މެގަފޯން ބޭނުންކޮށްގެން އަޑުގަދަ ކުރާ ނަމަ މެގަފޯން އަތުލާނެ ކަމުގެ އިންޒާރު ދިނުމުން މުޒާހަރާގެ ބައިވެރިިން އަޑުގަދަ ކުރާ ބޭނުން ހުއްޓާލައިފި. ފުލުހުން ފަހުގެ އިންޒާރުދީ މެގަފޯން ބެނުން ނުކުރުމަށް އެންގީ، އެ ސަރަހައްދަކީ ގިނަ ބަޔަކު އުޅޭ ސަރަހައްދެއް ކަމަށް ބުނެ، އަދި މީހުންނަށް ނިދުމަށް އުނދަގޫ ވާނެ ކަމަށް ބުނެ.

މުޒާހަރާ ކޮންޓްރޯލް ކުރުމަށް ޗަންދަނީމަގު ފްރެސްއެއާ ކައިރީގައި ފުލުހުން ޖަހާފައި ހުރި ބެރިކޭޑްތައް މުޒާހަރާގެ ބައިވެރިންގެ ތެރެއިން ބަަޔަކު ގެންގޮސް އެެމްޑީޕީގެ މުޒާހަރާގެ ތެރެއަށް ވެއްދުމާ ގުޅިގެން އެބެރިކޭޑްތައް އަނބުރާ ގެނެސް ހުރިތަނެއްގައި ބެހެއްޓުމަށް ފުލުހުން އަންގައިފި އެވެ.

އެމްޑީޕީގެ މުޒާހަރާގައި އަޑުގަދަ ބޭނުންކުރާ ބޭނުން ނުކުރުމަށް ފުލުހުން ތަކުރާރުކޮށް އެދެން ފަށައިފި. އެސަރަހައްދަކީ އާއްމު ރައްޔިތުން ދިރިއުޅެމުން އަންނަ ސަރަހައްދަކަށްވާތީ 12 ޖެހުމަށްފަހު އެސަރަހައްދުގައި އަޑުގަދަ ކުރާ ބޭނުން ނުކުރުމަށް ފުލުހުން ގެންދަނީ ތަކުރާރުކޮށް އިންޒާރު ދެމުން.

ފުލުހުންނަށް ނުކިޔަމަންތެރިކަން ދެއްކި ހަތަރު ވަރަކަށް މީހުން ހައްޔަރުކޮށްފި ކަމަށް ރިޕޯޓްތައް ބުނެ އެވެ. ނަމަވެސް ފުލުހުން ބުނީ އަދި މިހާތަނަށް ހައްޔަރު ކުރީ ދެ މީހުން ކަމަށެވެ.