26 Nov 2024, 15:04
ހުޅުމާލޭ ސްކޭޓް ޕާކު ސަރަހައްދުގައި ބަރަހަނާ ހާލުގައި އިއްޔެ އުޅުނު މީހާ މިހާރު އާއިލާއާ ހަވާލުކޮށްފައިވާ ކަމަށް ފުލުހުން މިއަދު ބުނެފިއެވެ.
ސޯޝަލް މީޑިއާގައި އިއްޔެ އާއްމުވި ވީޑިއޯއަކުން ފެންނަ ގޮތުގައި ހުޅުމާލެ، ސްކޭޓް ޕާކުތެރޭ އެ މީހާ ހުރީ ބަރަހަނާކޮށެވެ. އޭނާގެ ގައިގައި އެއްވެސް އަންނައުނެއް ނެތްއިރު، ސްކޭޓު ޕާކުގެ ފެންސް މަތީގައި އޭނާގެ ގަމީސް އޮތެވެ. ތިރީގައި ހެލްމެޓަކާއި ދަބަހެއް ވެސް އޮތެވެ.
ވީޑިއޯގައި އެ ވަގުތު އޭނާ ހުރީ ސިނގިރޭޓެއް ބޯށެވެ. ފުލުހުން ބުނި ގޮތުގައި އެއީ ދިވެހި ފިރިހެނެކެވެ. އެ މީހާ އިއްޔެ ފުލުހުންގެ ބެލުމުގެ ދަށަށް ގެންދިޔައެވެ.
އެ މައްސަލައާ ގުޅިގެން މިއަދު ފުލުހުން "ސަން"އަށް ބުނީ، އެ މީހާ ފުލުހުންގެ ބެލުމުގެ ދަށުގައި ބެހެއްޓުމަށް ފަހު މިހާރު އާއިލާއާ ހަވާލުކޮށްފައިވާ ކަމަށެވެ.
އެ މީހާއާ ދޭތެރޭ އެއްވެސް ފިޔަވަޅެއް އެޅިތޯ އަދި އެއީ ނަފުސާނީ ބައްޔެއް ހުރި މީހެއްތޯ ސުވާލުކުރުމުން އެ މައުލޫމާތު ފުލުހުން ހާމަކޮށްފައެއް ނުވެއެވެ.
ފުލުހުން އަދިވެސް އަންނަނީ މި މައްސަލަ ތަހުގީގުކުރަމުންނެވެ.