކީ ގާނޫނާ ވެސް ޚިލާފު ކަމަށް އާޒިމް ވިދާޅުވިއެވެ.
މޭޔަރު ވިދާޅުވި ގޮތުގައި މި މިސްކިތް ހުރި ހިސާބުގެ ގޮތުން މާލެ ސިޓީއަށް ޒިޔާރަތްކުރާ މީހުންގެ މެދުގައި ވެސް، މި ބިނާއަކީ ވަރަށް މަގުބޫލު ތަނަކަށް ވަނީ ވެފައެވެ.