02 Dec 2024, 00:24
އިންގްލިޝް ޕްރިމިއާ ލީގުގައި ޗެލްސީ އާއި އެސްޓަން ވިލާ ބައްދަލުކުރި މެޗު ޗެލްސީން ކާމިޔާބު ކޮށްފިއެވެ.
ޗެލްސީގެ ދަނޑުގައި ކުޅުނު މިމެޗު އެޓީމުން ކާމިޔާބު ކޮށްފައިވަނީ ތިން ލަނޑު ސުން ލަނޑުންނެވެ. ޗެލްސީގެ ފަރާތުން މޮޅު ކުޅުމެއް ފެނުން މިމެޗު އެޓީމުން ފަށާފައިވަނީ ވަރަށް ފޯރީގައެވެ. މިގޮތުން މެޗުގެ ހަތްވަނަ މިނެޓުގައި ޗެލްސީން ވަނީ މެޗުގެ ލީޑު ނަގައިފައެވެ.
މިލަނޑު އެޓީމަށް ކާމިޔާބު ކޮށްދީފައިވަނީ ނިކޮލަސް ޖެކްސަންއެވެ. އަދި މެޗުގެ 36ވަނަ މިނެޓުގައި ޗެލްސީން ވަނީ އެޓީމުގެ ލީޑު އިތުރަށް ފުޅާކޮށްފައެވެ. މިލަނޑު އެޓީމަށް ކާމިޔާބު ކޮށްދީފައިވަނީ އެންޒޯ ފެނާންޑޭޒްއެވެ. މިލަނޑާއެކު މިމެޗުގެ ފުރަތަމަ ހާފު ނިމިގެންދިޔައި މިނަތީޖާގައި އޮވެގެންނެވެ.
މިމެޗުގެ ދެވަނަ ހާފުގައި ވެސް ދެޓީމުގެ ފަރާތުން ފެނިގެންދިޔައީ ދާދި އެއްގޮތް ކުޅުމެވެ. ޗެލްސީއިން ކާމިޔާބުކުރި ފަހު ލަނޑު މެޗުގެ 83ވަނަ މިނެޓުގައި ކާމިޔާބު ކޮށްދިނީ މިމެޗުގައި މޮޅު ކުޅުމެއް ދެއްކި ކޯލް ޕާމާއެވެ. މިމެޗުގައި އެސްޓަން ވިލާއަށް ލަނޑެއް ކާމިޔާބު ނުކުރެވުނު ނަމަވެސް ލަނޑު ޖަހާނެ ފުރުސަތު އެޓީމުން ތަނަވަސްކޮށްފައިވެއެވެ. އަދި އެޓީމަށް މައްސަލަ ތަކާ ކުރިމަތިވެގެންދިޔައީ ތަޖްރިބާކާރު ކީޕާ އެމިލިއާނޯ މާޓިނޭޒްއަށް އަނިޔާވުމުގެ ސަބަބުން ދެވަނަ ހާފުގައި ކުޅެން އެރޭގޮތް ނުވުމުންނެވެ.
މިއީ ވިލާގެ ކޯޗުގެ އުނާއި އެމްރީ އެޓީމާ ހަވާލުވި ފަހުން މެޗަކުން މޮޅުނުވެ ދާ އެންމެ ގިނަ ފަހަރެވެ. ވިލާ މިހާރުވަނީ މެޗަކުން މޮޅުނުވެ އަށް މެޗު ފުރިހަމަ ކޮށްފައެވެ. އެޓީމު އެންމެ ފަހުން މޮޅުވެފައިވަނީ ޗެމްޕިއަންސް ލީގުގައި ބޮލޯނިއާ އާއި ބައްދަލުކޮށް ދެ ލަނޑު ސުން ލަނޑުން މޮޅުވި މެޗުގައެވެ. އެހެން ކަމުން މިކަމުން އަރައިގަތުމަށްޓަކައި އެމްރީއަށް މިވަނީ ގޮތް ތަކެއް ނިންމަން ޖެހިފައެވެ.
ވިލާއާ ހިލާފަށް ޗެލްސީ މިހާރު ގުނަމުންދަނީ ވަރަށް ކާމިޔާބު ދުވަސް ތަކެކެވެ. މިގޮތުން ޗެލްސީ މިހާރު އުޅެނީ 25 ޕޮއިންޓާއެކު ތާވަލްގެ ދެވަނައިގާ އުޅޭ އަސެނަލްއާ ޕޮއިންޓްގެ ގޮތުން އަރާ ހަމަކޮށްފައެވެ. އަދި ވިލާ އުޅެނީ 19 ޕޮއިންޓާއެކު ތާވަލްގެ 12 ވަނައިގައެވެ.