17 Dec 2025, 22:11
މާލޭގެ މޭޔަރުކަމަށް، ކުރީގެ ރައީސް އަބްދުﷲ ޔާމީން އަބްދުލްގައްޔޫމުގެ ޕާޓީ ޕީއެންއެފުން ވާދަކުރައްވާނީ، ނެޝަނަލް ޓެންޑާ ބޯޑުގެ ކުރީގެ ޗެއާމަން އަދި ކުރީގެ މަޝްހޫރު ފުޓްބޯޅަކުޅުންތެރިޔާ އިސްމާޢީލް ޒަރިޔަންދު ކަމަށް އެ ޕާޓީން މިރޭ ހާމަކޮށްފިއެވެ.
އާޓިފިޝަލް ބީޗުގައި ޕީއެންއެފުން "ރީސެޓް"ގެ ނަމުގައި ބާއްވަމުން
ޒަރިޔަންދު ވިދާޅުވީ މިއީ މުޅި މާލޭ ސަލާމަތްކުރުމަށް މުޅި މާލޭގެ އިދާރީ އިންތިޒާމުތައް ތަރުތީބުކުރުމަށް ކުރާ މަސައްކަތެއް ކަމަށެވެ. އަދި މި ކަމަށް ޓަކައި ހިތްވަރު ދެއްވީ ޔާމީން ކަން ފާހަގަކުރައްވައި އެ މަނިކުފާނަށް ޝުކުރު އަދާކުރައްވާ ކަމަށް ޒަރިޔަންދު ވިދާޅުވިއެވެ.
ޒަރިޔަންދު ވިދާޅުވީ އޭނާ އަބަދުވެސް ދެމި ހުންނާނީ މާލޭ ރައްޔިތުންގެ ޚާދިމެއްގެ ގޮތުގައި ކަމަށެވެ. އަދި މި ކަމަށް ކުރިމަތިލަނީ ސިޔާސީ "ބޮޑުގޮނޑި"އަކަށް އަރަން ނޫން ކަމަށާއި، މާލެ ތަހުޒީބުކުރަން ކަމަށް ޒަރިޔަންދު ވިދާޅުވިއެވެ.
"އަޅުގަނޑު މާލޭ ސިޓީ ކައުންސިލްގެ މޭޔަރުކަމުގެ މަސްއޫލިއްޔަތާ ހަވާލުވާން ކުރިމަތި މި ލީ މި މާލެއަށް ދިމާވެފައިވާ މައިގަނޑު މައްސަލަތަކާއި، މާލޭގެ ރައްޔިތުންނަށް ލިބެންޖެހޭ އިގްތިޞާދީ އިޖްތިމާއީ ކުރިއެރުމަށް ހުރި ގޮންޖެހުންތައް އެނގޭ މީހަކަށް ވާތީ މި މާލޭގެ ރައްޔިތުންގެ ހައްގުތައް ކަށަވަރުކުރުމަށް ކަންކުރަންޖެހޭނޭ ގޮތުގެ ފަންނީ ހަމަތައް ދަންނަ އަދި ހައްލުކުރަން އެނގޭ މީހެއްކަން ކަށަވަރުވާތީ،" އޭނާ ވިދާޅުވިއެވެ.
ޒަރިޔަންދު ވިދާޅުވީ އޭނާ ވިސްނާނީ "މާލޭ މީހާ"ގެ ވިސްނުމުން ކަމަށެވެ.