ރެއާލް މެޑްރިޑުގެ ކޯޗު ޒަބީ އެލޮންސޯއާ ދެމެދު ކޯޅުން ބޮޑުވެ, އެންމެފަހުން ކުލަބު ދޫކޮށްލާނެ ކަމުގެ އިންޒާރު ދީފިއެވެ.

މީޑިއާ ރިޕޯޓުތައް ބުނާގޮތުން ކޯޗާއި ވިނީޝިއަސް މައްސަލަ ޖެހުނީ ފުރަތަމަ އެގާރައިން ވިނީޝިއަސްއަށް ފުރުސަތު ނުދޭން ފެށި ހިސާބުންނެވެ. އެއަށްފަހު ވިނީޝިއަސް ދަނީ އެކި މަންސަތަކުގައި ބޮޑާހާކަމުންނެވެ.

އުމުރުން 25 އަހަރުގެ ވިނީޝިއަސް އާއެެކު ރެއާލް މެޑްރިޑް ހަދާފައިވާ އެއްބަސްވުން ހަމަވާނީ 2027 ގައެވެ. އޭގެކުރިން ކުލަބު ދޫކޮށްލާނެކަމަށް ބުނެ އޭނާ ިމހާރު ދަނީ ވާހަކަދައްކަމުންނެވެ. އެކަން ނުވެއްޖެނަމަ އެއްބަސްވުން އާނުކުރާނެކަމަށް ވެސް އޭނާ ވަނީ ބުނެފައެވެ.

މައްސަލަ އެންމެބޮޑަށް ހިލުނީ ބާސެލޯނާއާ ދެކޮޅަށް ރެއާލް މެޑްރިޑުން ކުޅުނު މެޗުގައި ވިނީޝިއަސް ބަދަލުކުރި ހިސާބުންނެވެ. މެޗުގެ ދެވަނަ ހާފުގައި ވިނީޝިއަސް ބަދަލު ކުރުމާއެކު އޭނާ ވަނީ ދަނޑުން ފައިބަމުން އަބަދުވެސް ބަދަލުކުރަނީ ކަމަށްބުނެ ބޮޑާހާކާފައިވެއެވެ.

އަލޮންސޯގެ ކޯޗުކަމުގެ ދަށުން ވިނީޝިއަސް ބޮޑަށް ބޭނުންކުރަނީ ބެންޗުން އަރާ ކުޅުންތެރިއެއްގެ ގޮތުގައެވެ. ނުވަތަ މަދު ވަގުތުކޮޅެއް ދަނޑުމަތިގައި ހޭދަކުރާ ކުޅުންތެރިއެއްގެ ގޮތުގައެވެ.

އެންމެފަހުން ކުޅުނު އެލް ކްލަސިކޯ މެޗުގައި ބަދަލުކުރުމުން ދަނޑުމަތިން ފެށިގެން ޗޭންޖިން ރޫމާ ހަމައަށް އޭނާ ދިޔައީ ކުދި ކިޔަމުންނެވެ. ދެން އެންމެ ރަނގަޅު ވާނީ އޭނާ ޓީމުން ދިޔުން ކަމަށް ބުނި ނަމަވެސް ފަހުން ވިނީޝިއަސް ވަނީ އެކަމަށް ސަޕޯޓަރުންގެ ކިބައިން މައާފަށް އެދިފައެވެ.

ވިނީޝިއަސްގެ މި ބޮޑާހޭކުންތަކާއެކު ސައުދީގެ މުއްސަނދި ކުލަބުތަކުން ވަނީ އޭނާ ހޯދުމުގެ މަސައްކަތް ފަށާފައެވެ.