05 Mar 2026, 23:34
ށ. އަތޮޅުގެ ގިނަ ބަޔަކު އެދެމުން އައި ޚިދުމަތެއް ކަމަށްވާ ސްޕީޗް ތެރެޕީގެ ޚިދުމަތް އެ އަތޮޅު ހޮސްޕިޓަލުގައި ފަށައިފިއެވެ.
މި ޚިދުމަތީ މިދިޔަ އަހަރުގެ އޮކްޓޫބަރު މަހު 15 ވަނަ ދުވަހު ރައީސުލްޖުމްހޫރިއްޔާ ޑރ. މުހައްމަދު މުޢީއްޒު ފުނަދޫއަށް ވަޑައިގަތުމުން، އެ ރަށުން ގިނަ ބަޔަކު އެމަނިކުފާނު އަރިހުން އެދުނު ޚިދުމަތެކެވެ. އަދި ރައްޔިތުންނާ ބައްދަލު ކުރައްވާ، އެ ޚިދުމަތްވީ އެންމެ އަވަހަކަށް ފައްޓަވައި ދެއްވާނެކަމަށް ރައީސް ވަނީ ވައުދުވެވަޑައިގެންފައެވެ.
ށ. އަތޮޅު ހޮސްޕިޓަލުން ސްޕީޗް ތެރެޕީ ދެއްވާ، ތެރެޕިސްޓް --
ށ. އަތޮޅު ހޮސްޕިޓަލުން އެ ހިދުމަތް ފެށިކަން އިއުލާންކޮށް، އެ ހިދުމަތަށް ބޭނުންވާ ފަރާތްތަކުން ރަޖިސްޓްރީ ކުރުމަށް މިހާރުވަނީ ހުޅުވާލާފައެވެ.
އެ ހޮސްޕިޓަލުން ބުނި ގޮތުގައި މި ޚިދުމަތުގެ ތެރޭގައި:
އާގަތުމަށް ދެވޭ ތެރެޕީ
- އޭސީސީ(އިތުރު ވަސީލަތުން ދޭ ތެރެޕީ)
- ވިސްނުމާ ބެހޭ ހުނަރުތައް ދަސްކޮށްދޭ ތެރެޕީ
- މީހުންނާ ގުޅިގެން އުޅުމާއި ވާހަކަދެއްކުމުގެ ތެރެޕީ
- އަޑު އިވުމުގެ އެކިއެކި މައްސަލަތަކަށް ދެވޭ ތެރެޕީ
- ޑިސްފޭޖިއާ ތެރެޕީ
- އަޑުގެ ތެރެޕީ
- އުގެނުމާއި އަދި ކިޔެވުމުގައި ދިމާވާ އެކިއެކި ދަތިތަކަށް ދެވޭ ތެރެޕީ
- ވާހަކަދެއްކުން ލަސްވުމާއި، ވާހަކަ ދެއްކުމުގައި، ނުވަތަ ދައްކާވާހަކަ ދޭހަ ނުވުމުގެ މައްސަލަތަކަށް ދޭ ތެރަޕީ
ރާއްޖޭގެ ނިސްބަތުން ށ. އަތޮޅަކީ ސްޕީޗް ތެރެޕީ ބޭނުންވާ އާބާދީ ބޮޑު އަތޮޅެކެވެ. މިހާރު މި ހިދުމަތް ހޯދުމަށް ދާން ޖެހެނީ ހދ. އަތޮޅު ރީޖަނަލް ހޮސްޕިޓަލަށާއި، މާލެ ސަރަހައްދުގެ އެކި ކުލިނިކްތަކާއި ހޮސްޕިޓަލްތަކަށެވެ.
ނަމަވެސް މި ފަރުވާ އަތޮޅުން ލިބޭނެ އިންތިޒާމްތައް ހަމަޖެހިގެން ދިއުމަކީ ލިބިގެން ދިޔަ ވަރަށް ބޮޑު ލުޔެއްކަމަށް އެއަތޮޅުގެ ގިނަ ބަޔަކު ބުނެއެވެ.