11 Dec 2025, 23:59
މި ސަރުކާރުން އެހެން ސަރުކާރަކަށް ވުރެ މަސްވެރިންނަށް އަޅާލާނެ ކަމަށް ވިދާޅުވި ނަމަވެސް، މަސްވެރިންގެ ޝަކުވާތައް އަޑު އަހާލަން ސަރުކާރަށް ނުކުރެނު ކަމަށް ވިދާޅުވެ، ރައީސް ޑރ. މުޙައްމަދު މުޢިއްޒު މަސްވެރިންނަށް ދެއްވީ އަނިޔާވެރި ހަދިޔާއެއް ކަމަށް، ކުރީގެ ރައީސް ޢަބްދުالله ޔާމީން މިރޭ ވިދާޅުވެއްޖެއެވެ.
ޔާމީން މިފަދައިން ވިދާޅުވީ، ސަރުކާރުން މަސްވެރީންނަށް ވީ ވައުދު ނުފުއްދާ ކަމަށް ބުނެ ބޮޑު ކަންނެލި މަސްވެރިންގެ ޔޫނިއަނުން މާލެ ކައިރީގައި ކުރި އިހުތިޖާޖު ރޫޅާލައި، އެ ޔޫނިއަންގެ ސެކްރެޓަރީ ޖެނެރަލް އަދި ރައްޔިތުންގެ މަޖިލީހުގެ ކެންދޫ ދާއިރާގެ އެމްޑީޕީ މެންބަރު މައުރޫފް ޒާކިރާއި އިތުރު ދެ މީހަކު ހައްޔަރުކޮށް، ތިން ދޯންޏެއް ފުލުހުންގެ ބެލުމުގެ ދަށަށް ގެންދިއުމާ ގުޅިގެންނެވެ.