29 Nov 2025, 17:42
އައިކެއާ އޮޕްޓިކަލްސްއިން އައިނު ހައްދައިގެން ނަސީބުވެރި ދެ މީހުންނަށް އުމްރާ ދަތުރު ލިބޭ ޕްރޮމޯޝަނެއް އިއުލާންކޮށްފިއެވެ.
އައިކެއާއިން ބުނީ މި ޕްރޮމޯޝަން އެ ކްލިނިކުން ހުޅުވާލާފައިވަނީ ކުރިއަށް އޮތް ސްކޫލު ޗުއްޓީއާ ދިމާކޮށް ކަމަށެވެ.
މި ޕްރޮމޯޝަންގެ ދަށުން އައިކެއާއިން ކުރާ ކޮންމެ 1,000 ރުފިޔާގެ ވިޔަފާރިއަކަށް ކޫޕަނެއް ލިބޭނެ ކަމަށް އައިކެެއާއިން ބުންޏެވެ. އެގޮތުން، ކަސްޓަމަރަށް ލިބޭ ކޫޕަން ފުރިހަމަ ކުރުމަށްފަހު، އައިކެއާގެ އައުޓްލެޓްގައި ކަނޑައަޅާފައިވާ އެންޓްރީ ބޮކްސްއަށް ކޫޕަން ލުމުން، މި ޕްރޮމޯޝަންގެ ލަކީޑްރޯގައި ބައިވެރިވެވޭނެ ކަމަށް އައިކެެއާއިން ބުންޏެވެ.
ލަކީޑްރޯގެ އިތުރުންވެސް, އައިކެއާގެ ފިހާރައިގެ ޕްރޮމޯޝަންތަކެއް ވެސް ކުރިއަށްދާ ކަމަށް އައިކެެއާއިން މައުލޫމާތުދީފައިވެއެވެ. އެގޮތުން ބައެއް ބްރޭންޑުތަކުން 30 އިންސައްތައާ ހަމައަށް ޑިސްކައުންޓު، އަދި 3,000 ރުފިޔާއަށްވުރެ މަތިން ހައްދާ ކޮންމެ އައިނަކާއެކު، ބޯނަހެއްގެ ގޮތުގައި 500 ރުފިޔާގެ ގިފްޓް ވައުޗަރެއް ލިބޭނެ ކަމަށް އައިކެއާއިން ބުންޏެވެ.
މި ވައުޗަރަކީ، އާއިލާއާއި ރައްޓެހި ރަޙްމަތްތެރިންނަށް ހަދިޔާކުރެވޭނެ ވައުޗަރެއް ކަމަށް ވެސް އައިކެއާއިން ބުންޏެވެ.
އައިކެއާއިން ބުނާ ގޮތުގައި ރާއްޖޭގެ އެކި ކަންކޮޅުތަކުގައި ގާއިމުކޮށްފައިވާ އައިކެއާ އޮޕްޓިކަލްސްގެ ކޮންމެ އައުޓްލެޓަކުންވެސް މި ޕްރޮމޯޝަންގައި ބައިވެރިވުމުގެ ފުރުސަތު ލިބޭނެއެވެ.
އިއްޔެ ފެށި މި ޚާއްޞަ ޕްރޮމޯޝަން ކުރިއަށްދާނީ ޖަނަވަރީ 31ގެ ނިޔަލަށް ކަމަށް އައިކެއާއިން ބުންޏެވެ. އަދި، މި ޕްރޮމޯޝަންގެ ގްރޭންޑް ލަކީ ޑްރޯ ބޭއްވުމަށް ހަމަޖެހިފައިވަނީ އަންނަ އަހަރުގެ ފެބުރުވަރީ މަހުގެ ފުރަތަމަ ހަފުތާ ތެރޭގައި ކަމަށްވެސް އައިކެެއާއިން ބުންޏެވެ.
އައިކެއާއަކީ ދިވެހިރާއްޖޭގައި ދުނިޔޭގެ ފެންވަރުގެ ލޮލުގެ ފަރުވާ ދިނުމާއި، ކޮލިޓީ އައިނާއި އެހެނިހެން ލޮލުގެ ޚިދުމަތްތައް ފޯރުކޮށްދޭ، އިތުބާރު ހުރި ކުންފުންޏެކެވެ.