01 Mar 2026, 09:34
ސަން ބަދިގެ ސެގްމެންޓްގައި މިއަދު ގެނެސްދޭނީ ފަރުމަސް މީރު މީހުންނަށް ވަރަށް ކަމުދާނެ ބާވަތެކެވެ. މިއީ ރަމަޟާން މަހުގެ ސުފުރާގައި ހިމަނާލުމަށް ވަރަށް ރަނގަޅު އެހާމެ ޚަރަދުކުޑަކޮށް ފަސޭހައިން ތައްޔާރުކޮށްލެވޭނެ ބާވަތެކެވެ.
ބޭނުންވާނެ ތަކެތި
01 ފަރުމަސް (ސާފުކުރުމަށްފަހު ޅިޔަ އަޅާފައި )
01 ލުނބޯ
05 ލޮނުމެދު ( ޗޮޕްކޮށް ކޮށާލާފައި )
02 މޭޒުމަތީ ސަމުސާ އޮއިސްޓަ ސޯސް
02 ސައިސަމުސާ ސީޒަނިންގް ސޯސް
02 ސައިސަމުސާ ފިޝް ސޯސް
01 މޭޒުމަތީ ސަމުސާ ޒުވާރިފުށް
100 ގްރާމް ބެލްޕެޕާ
4/1 ސައިސަމުސާ ލޮނު
05 ތޮޅިމިރުސް ( ޗޮޕްކޮށް ކޮށާލާފައި )
2/1 ސައިސަމުސާ ހަކުރު
02 ޖޯޑު ފެން
ތައްޔާރު ކުރާނެގޮތް
މަސްކޮޅުތެރެއަށް ލުނބޯހުތް އަދި ލޮނު އަޅާ އެއްކޮށްލުމަށްފަހު 10 މިނެޓް ވަންދެން މެރިނޭޓްކޮށްލަން ބަހައްޓާލާށެވެ. އެއަށްފަހު މަސް މަޑުގިނީ ގައި ފްރައިކޮށްލާށެވެ.
ދެން ތަވާގެ ތެރެއަށް ލޮނުމެދާއި މިރުސް އަޅާފައި ލޮނުމެދުކޮޅު ރަތް ވަންދެން ފްރައި ކޮށްލުމަށް ފަހު އޮއިސްޓާ ސޯސް، ސީޒަނިންގް ސޯސް، ފެން،ހަކުރު އަޅާ ކައްކާލުމަށްފަހު ޒުވާރިފުށް، ބެލްޕެޕާ އަޅާ އޮލަކޮށްލުމަށްފަހު ކުރިން ފްރައިކޮށްލި މަހުގެ މައްޗަށް ކެއްކި ސޯސްކޮޅު އަޅާލާށެވެ.
މިއީ ސައިޑް ޑިޝްއެއްގެ ގޮތުގައި ވެސް އަދި ތަރުކާރީ ބަތާ އެކު ވެސް ކާލަން މީރު ބާވަތެކެވެ.