20 Dec 2024, 23:39
ނޮވެލްޓީ ބުކްފެއާއިން ގުރުއަތުން ހޮވުނު ފަރާތަށް 200،000 ރުފިޔާގެ ފައިސާގެ އިނާމު އިއްޔެ ހަވާލުކޮށްފިއެވެ.
ނޮވެލްޓީ ބުކްފެއާ ކުރިޔަށް ގެންގޮސްފައިވަނީ ދަރުބާރުގޭގައި މިދިޔަ އޮކްޓޫބަރު 10އިން 26އަށެވެ. ބުކްފެއާއަށް ވަރަށް ރަނގަޅު ތަރުހީބެއް ލިބުނުކަމަށް ނޮވެލްޓީން ވަނީ ބުނެފައެވެ.
ބުކްފެއާއިން ފައިސާގެ އިނާމު ލިބޭ ފަރާތް ހޮވުމަށް ގުރުއަތު ނަގާފައިވަނީ މިދިޔަ ނޮވެންބަރު 30ގައި ސަންގު ޓީވީގައި ލައިވްކޮށެވެ.
އެއަށްފަހު ގުރުއަތުން ހޮވުނު ނަސީބުވެރި ފަރާތް، އިބްރާހީމް ޝަފީގާ 200،000 ރުފިޔާގެ ފައިސާގެ އިނާމު ހަވާލުކޮށްފައިވަނީ އިއްޔެ ސޮލައިޓު ރެސްޓޯރެންޓުގައެވެ.
ނޮވެލްޓީ ބުކްޝޮޕްގެ ބުކްފެއާ މި އަހަރު މި ފެށީ 2019ވަނަ އަހަރު ކޮވިޑު-19އާ ގުޅިގެން ހުއްޓައިލިތާ ފަސް އަހަރަށް ފަހުގައެވެ.
މި ބުކްފެއާ މި އަހަރު ކުރިޔަށް ގެންދިޔައީ 25،000 ތަފާތު ޓައިޓަލްތަކުގެ 185،000 އަށްވުރެ ގިނަ ފޮތާ އެކުގައެވެ.