14 Dec 2024, 23:48
އިންގްލިޝް ޕްރިމިއާ ލީގުގައި ތާވަލްގެ އެއްވަނައިގާ އުޅޭ ލިވަޕޫލް އާއި ފުލަމް ބައްދަލުކުރި މެޗު އެއްވަރުވެގެން ނިމިއްޖެއެވެ.
ލިވަޕޫލްގެ ދަނޑުގައި ކުޅުނު ނިމުނީ 2-2 އިން ދެ ޓީމު އެއްވަރު ވެގެންނެވެ. ދެ ޓީމުގެ ފަރާތުން ވާދަވެރި އަދި ފޯރިގަދަ ކުޅުމެއް ފެނިގެންދިޔަ ގައި ގިނައިރު ބޯޅަ ގެންގުޅެ ގިނަ ހަމަލާ އުފައްދާފައިވަނީ ލިވަޕޫލްއިންނެވެ. ނަމަވެސް ގެ ފެށުން ރަނގަޅުވީ ފުލަމްގެއެވެ. މިގޮތުން މެޗުގެ 11 ވަނަ މިނެޓުގައި އެޓީމުން އުފެއްދި ހަމަލާއެއްގައި ފުލަމްއިން ވަނީ މެޗުގެ ފުރަތަމަ ލަނޑު ޖަހާ މެޗުގެ ލީޑު ނަގައިފައެވެ.
މި ލަނޑު އެ ޓީމަށް ކާމިޔާބު ކޮށްދިނީ އެންޑްރިއާސް ޕެރޭރާއެވެ. މި ލަނޑާއެކު ލިވަޕޫލަށް ސިހުން ލިބިގެންދިޔައިރު އެ ޓީމުން މެޗުގެ ތެރެއަށް ވަނުމަށް ކުރަމުންދިޔަ މަސައްކަތަށް އިތުރަށް ހުރަސް އެޅިގެންދިޔައީ ފުލަމްއިން ލީދު ނެގިތާ ހަ މިނެޓް ފަހުން ލިވަޕޫލްގެ ޑިފެންޑާ އެންޑީ ރޮބާޓްސަން ފުލަމްގެ ހެރީ ވިލްސަންއަށް ލަނޑު ޖަހަން ލިބުނު ފުރުސަތެއްގައި ފައުލް ކުރުމާއި ގުޅިގެން ރަތް ކާޑު ދެއްކުމުންނެވެ.
މިއާއެކު މެޗުގެ ބޮޑުބައި ލިވަޕޫލިން ކުޅެފައިވަނީ އެއް ކުޅުންތެރިއެއް މަދުކޮށެެވެ. ނަމަވެސް މިއާއެކުވެސް މިހާފުގައި ދެން ފެނިގެންދިޔައީ ލިވަޕޫލްއިން އާ ހިތްވަރަކާއެކު ލަނޑެއް ޖެހޭތޯ މަސައްކަތް ކުރަމުންދިޔަ ތަނެވެ. ނަމަވެސް ފުރަތަމަ ހާފު ނިމިގެންދިޔައި މިނަތީޖާގައި އޮވެގެންނެވެ.
ދެވަނަ ހާފު ލިވަޕޫލް އިން ފެށީ ފުރަތަމަ ހާފު ނިންމާލި ހިސާބުންނެވެ. މިގޮތުން ދެވަނަ ޙާފުގެ ކުޅުން ފެށިތާ ދެވަނަ މިނެޓުގައި ކޯޑީ ގަކްޕޯ ޖަހައިދިން ލަނޑުން ލިވަޕޫލްއިން މެޗުގެ ނަތީޖާ ހަމަހަމަކޮށް މެޗުން ނަތީޖާއެއް ނެރުމަށް ކުރަމުންދިޔަ އުންމީދު އާކުރިއެވެ.
ދެން ފެނުނީ ފުލުފުލުގައި ލިވަޕޫލްއިން ހަމަލާ އުފައްދަމުންދިޔަ ތަނެވެ. ނަމަވެސް އެހަމަލާތައް ލަނޑަކަށް ބަދަލުކުރެވޭގޮތެއްނުވިއެވެ. މިއާއެކު ފުލަމްއިން ކޮންމެވެސް ވަރަކަށް ކޮންޓްރޯލް އަތުލާ ލިބޭ ފުރުސަތުތަކުގައި ކައުންޓާ އެޓޭކް ކުރެވޭތޯ މަސައްކަތް ކުރަމުންދިޔައެވެ.
އަދި އެ ޓީމުން އުފައްދަމުންދިޔަ ހަމަލާތަކުގެ ނަތީޖާ އަކަށް ވެގެންދިޔައީ މެޗުގެ 76 ވަނަ މިނެޓުގައި ބަދަލު ކުޅުންތެރިޔާ ރޮޑްރިގޯ މުނީޒް ލަނޑެއް ޖަހާ ފުލަމްއަށް ގައި ދެވަނަ ފަހަރަށް ލީޑު ނަގައިދިނުމެވެ. މިލަނޑާއެކު ލިވަޕޫލްގެ ހިތްވަރަށް ކޮންމެވެސް ވަރެއްގެ އަސަރު ތަކެއް ކުރިތަން ފެނިގެންދިޔަ ނަމަވެސް މެޗު ނިމެން ގާތް ވަމުންދިޔަ ވަރަކަށް އެޓީމަށް ލިބެމުންދިޔަ އިތުބާރު އިތުރުވެ ލަނޑެއް ޖެހުމަށް ކުރަމުންދިޔަ މަސައްކަތް އިތުރު ކުރިއެވެ.
މިގޮތުން މެޗުގެ ފުރިހަމަ ވަގުތު ހަމަވާން ހަތަރު މިނެޓަށް ވެފައިވަނިކޮށް ބަދަލު ކުޅުންތެރިޔާ ޑިއޮގޯ ޖޮޓާ ލަނޑެއް ޖަހާ މެޗުގެ ނަތީޖާ ހަމަހމަ ކުރުމެވެ. މިއީ މިއަހަރުގެ އޮކްޓޯބަރު މަހު އަނިޔާވި ޖޮޓާ ކުޅުމުގެ ތެރެއަށް އެނބުރި އައިސް ކުޅުނު ފުރަތަމަ މެޗެވެ.
މިނަތީޖާ އާއެކު ލިވަޕޫލް މިހާރު މިވަނީ ލީގުގައި ޖެހިޖެހިގެން ދެވަނަ މެޗު އެއްވަރުވެފައެވެ. އެހެން ކަމުން އެޓީމު މިހާރު އެއްވަނައިގާ އުޅެނީ 36 ޕޮއިންޓާއެކުއެވެ. އަދި ތާވަލްގެ ދެވަނައިގާ އުޅޭ ޗެލްސި މިހަފްތާގައި ކުޅޭ މެޗު ކާމިޔާބު ކޮށްފި ނަމަ މި ފަރަގު ދެ ޕޮއިންޓަށް ކުޑަވެގެންދާނެއެވެ. އަދި ފުލަމް އުޅެނީ 24 ޕޮއިންޓާއެކު ތާވަލްގެ ނުވަވަނައިގައެވެ.