Last Updated: 1 decade 3 year ago
Last Updated:
1 decade 3 year ago
އެމެރިކާ ސަރުކާރުން ވެސް ކޯނީގެ ރިޕޯޓް ބަލައިގެންފި
ބުލޮގު ޚުލާސާ
*** ވެރިކަން ބަދަލުވި ގޮތް ބެލުމަށް އުފެއްދި ކޮމިޝަން އޮފް ނޭޝަނަލް އިންކްއަރީ (ކޯނީ)ގެ ރިޕޯޓް ރައީސުލް ޖުމްހޫރިއްޔާ ޑރ. މުހައްމަދު ވަހީދު ހަސަން މަނިކަށް ދާދި ދެންމެއަކު އަރުވައިފި އެވެ.
17:58
މުޒާހަރާގެ ތެރެއިން 10 ވަރަކަށް މީހުން ފުލުހުން ހައްޔަރުކޮށްފި. ހައްޔަރު ކުރި މީހުންގެ ތެރޭގައި އަންހެނުން ވެސް ހިމެނޭ. ފުލުހުން ބުނީ މީހުން ހައްޔަރު ކުރަނީ ފުލުހުންގެ ވާޖިބަށް ހުރަސްއެޅާތީ ކަމަށް.
17:31
ގަލަކުން ޖަހައި ފުލުހުންގެ ޖީޕެއްގެ ބިއްލޫރިގަނޑު ތަޅާލައިފި. ފުލުހުންގެ ޖީޕްގެ ބިއްލޫރިގަނޑު ތަޅާލީ ސޯސަންމަގު ހިސާބުން.
17:23ރައްޔިތުންގެ މަޖިލީސް ކައިރިން
މަގުމައްޗަށް ނުކުތް އެމްޑީޕީ ރެލީ ރައްޔިތުންގެ މަޖިލީހުގެ ކުރިމައްޗަށް އެރުމާއެކު ރަޔަޓް ގިޔަރުގައި ތިބި ފުލުހުން އައިސް އެއްވުން ރޫޅާލައިފި.
17:09
އެމްޑީޕީގެ ގައުމީ މަޖިލީސް މެދުކަނޑާލުމަށް ފަހު މަގުމައްޗަށް ނުކުމެއްޖެ. ގައުމީ މަޖިލީހުން އެއްވެސް ނިންމުމެއް ފާހެއް ނުކުރޭ.
17:05
އެމްޑީޕީގެ ގައުމީ މަޖިލީހުން އެއްވެސް ގަރާރެއް ފާސްވައި ގޮތެއް ނުވި. ގަރާރު ފާސްނުވީ މަގުމައްޗަށް ނުކުންނަން ޖެހޭ ކަމަށް ބުނެ އެމްޑީޕީ މީހުން މަގުމައްޗަށް ނުކުތުމުން.
16:55
ލަންކާގައި ހުންނަ އެމެރިކާ އެމްބަސީ އިން މިއަދު ނެރުނު ބަޔާނެއްގައި ބުނެފައި ވަނީ، ކޯނީގެ ކޯ ޗެއާގެ ލީޑާޝިޕަށް ތައުރީފުކޮށްފަ އެވެ.
16:52
އެމެރިކާ ސަރުކާރުން ވެސް ކޯނީގެ ރިޕޯޓް ބަލައިގެންފި.
16:23
މާލޭގެ ކުނި ގޮނޑު ރޯކޮށްލަން މަސައްކަތްކުރަމުން ދިޔަ ދެ މީހަކު ފުލުހުން ހައްޔަރުކޮށްފި. ފުލުހުންގެ މީޑިއާ އޮފިޝަލް މިއަދު ވިދާޅުވީ މިއަދު 16:30 ކަންހާއިރު ނީލަންފިހާރަ ހިމެނޭ ކުނިގޮނޑުގައި އަލިފާން ރޯކޮށްލަން އުޅެނިކޮށް ހައްޔަރުކުރީ ދެ ފިރިހެނުން ކަމަށް. ނަމަވެސް އެމީހުނާއި ބެހޭ އިތުރު މައުލޫމާތެއް ނުދޭ.
16:12ކޮމެންވެލްތުގެ ބަޔާން
ހުރިހާ ފަރާތްތަކުން ވެސް ކޯނީގެ ނިންމުންތަކަށް އިހުތިރާމް ކުރުމަށް ކޮމަންވެލްތުގެ ސެކްރެޓަރީ ޖެނެރަލް ކަމަލޭޝް ސަަރުމާ ގޮވާލައްވައިފި. އޭނާ ވިދާޅުވެފައި ވަނީ ޒިންމާދާރުކަމާއެކު ގައުމައިގެން ކުރިޔަށް ދިއުމަށް ކަމަށް. ރިޕޯޓްގައި ރާއްޖޭގައި ޑިމޮކްރަސީ އާއި ހެޔޮވެރިކަމާއި މީޑިއާ ރަނގަޅު ކުރުމަށް ކުރަންޖެހޭ ކަންކަމާ ވަނީ އަލި އަޅުވާލައްވާފައި. އެކަން ކަމަށް އަވަހަށް އެޑްރެސް ކުރަން ޖެހޭ.
ކޯނީ އިން މިއަދު ނެރުނު ރިޕޯޓް ބަލައި ގަނެ، އެ ރިޕޯޓަށް ހުރިހާ ފަރާތްތަކުން އިހުތިރާމް ކުރުމަށް ކޮމަންވެލްތުން ގޮވާލައިފާވާއިރު ރިޕޯޓް އުފެއްދުމަށްޓަކައި ކޮމިޝަންގެ މެމްބަރުން ކުރައްވާފައިވާ ބުރަ މަަސައްކަތަށް ތައުރީފު ކުރައްވާފައި ވެސް ވޭ.
16:05
ކޯނީގެ ރިޕޯޓް ފުރިހަމަ ނުވާ ކަމަށާއި އެ ރިޕޯޓް ފުރިހަމަ ވެފައި ނުވަނީ ޑްރާފޓް ރިޕޯޓް އެކުލަވައިލިއިރު ގަހާ އަހުމަދު ސައީދު އެކަމުގައި ސާމިލުވެވަޑައިގެންފައި ނުވުމާއި އަދި ރިޕޯޓް އާންމު ކުރުމުގެ ކުރިން ސައީދު އިސްތިއުފާ ދެއްވާފައިވާތީ ކަމަށް ބުނާ ގަރާރެއް ގައުމީ މަޖިލީހަށް ހުށަހަޅައިފި.
15:55
އެމްޑީޕީގެ ގައުމީ މަޖިލީހުގެ ކުއްލި ބައްދަލުވުން ދާދި ދެންމެއަކު ވަނީ ފަށާފައި.
15:02
ކޯނީގެ ރިޕޯޓަށްފަހު އަމަލުކުރާނެ ގޮތަކާބެހޭ ގޮތުން ޕާޓީތަކުގެ ލީޑަރުންގެ މަޝްވަރާ ބައްދަލުވުންތައް މިރޭ ބާއްވަން ހަމަޖައްސާފައި ވަނީ ބަނޑޮސް ރިސޯޓްގައި ކަމަށް ރައީސް އޮފީހުން ބުނޭ. އެ ބައްދަލުވުމުގައި އެމްޑީޕީން ބައިވެރިވާނެ ކަމަށް ކުރިން ވަނީ ބުނެފައި.
15:01
އެމްޑީޕީގެ ގައުމީ މަޖިލީހުގެ 109 ވަނަ ބައްދަލުވުން ކުއްލި ޖަލްސާއެއްގެ ގޮތުގައި ދަރުބާރުގޭ ރަންނަބަނޑޭރި މާލަމުގައި ފެށުމަށް މިހާރު ދަނީ ތައްޔާރުވަމުން.
14:33އެމްޑީޕީގެ ގައުމީ ހިންގާ ކޮމެޓީގެ ނިންމުން:
ދެންމެ ނިމުނު ގައުމީ ހިންގާ ކޮމެޓީގެ ބައްދަލުވުމުގައި އަވަސް ރިޔާސީ އިންތިހާބަށް ދިއުމަށާއި ރައްޔިތުން މަޖިލީސް އުވާލާ އެ ދެ އިންތިހާބު އެއްކޮން ބޭއްވުމަށް ފެނޭތޯ ބަލަން ރައްޔިތުންގެ އާންމުވޯޓަސް ދިއުމަށް ފެންނަ ކަމަށް ވަނީ ފާސްކޮށްފައި.
ގައުމީ ހިންގާ ކޮމެޓީގެ މެންބަރު އަދި ރައްޔިތުން މަޖިލީހުގެ ރައްޔިތުންގެ މަޖިލީހުގެ މއ. އުތުރު ދާއިރާގެ މެންބަރު މާރިޔާ އަހްމަދު ދީދީ ހުށަހެޅުއްވި އެ ގަރާރަށް ތައީދު ކުރެއްވީ އެމްޑީޕީ ޕާލަމެންޓްރީ ގުރޫޕްގެ ރައީސް އަދި ހިންނަވަރު ދާއިރާގެ މެންބަރު އިބްރާހިމް މުހައްމަދު ސޯލިހް.
ގައުމީ ހިންގާ ކޮމެޓީގައި ވާހަކަ ދެއްކެވި އެމްޑީޕީ ޕާލަމެންޓްރީ ގުރޫޕްގެ ހުރިހާ މެންބަރުންވެސް ވިދާޅުވެފައިވަނީ ކޮމިޝަން އޮފް ނޭޝަނަލްނ އިންކުއަރީ (ކޯނި) ގެ ރިޕޯޓުގައި ނެރިފގައިވާ ތަހްގީހގު ރިޕޯޓު އެ ޕާޓީން ބަލައި ނުގަންނާނެ ކަމުގައި. ކޯނީގެ ރިޕޯޓުގައި ވެރިކަން ބަލަވުވީ ބަޣާވާތަކުން ކަމަށް ބުނި ގިނަ ފަރާތްތަކުގެ ވާހަކަތަކަށް ރިއާޔަތްކޮށްފައި ނުވާ ކަމަށް ބައެއް މެންބަރުން ވިދާޅުވި އެވެ.
ކޯނީގެ ރިޕޯޓުން ދޭހަވަނީ މަގުމަތިން ވެރިކަން ބަދަލުވި ކުރެވިދާނެ ކަން ކަމަށް ވިދާޅުވެ މަގުމަތީ ހަރަކާތްތަކަށް ގައުމީ ހިންގާ ކޮމެޓީގެ މެންބަރުން ތަކުރާރުކޮށް ގޮވާލެއްވި
މިހާރު އެމްޑީޕީން ތައްޔާރުވަމުންދަނީ އެ ޕާޓީގެ ކުއްލި ގައުމީ މަޖިލީހެއް ބޭއްވުމަށް. އެ ޕާޓީގެ އާންމުން ދަރުބާރުގޭ ކުރިމަތީ ތިބިއިރު އެމީހުން ދަނީ ފުލުހުނާއި ބަހުގެ ހަމަލާތައް ދެމުން. އަދި ބައެއް ފަހަރު ފުލުހުންނާއި އާންމުނާއި ކުރިމަތިލުންތައް މިހާރުވެސް ހިނގަމުންދޭ. އެ ސަރަހައްދުގައި ރަޔަޓް ގިޔަރުގައި ތިބި ފުލުހުން ހަރަކާތްތެރިވަމުން އެބަދޭ. މާލެގެ މަގުތައް މައްޗަށް މުޒާހަރާ ކުރުމަށް ނުދެވޭނެ ހެން އެކި ސަރައްދުތައް ފުލުހުން ވަނީ ބަންދުކޮށްފައި
13:54ދަރުބާރުގެއިން
ގައުމީ މަޖިލީހުގެ ބައްދަލުވުމެއް ބާއްވަން ފާސްކުރުމަށް ފަހު އެމްޑީޕީގެ ގައުމީ ހިންގާ ކޮމިޓީގެ ބައްދަލުވުން ނިންމާލައިފި. މަޖިލީހުގެ އިންތިޚާބާއި ރިޔާސީ އިންތިޚާބަށް މަސައްކަތްކުރުމަށް މާރިޔާ ހުށަހެޅުއްވި ގަރާރެއް ވެސް ވަނީ ފާސްކޮށްފައި.
13:53
ދަރުބާރުގޭ ކައިރީ ފުލުހުން ހަރަކާތްރިވަމުން ދަނިކޮށް ހަމަނުޖެހުން ހިންގި އެކަކު ހައްޔަރުކޮށް، އަދި އަނިޔާވި މީހަކު ހޮސްޕިޓަލަށް ގެންގޮސްފައިވާ ކަމަށް ފުލުހުންގެ މީޑިޔާ އޮފިޝަލަކު ވިދާޅުވޭ.
13:40
ރަޔަޓް ފުލުހުން ވަނީ ދަރުބާރުގޭގެ ސަރަހައްދުގައި ވަނީ ހަރަކާތްތެރިވާން ފަށާފައި. އެ ސަރަހައްދުގައި ތިބި ފުލުހުން ވެހިކަލް ޗެކް ކުރަމުން ވެސް އެބަދޭ. ފުލުހުން އެ ސަރަހައްދަށް ގޮސްފައި ވަނީ މީގެ ގަޑިއެއްހާއިރު ކުރިން.
13:27އެމްއެންޑީއެފްގެ ނޫސް ބަޔާން:
ކޯނީގެ ރިޕޯޓް ނިމިގެންދިޔަ ގޮތުން އެއީ ސިފައިންގެ ހިދުމަތުގައި ދެމިތިބުމަށް ލިބުނު ޔަގީންކަމެއް ކަމަށް އެމްއެންޑީއެފް އިން ބުނެފި. އެމްއެންޑީއެފުން މިއަދު ނެރެފައިވާ ނޫސްބަޔާނެއްގައި ބުނެފައި ވަނީ 7 ފެބުރުއަރީގައި ރާއްޖޭގެ ވެރިކަން ބަދަލުވެފައި ވަނީ ގާނޫނާ އެއްގޮތްވާ ގޮތުގެ މަތިން ކަމަށް ކޮމިޝަން އޮފް ނެޝަނަލް އެންކުއަރީން(ކޯނީން) ނިންމުމުން އެއީ ސިފައިންނާ މެދު މިހާރު ދެކެވޭ ވާހަކަތަކަކީ ދޮގު ބަސްތަކެއް ކަން އެނގި ސިފައިންގެ ގައުމީ ހިދުމަތުގައި ދެމިތިބުމަށް ލިބިގެން ދިޔަ ވަރަށްބޮޑު ޔަގީން ކަމަކާއި ހިތްވަރެއް ކަމަށް.
"ހަތެއް ފެބުރުއަރީ ދުވަހު އޭރުގެ ރައީސްލުޖުމްހޫރިއްޔާ މުހައްމަދު ނަޝީދު އިސްތިއުފާ ދެއްވާފައި ވަނީ، ސިފައިން އެމަނިކުފާނަށް މަޖުބޫރުކޮށްގެން ނޫން ކަމަށާއި ސިފައިން ބަޣާވާތެއް ކޮށްގެން ކަމަށް އެ ކޮމިޝަނުން ނުފެންނަ ކަމަށް ނިންމާފައިވާކަމީ، ދިވެހި އެންމެހާ ސިފައިނަށާއި ސިފައިންގެ އާއިލާތަކަށް އަދި ދިވެހި ރައްޔިތުނަށް ވަރަށް ބޮޑު އުފަލަކާއި ހިތްހަމަޖެހުމެއް ލިބިގެންދިޔަ ކަމެކެވެ."
13:09ރައްޔިތުންގެ މަޖިލީހުގެ އިދާރާއިން:
ރައްޔިތުންގެ މަޖިލީހުގެ އިދާރާއިން ކޯނީގެ ރިޕޯޓް މެންބަރުންނަށް ފޮނުވުމަށް ނިންމައިފި. އިދާރާއިން ބުނީ ރިޕޯޓް މަޖިލީހުގެ މެންބަރުންނަށް ފޮނުވަން މަޖިލީހުގެ ރައީސް އަބްދުﷲ ޝާހިދު ނިންމާފައިވާ ކަމަށް. މި ގޮތަށް ނިންމެވީ މި ރިޕޯޓް މިއަދު ހެނދުނު މަޖިލީހުގެ ރައީސަށް ލިބި ވަޑައިގެންނެވުމުން ކަމަށާ ރިޕޯޓް މެންބަރުންނަށް ފޮނުވުމުގެ އިތުރުން ސަލާމާތީ ހިދުމަތްތަކާބެހޭ ކޮމެޓީއަށާއި ގައުމީ ސަލާމާތުގެ ކޮމެޓީއަށާއި މިނިވަން މުއައްސަސާތަކުގެ ކޮމެޓީއަށް ފޮނުވުމަށް ވެސް މަޖިލީހުގެ ރައީސް ވަނީ ނިންމަވާފައި.
13:05ހާމިދު އަބްދުލްޣަފޫރު:
ރައީސް ނަޝީދު ހުންނެވީ އަޅުގަނޑުމެންނާ އެކު. އަޅުގަނޑު އެދެނީ މި ތަނުގައި ގޮތެއް ފާސްކުރުމަށް ފަހު ރައީސް ނަޝީދު އަޅުގަނޑުމެންނާ ގުޅިވަޑައިގަތުން.
13:04
ކޯނީ ގެ ރިޕޯޓް ނެރުމުން އެރިޕޯޓަށް އެންމެން އިހުތިރާމްކުރުމަށް އިންޑިއާއިން ގޮވާލައިފި. ކޯނީގެ ރިޕޯޓާ މެދު ހުރިހާ ސިޔާސީ ޕާޓީތަކުން ވެސް ހިޔާލުފާޅުކުރަން ވާނީ ހަމަޖެހުމާއި ކެތްތެރިކަމާ އެކުގައި ކަމަށް އިންޑިއާ ސަރުކާރުން ވަނީ ބުނެފައި. ޓައިމްސް އޮފް އިންޑިއާ ނޫހުން ބުނީ ހުރިހާ ފަރާތްތަކުން ވެސް ކޯނީގެ ރިޕޯޓާމެދު ވިސްނަންވާނީ ހަމަޖެހުމާ ކެތްތެރިކަމާ އެކުގައި ކަމަށް އިންޑިއާގެ ފޮރިން މިނިސްޓްރީގެ ބަޔާނެއްގައި ގޮވާލާފައި ކަމަށް
12:56ހަސަން އަފީފު، ގައުމީ ހިންގާ ކޮމެޓީގައި:
ރައީސް ނަޝީދު އިސްތިއުފާ ދެއްވީ މަޖުބޫރު ނޫން ކަމަށް ނިންމުމަކީ ކޮމިޝަންގައި ތިބި ބޭފުޅުން މަންމަވެ ބީރުވެ ކަނުވެފައި ތިބުން.
12:53ގައުމީ ހިނގާ ކޮމެޓީގައި ސަމީރު:
އަޅުގަނޑުމެން އުންމީދު ނަގާލައިގެން ނުވާނެ. ސީމެގުން އަޅުގަނޑުމެންނަށް އިންސާފު ގާއިމު ކުރުމުގެ އުންމީދު އެބައޮތް. 2013 ވަނަ އަހަރު އަޅުގަނޑުމެން ނުކުންނާނީ އާ އުންމީދުތަކަކާއެކު
12:50
ރައްޔިތުންގެ މަޖިލިސް އުވާލަން މަނަދޫ ދާއިރާގެ މެމްބަރު މުހައްމަދު ތޯރިގް ވަނީ ގައުމީ ހިންގާ ކޮމެޓީގައި ގޮވާލައްވާފައި . މިހާރު ވާހަކަފުޅު ދައްކަވަނީ ދިއްދޫ ދާއިރާގެ މެންބަރު ސަމީރު
12:09އަސްލަމްގެ ވާހަކަފުޅު:
އަސްލަމް ވާހަކަފުޅު ނިންމަވާލައްވައިފި. އަދި ނަމާދު ވަގުތަށް ބައްދަލުވުން މެދުކަނޑާލައިފި.
12:02
އެމްޑީޕީގެ ގައުމީ ހިންގާ ކޮމެޓީގެ ޖަލްސާގައި މެންބަރުން ރިޕޯޓާބެހޭ ގޮތުން ހިޔާލު ފާޅު ކުރަމުން އެބަގެންދޭ.
12:01ކުރީގެ ހައުސިން މިނިސްޓަރު އަސްލަމް:
ކޯނީ ރިޕޯޓް އަޅުގަނޑުމެން ދެކެނީ އަޅުގަނޑުމެންގެ މޫނުމަތީގައި ޖެހި ތަފާލެއް ކަމަށް. އަޅުގަނޑުމެން މިކަމާ އިހުތިޖާޖުކުރާނަން. އަޅުގަނޑުމެން ގަބޫލު ނުކުރާ ކަންތައްތަކެއް އޭގައި ހުރި ކަމަށް ބުނަން އަޅުގަނޑުމެންނަށް ގާނޫނު އަސާސީ ޖާގަ ދޭ، މަގުމައްޗަށް ނުކުންނަން ވެސް. ވެރިކަން ބަދަލުކުރެވޭނީ ހަމައެކަނި 6، 7 ގަ އެއެއް ނޫން. މިއަދު ވެސް ކުރެވޭނެ، މާދަމާ ވެސް ކުރެވޭނެ. ރިޕޯޓް ލިޔުނީ ފަސް މެމްބަރުންނަށް އެއްބަސްވެވޭ ގޮތަކަށް ނޫން.
12:00
11:52
އެމްޑީޕީގެ ގައުމީ ހިންގާ ކޮމެޓީގެ ބައްދަލުވުން ދަރުބާރުގޭގައި ފަށައިިފި. މިވަގުތު ވާހަކަފުޅު ދައްކަވަނީ ޕާޓީގެ ޗެއާޕާސަން ރީކޯ މޫސާ މަނިކު.
11:46
ފެބްރުއަރީ 6، 7، 8 ގައި ފުލުހުން އަނިޔާވެރިވުން ކަމާބެހޭ ފަރާތްތަކުން ތަހުގީގުކުރަން ޖެހޭ ކަމަށް ކޯނީގެ ރިޕޯޓްގައި އޮތް އޮތުން ރައީސް ވަހީދުގެ ބަޔާނުގައި ފާހަގަ ކުރައްވާފައެއް ނުވޭ. މިހާރު ކޯނީ އުފެއްދެވުމުގެ ގަރާރު އުވާލެއްވުމަށް ރައީސް ވަހީދު ސޮއިކުރެއްވުމުން އެ ކޮމިޝަން ވަނީ އުވިފައި.
11:42
ޕްރޮސެކިއުޓާ ޖެނެރަލް ވިދާޅުވީ ރިޕޯޓް ލިބިފައިވާ ކަމަށާއި ކޯނީގެ ރިޕޯޓް ދިރާސާ ކުރަން ފައްޓަވާފައިވާ ކަމަށް.
11:32ކޯނީގެ ނިންމުން
ކޯނީގެ ނިންމުން: 7 ފެބްރުއަރީގައި ރާއްޖޭގެ ވެރިކަން ބަދަލުވެފައިވަނީ ގާނޫނު އަސާސީ އާއި ގާނޫނާ އެއްގޮތަށް. ފެބްރުއަރީ 6، 7 ގައި ހިނގާދިޔަ ހާދިސާތަކުގެ މައިގަނޑު ސަބަބަކީ ކުރީގެ ރައީސް ނަޝީދުގެ އަމަލުތައް. ރައީސް ނަޝީދު އިސްތިއުފާ ދެއްވީ އަމިއްލަފުޅު އިހްތިޔާރާ އެކު، ގާނޫނާ ހިލާފު މަޖުބޫރުކުރުމެއް ނުވަތަ ބިރުދެއްކުމެއް ނެތި. ފެބްރުއަރީ 6، 7، 8 ގައި ފުލުހުން ހިންގި އަމަލުތައް ކަމާބެހޭ އިދާރާތަކުން ތަހުގީގު ކުރަންޖެހޭ
11:28
ރައީސް ނަޝީދަށް ކޯނީގެ ރިޕޯޓް ފޮނުވުމުން އެމަނިކުފާނު ރިޕޯޓް ގަބޫލުފުޅު ނުކުރެއްވި ކަމަށް ރައީސް އޮފީހުގެ ތަރުޖަމާނު އައްބާސް އާދިލް ރިޒާ ވިދާޅުވޭ، އެހެން ހުރިހާ މުއައްސަސާއަކުން ވަނީ ރިޕޯޓް ބަލައިގެންފައި.
11:27ރައީސްގެ ވާހަކަފުޅު
ސުލްހަ އާއި މަޝްވަރާގެ މަގު ޚިޔާރުކުރަންވީ ވަގުތު. ހިއުމަން ރައިޓްސް ކޮމިޝަނުން އެކުލަވާލި ރިޕޯޓްގައި ގާނޫނީ ގޮތުން ފުރިހަމަ ކުރަން ޖެހޭ ކަންކަން ކުރަން މަޖިލީހަށް އަޅުގަނޑު ގޮވާލަން. ރިޕޯޓާ ގުޅިގެން އަޅުގަނޑު ކުރަން ޖެހޭ ކަންކަން ބަރާބަރަށް ކުރާނަން. އަޅުގަނޑު ފަށާ ޕާޓީތަކުގެ މަޝްވަރާތައް ކުރިއަށް ގެންދާނަން.
11:22އުސްފަސްގަނޑުން
އެމްޑީޕީގެ ގައުމީ މަޖިލީހުގެ ކުއްލި ބައްދަލުވުމަކަށް، އެ ޕާޓީގެ ޗެއާޕާސަން ރީކޯ މޫސާ މަނިކު ގޮވާލައްވައިފި. އަދި ގައުމީ މަޖިލީހުގެ މެންބަރުން ދަރުބާރުގެ އަށް ދިޔުމަށް ވެސް ގޮވާލެއްވި.
11:22އުސްފަސްގަނޑުން
ރައީސް ޑރ. މުހައްމަދު ވަހީދު ހަސަން މަނިކު ކޯނީގެ ރިޕޯޓާ ބެހޭ ގޮތުން ވާހަކަ ދައްކަވަމުން ދިޔަ އިރު، އުސްފަސްގަނޑުގައި ތިބި އެމްޑީޕީ މީހުން ދިޔައީ ނުރުހުން ފާޅުކޮށް އަޑުގަދަ ކުރަމުން.
11:21ރައީސްގެ ވާހަކަފުޅު:
ގައުމުގެ މަސްލަހަތަށް ވުރެ އަމިއްލަ މަސްލަހަތު އިސްކުރަން ބަޔަކު ކުރި މަސައްކަތުގެ ސަބުން ރާއްޖޭގެ އިގްތިސާދަށާއި އިޖުތިމާއީ ފޭރާމަށް ލިބުނު ގެއްލުންތައް ވަރަށް ބޮޑު.
11:20ރައީސްގެ ވާހަކަފުޅު:
އަޅުގަނޑުމެންނަކީ އެއް ބައެއް. މިއީ އެހެން ގައުމުތަކަށް ލިބިފައިވާ ނަސީބެއް ނޫން. މިއީ ވަރަށް ބޮޑު ރަހުމަތެއް. މި ރަހުމަތުގެ ބޭނުން އެންމެ އެދެވޭ ގޮތުގައި ބޭނުން ކުރުމަށް އަޅުގަނޑު ގޮވާލަން. އިސްލާމް ދީނަށް ހުރުމަތްތެރިކޮށް ހިތުމާ އެކު ގައުމުގެ މަސްލަހަތު އިސްކޮށްގެން މަސައްކަތްކުރުމަށާއި ސަރުކާރަށް ފުރިހަމަ އެއްބާރުލުން ދެއްވުމަށް އަޅުގަނޑު އެދެން.
11:17ރައީސްގެ ވާހަކަފުޅު:
ކޮމިޝަން ރިޕޯޓްގައި ފާހަކޮށްފައި ވަނީ ހަތަރު ނުކުތާއެެއް. އޭގެ ތެރެއިން ފެބްރުއަރީ 7 ވަނަ ދުވަހު ވެރިކަން ބަދަލުވެފައި ވަނީ ގާނޫނު އަސާސީއާ އެއްގޮތަށް ކަމަށް ރިޕޯޓްގައި ވޭ. ރައީސް ނަޝީދުގެ ވެރިކަން ބަދަލުވެފައި ވަނީ އޭގެ ކުރިން ކުރައްވާފައިވާ ކަންތައްތަކެއްގެ ސަބަބުން ކަމަށް ބުނެފައިވޭ. ރައީސް ނަޝީދު ވެރިކަމުން އިސްތިއުފާ ދެއްވީ އަމިއްލަފުޅު އިހުތިޔާރުގައި ކަމަށް، ރައީސް ނަޝީދު އިސްތިއުފާ ދެއްވުމުގައި އެއްވެސް މަޖޫބޫރެއް ބިރު ދެއްކުމެއް ނެތް.
11:16ރައީސްގެ ވާހަކަފުޅު:
ވެރިކަން ބަދަލުވުމާ މެދު ޚިޔާލު ތަފާތުވުން އުފެދުމުން އަޅުގަނޑު ބޭނުންވީ އެ ކަމަށް ރަސްމީ ޖަވާބެއް ހޯދުމަށް. އެކަން ކުރުމަށްޓަކައި ކޮމިޝަނަށް އަޅުގަނޑު ކަނޑައެޅީ ތައުލީމީ، ގާބިލް ވަރަށް މިނިވަން ބޭފުޅުންކޮޅެއް. ބައިނަލްއަގުވާމީ ލަފަޔާ އެކު ކޮމިޝަނަށް އިތުބާރު ހޯދުމަށް އަޅުގަނޑު އިސްކަން ދިނިން. އެހެންކަމުން ބޭރުގެ ތަޖުރިބާކާރު ފަނޑިޔާރަކާއި ކުރީގެ ރައީސްގެ މަންދޫބެއް ކޮމިޝަނަށް ކަނޑައެޅިން. ސިންގަޕޫރުގެ ފަނޑިޔާރު ސެލްވަމްގެ ޚިދުމަތަށް ދިވެހި ގައުމު ފަޚުރުވެރިވުން ހައްގު. ނަޝީދުގެ މަންދޫބު އަހުމަދު ސައީދަށް ވެސް އަޅުގަނޑު ޝުކުރު ދަންނަވަން.
11:14ރައީސް ވަހީދުގެ ވާހަކަފުޅު
ކޮމިޝަންގެ މެންބަރުންގެ ތެރެއިން ގަހާ ސައީދު ފިޔަވައި އެހެން ހުރިހާ މެމްބަރުން ރައީސް އޮފީހަށް ވަޑައިގެން އަޅުގަނޑަށް ރިޕޯޓްގެ ތަފްސީލް ދެއްވި.
11:13ރައީސް ވަހީދުގެ ވާހަކަފުޅު:
އަޅުގަނޑު މަގާމާ ހަވާލުވީ އޭރުގެ ރައީސް ގާނޫނު އަސާސީގައިވާ ގޮތުގެ މަތިން އިސްތިއުފާދެއްވުމާ ގުޅިގެން. އެއްވެސް ސަބަބަކާ ހުރެ ރައީސްގެ މަގާމް ހުސްވެއްޖެ ނަމަ ހަވާލުވަނީ ނާއިބު ރައީސް ކަމަށް ގާނޫނު އަސާސީގައި ބަޔާންކޮށްފައި ވުމާ އެކު އަޅުގަނޑު ހަވާލުވީ އެ ގޮތުގެ މަތިން. އޭގެ 24 ގަޑިއިރު ނުވަނީސް އެމްޑީޕީން ސަރުކާރުގެ ގާނޫނީ ހައިސިއްޔަތާ މެދު ސުވާލު އުފައްދައި ހަމަނުޖެހުންތައް އުފައްދަން ފެށި. ރައްޔިތުންގެ އިމާރާތްތަކުގައި ހުޅުޖަހައި ގައުމުގެ އަމަންއަމާން ކަން ނަގާލައި ބޮޑެތި ގެއްލުންތައް ދިން. އެ ގެއްލުންތައް ސަތޭކަ އެތައް މިލިއަން ރުފިޔާ އަކުން ގުނާލެވޭ. ގާނޫނުއަސާސީއާ ޚިލާފް އެއްވެސް ކަމެއް ނުހިންގާނެ ކަމުގެ ޔަގީން ކަން އަޅުގަނޑު އެރުވިން. ޝަރީއަތްތަކަށް ނުފޫޒު ނުފޯރުވާނެ ކަމުގެ ޔަގީންކަން އެރުވިން. އަޅުގަނޑުގެ އަޒުމަކަށްވީ ރައްޔިތުންނަށް ހަމަހަމަ ކަމާއި އިންސާފުވެރިކަމާ އެކު ކަންތައް ކޮށްދިނުން އަދި ގާނޫނާ ޚިލާފްވާ ފަރާތްތަކާ މެދު ފިޔަވަޅު އަޅައި އަދަބު ދިނުން. މިއަދު ވެސް މި ހުރީ އެ އަޒުމުގައި.
11:12
ކޯނީގެ ރިޕޯޓް އިއްވުމުގެ ކުރިން ކުރީގެ ރައީސް މުހައްމަދު ނަޝީދު އުސްފަސްގަނޑު ދޫކުރައްވައި ވަޑައިގެންފި. އެމްޑީޕީގެ އިސްވެރިން އުސްފަސްގަނޑުގައި އެބަތިއްބެވި.
11:07
ކޯނީގެ ރިޕޯޓު އިނގިރޭސި ބަހުން އެކޮމިޝަންގެވެބްސައިޓުގައިއާންމު ކޮށްފި
11:05
ރައީސް ވަހީދު ގައުމާ މުހާތަބު ކުރައްވަން ފައްޓަވައިފި.
11:03
އުސްފަސްގަނޑުގައި އޮތީ ޓީވީ ބެލުން، ރައީސް ނަޝީދު ވެސް ހުންނެވީ ޓީވީ ބައްލަވަން، އެމަނިކުފާނުގެ އަރިހުގައި ޕާޓީގެ އިސް ބައެއް ވެރިން ވެސް އެބަތިއްބެވި.
10:58
ކޯނީގެ ރިޕޯޓާ ގުޅިގެން މީޑިއާއަށް ބަޔާން ދެއްވާއިރު ރާއްޖެޓީވީ ބައިވެރިނުކުރާ މައްސަލަ އެމްޑީޕީން ކުށްވެރިކޮށް ބަޔާނެއް ނެރެފި. އެމްޑީޕީން ބުނީ ރާއްޖެޓީވީ އަކީ ބްރޯޑްކާސްޓް ކުރުމުގެ ލައިސަންސް ލިބިފައިވާ ޓީވީ ޗެނަލަކަށްވާއިރު، އެހެން މީޑިއާތަކެކޭ އެއްފަދައިން އެ ޓީވީ ޗެނަލަށް ވެސް ރައީސް އޮފީހުގައި ބާއްވާ ނޫސްވެރިންގެ ބައްދަލުވުންތަކަށް ވެސް ގަވައިދުން ދައުވަތުދޭން ޖެހޭނޭ ކަމަށާއި، ނޫސްވެރިންނަށް ހަމަހަމަ ފުރުސަތު ނުދެވޭނަމަ ހަބަރާއި މައުލޫމާތު ހޯދުމުގައި ހަރަކާތްތެރިވާ ނޫސްވެރިން ފަސްޖެހި، އެކަމުގެ ސަބަބުން ރައްޔިތުންނާ ހަމައަށް ތެދު މައުލޫމާތު ފޯރުކޮށްދިނުމުގައި ހުރަސްތައް ކުރިމަތިވަމުން ދާނޭ ކަމަށް ގަބޫލުކުރާ ކަމަށް.
10:58
Ministers attented to the hall.twitter.com/MvPressCenter/…
— MvPressCenter (@MvPressCenter)August 30, 2012
10:52
ވެރިކަން ބަދަލުވީ ގާނޫނު އަސާސީއާ އެއްގޮތްވާ ގޮތުގެ މަތީން ކަމަށް ސަން އަށް ކަށަވަރު ވެއްޖެ. ރިޕޯޓްގައި ވަނީ ހަތަރު ނުކުތާއެއް.
10:50
10:48
ކެބިނެޓް މީޓީން ނިމުމާއެކު ވަޒީރުންނާއި ނައިބު ރައީސާއި ޕާޓީތަކުގެ ވެރިން ވަނީ ޕްރެސް މާލަމަށް ވަޑައިގެންފައި.
10:35
Cabinet meeting is goin on now. and the statement will be addresed after half and hour. - Abas Adil Riza
#maldivestwitter.com/MvPressCenter/…— MvPressCenter (@MvPressCenter)August 30, 2012
10:28ރައީސް އޮފީހުން
ކެބިނެޓް މީޓިންއާއެކު ރައީސް ގެންދަވަނީ ސިޔާސީ ޕާޓީތަކުގެ ލީޑަރުންނާ ވެސް ބައްދަލު ކުރައްވަމުން. އޭގެ ފަހުން ރައީސް ކޯނީ ރިޕޯޓްގެ ހުލާސާއެއް ހިމެނޭ ގޮތަށް ގައުމާ މުހާތަބުކުރައްވާނެ އަދި އަދި ކޯނީގެ ގަރާރު އުވާލައްވާނެ. އޭގެ ފަހުން ނޫސްވެރިންނަށް މައުލޫމާތު ދެއްވާނީ ރައީސާއި ބަންޑާރަ ނައިބާއި ބައެއް އެހެން ވަޒީރުން.
10:20އުސްފަސްގަނޑުން
ކުޑައިރުކޮޅެއްގެ ތެރޭގައި ރިޕޯޓް ނެރޭއިރު އެމްޑީޕީގެ ސިޔާސީ ހަރަކާތްތައް ހިންގާ އުސްފަސްގަނޑުގައި ރިޕޯޓް އަޑު އެހުމަށް ކުރީގެ ރައީސް މުހައްމަދު ނަޝީދާއި އެމްޑީޕީގެ އިސް ބައެއް އެހެން ލީޑަރުން ވެސް އެބަތިއްބެވި. އެމްޑީޕީން ބުނީ އެ ޕާޓީގެ ލީޑަރުންނާއި މެންބަރުން ރިޕޯޓް އަޑުއެހުން އޮތީ އުސްފަސްގަނޑުގައި ކަމަށް.
10:14
ކޯނީގެ ރިޕޯޓާ ގުޅިގެން ރައީސް އޮފީހުގައި ބާއްވާ ބައްދަލުވުމަށް ރާއްޖެ ޓީވީ ނުވެއްދި ކަމަށް އެ ސްޓޭޝަނުން ދެންމެއަކު ވަނީބ ބުނެފައި.
10:11
މި ވަގުތު ކެބިނެޓް މީޓީންއެއް ކުރިޔަށް ދަނީ އޭގެ ފަހަށް ތައްޔާރުކޮށްފައިވާ ނޫސްވެރިންގެ ބައްދަލުވުމަށް ވަނީ ތައްޔާރުވެފައި.
10:05ރައީސް އޮފީސް:
ރައީސުލްޖުމްހޫރިއްޔާގެ ޤަރާރަކުން އުފައްދަވާފައިވާ "ކޮމިޝަން އޮފް ނެޝަނަލް އިންކުއަރީ"ގެ މަސައްކަތް ނިންމަވައި އެ ކޮމިޝަނުގެ ރިޕޯޓް، ރައީސުލްޖުމްހޫރިއްޔާ ޑރ. މުޙަންމަދު ވަޙީދަށް މިއަދު އަރުވައިފި. މި ރިޕޯޓު ރައީސުލްޖުމްހޫރިއްޔާއަށް އެރުވީ، ކޮމިޝަންގެ ކޯޗެއާ ސިންގަޕޫރުގެ ސުޕްރީމް ކޯޓުގެ ކުރީގެ ފަނޑިޔާރު ޖަސްޓިސް ޖީ. ޕަންނިރު ސެލްވަމްއެވެ.
މިކަމަށްޓަކައި މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތުގައި، މި ރިޕޯޓުގައި ހިމެނޭ މައިގަނޑު ކަންތައްތަކުގެ ތަފްޞީލު، އެބޭފުޅުން ރައީސުލްޖުމްހޫރިއްޔާއަށް އެރުވި. ރައީސުލްޖުމްހޫރިއްޔާގެ ވާހަކަފުޅުގައި، ކޮމިޝަންގެ މެންބަރުން ކޮށްދެއްވި ބުރަ މަސައްކަތްތައް ފާހަގަކުރައްވައި އެބޭފުޅުންނަށް ޝުކުރު އަދާކުރެއްވި.
މިކަމަށްޓަކައި މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތުގައި، މި ރިޕޯޓުގައި ހިމެނޭ މައިގަނޑު ކަންތައްތަކުގެ ތަފްޞީލު، އެބޭފުޅުން ރައީސުލްޖުމްހޫރިއްޔާއަށް އެރުވި. ރައީސުލްޖުމްހޫރިއްޔާގެ ވާހަކަފުޅުގައި، ކޮމިޝަންގެ މެންބަރުން ކޮށްދެއްވި ބުރަ މަސައްކަތްތައް ފާހަގަކުރައްވައި އެބޭފުޅުންނަށް ޝުކުރު އަދާކުރެއްވި.
10:01
ކޯނީގެ ރިޕޯޓް ނެރޭއިރު މާލެތެރޭގައި ވަނީ ސަލާމާތީ ފިޔަވަޅުތައް ވަރުގަދަކޮށްފައި. ރައީސް އޮފީސް ސަރަހައްދުގައި ވެސް ވަނީ ފިޔަވަޅުތައް އަޅައި ސަލާމަތީ ފިޔަވަޅުތައް ވަރުގަދަކޮށްފައި.
09:56
ރިޕޯޓް ރައީސާ ހަވާލުކޮށްފައި ވަނީ 9:30 ގައި ކޮމިޝަންގެ މެންބަރުން ރައީސް އޮފީހަށް ވަޑައިގެން. ރިޕޯޓް އާންމު ކުރުމަށް ބާއްވާ ހާއްސަ ބައްދަލުވުން ކުޑައިރުކޮޅެއްގެ ތެރޭގައި ފަށާނެ.