އެމްއެންޑީއެފުން ބުނީ، އަލިފާނުގެ ހާދިސާ ހިނގި އިމާރާތް ވަރަށް ބޮޑަށް އަނދާ ހުލިވެފައިވާ ކަމަށް. އެ އިމާރާތުގެ 90 އިންސައްތަ އަލިފާން މިހާރު ނިއްވައިލެވިފައިވާ ކަމަށް ސިފައިން ބުނި.

ސިފައިން ބުނީ، ގްރީން ބިލްޑިންގެ ދެވަނަ އަދި ތިންވަނަ ފަންގިފިލާގައި ވެސް އަދިވެސް އަލިފާން ރޯވެފައިވާ ކަމަށް.

ހިރިޔާ ސްކޫލާއި، ޣިޔާސުއްދީން ސްކޫލާއި، ތާޖުއްދީން ސްކޫލާއި، ފަލާހް ޕްރީ ސްކޫލުގެ ހެނދުނުގެ ދަންފަޅި ވަނީ ކެންސަލްކޮށްފައި.

އެންޑީއެމްއޭއިން ބުނީ، މެންދުރު ފަހު ދަންފަޅީގައި އެ ސްކޫޅުގައި ކިޔަވައިދެވޭތޯ މަސައްކަތްކުރާނެ ކަމަށް.

އެންޑީއެމްއޭއިން ބުނީ، އަލިފާނުގެ ހާދިސާއާ ގުޅިގެން ސޯޝަލް ސެންޓަރުގައި ހުރި އިވެކުއޭޝަން ސެންޓަރަށް ދިޔަ މީހުންނަށް އެހީތެރިވުމުގެ މަސައްކަތްކުރަމުން އަންނަ ކަމަށް.

މިނިސްޓްރީގެ އިމާރާތުގެ ކުރިމަތީގައި ހުރި އިމާރާތްތަކުގެ ބިއްލޫރިތައް ހުރީ ތެޅިފައި.

އެ ތަންތަން ހުރީ މީހުންނަށް ބަދަލުވެވޭ ހާލަތުގައިތޯ ބަލައި، އެ މީހުން އެ ތަންތަނަށް ބަދަލުކުރުމުގެ މަސައްކަތް ކުރާނެ ކަމަށް އެންޑީއެމްއޭއިން ވަނީ ބުނެފައި.

ހާދިސާއާ ގުޅިގެން ކޮންސްޓްރަކްޝަން މިނިސްޓްރީގެ އާންމު ޚިދުމަތްތައް ވެސް ވަނީ ހުއްޓިފައި.

ޚިދުމަތް ދޭން އަލުން ފެށޭނެ ތާރީޚެއް އިއުލާނުކުރާނެ ކަމަށް މިނިސްޓްރީން ވަނީ ބުނެފައި.

މި ހާދިސާ ހިނގަން މެދުވެރިވި ސަބަބެއް މިހާތަނަށް ސާފުވެފައެއް ނުވޭ.

ފާހަގަކޮށްލެވޭ ގޮތުގައި އަލިފާނުގެ ހާދިސާ ހިނގި އިމާރާތަކީ ހައުސިން މިނިސްޓްރީގެ އިތުރުން، އިންފްރާސްޓްރަކްޗާ މިނިސްޓްރީއާއި އެންވަޔަރަމަންޓް މިނިސްޓްރީ ވެސް ހިންގާ އިމާރާތް.

ހައުސިން މިނިސްޓްރީ ހިންގާ އިމާރާތުގައި ރޯވެގެން ސިފައިން ހަރަކާތްތެރިވަނީ -- ފޮޓޯ/ އެމްއެންޑީއެފް

ހައުސިން މިނިސްޓްރީގައި ހިންގާ އިމާރާތުގައި ރޯވެގެން ސިފައިން ހަރަކާތްތެރިވަނީ -- ފޮޓޯ/ އެމްއެންޑީއެފް

ހާދިސާގެ ސަބަބުން ގެދޮރުވެރިޔާ ސްކީމާ ގުޅޭ އެއްވެސް މައުލޫމާތަކަށް އަސަރެއް ނުކުރާނެ: މިނިސްޓްރީ

މި ހާދިސާއާ ގުޅިގެން ގެދޮރުވެރިޔާ ސްކީމްގެ އެއްވެސް މައުލޫމާތަކަށް އެއްވެސް އަސަރެއް ނުކުރާނެ ކަމަށް ހައުސިން މިނިސްޓްރީން ބުނެފި

މިނިސްޓްރީން ބުނީ، އެ ސްކީމާ ގުޅޭ މައުލޫމާތުތައް ރައްކާކޮށްފައިވަނީ ކްލައުޑް ސްޓޯރޭޖުގައި ކަމަށް.

ހައުސިން މިނިސްޓްރީން ވަނީ މި ހާދިސާގައި މިނިސްޓްރީގެ އެއްވެސް މުވައްޒަފަކަށް ވެސް ގެއްލުންވެފައިނުވާ ކަމަށް ބުނެފައި.

އަލިފާނުގެ އަސަރު ނުކުރާ ލިޔެކިޔުމާއި ކަބަޑު ފަދަ ތަކެތި އިމާރާތުގެ ތެރެއިން ނެރުމުގެ މަސައްކަތް ސިފައިން އަންނަނީ ކުރަމުން. ނަމަވެސް އިމާރާތުގެ ބޮޑުބައެއް ވަނީ އަނދައިފައި.

އެންވަޔަރަމެންޓް މިނިސްޓްރީ ހިންގަމުން އަންނަ "ގްރީން ބިލްޑިންގ" އާ ހަމައާށްވެސް އަލިފާ ވަނީ ފޯރާފަ.

އެޗްޕީއޭގެ އިލްތިމާސް

އަލިފާނުގެ ހާދިސާއާއި ގުޅިގެން ސަމާލުކަން ދެންވީ ކަންތައްތައް:

•⁠ ⁠ދުމުގެ އަސަރުކޮށްފައިވާ ސަރަހައްދަކަށް ނުނިކުތުން. (ކޮންމެހެން ނުކުންނަން ޖެހިއްޖެ ހާލަތެއްގައި މެނުވީ)
•⁠ ⁠ދުމުގެ އަސަރުކޮށްފައިވާ ސަރަހައްދަކަށް ނުކުތުމުގެ ކުރިން އަނގައާއި ނޭފަތް ނިވާކުރުން.
•⁠ ⁠ނޭވާލާ ނިޒާމް އަދި ހިތުގެ ބަލިތައް ހުންނަ ފަރާތަތްކަށް ދުނުގެ ސަބަބުން ކުރާ ނޭދެވޭ އަސަރު ބޮޑުވުން އެކަށީގެންވޭ.
•⁠ ⁠ގޭގެ ދޮރުތަކާއި ކުޑަދޮރުތައް، އަދި ފެންލައިޓް ދުން ނުވަންނާނެހެން ބަންދުކުރުން.
•⁠ ⁠ނޭވާ ކުރުވުން / ނޭވާލާން އުނދަގޫވުން، ގަދަޔަށް ކެއްސުން އަދި ބޯ އެނބުރުން ފަދަ އަލާމާތެއް ފެނިއްޖެނަމަ ލަސްނުކޮށް ޞިއްޙީ އެހީތެރިއެއްގެ ލަފާ ހޯއްދަވާ

މި ވަގުތު އަލިފާންގަނޑު ވަނީ ވަރަށް ބޮޑަށް ކޮންޓްރޯލް ކޮށްފައި. އިމާރާތުގެ އެތެރެއިން އަލިފާންގަނޑު ފެންނަ މިންވަރު ވެސް ކުޑަވެއްޖެ. އަދި ކުރިއާ އަޅާބަލާއިރު ދުން އެދުން ވެސް ވަނީ ކުޑަވެފައި.

ކެޕްޝަން..

އެހެން އިމާރާތްތަކަށް އަލިފާން ފެތުރުމުގެ ކުރިން އަލިފާންގަނޑު އެއްކޮށް ކޮންޓްރޯލް ކުރުމުގެ މަސައްކަތް ދަނީ ކުރަމުން. އަދި ވީއައިއޭގެ ފަޔާފައިޓަރުން ވެސް މިހާރު ދަނީ އަލިފާން ކޮންޓްރޯލް ކުރުމުގައި ހަރަކާތްތެރިވަމުން

އަލިފާން މިހާރު ފެންނަނީ ކުޑަކޮށް، އެހެންނަމަވެސް ވަރަށް ގަދައަށް އަންނަނީ ދުން އަރަމުން

މާލޭ ރަށްވެހިންގެ މިލްކުވެރިކަން ހުރި ހުރިހާ އެއްޗެއް އެ އިމާރާތުގައި، މިހާރު ޑޮކިއުމެންޓްތައް ސަލާމަތް ކުރަން މަސައްކަތް ކުރަނީ