25 Nov 2024, 13:07
ހުޅުމާލޭ ރެޑްބުލް ސްކޭޓް ޕާކުގައި ބަރަހަނާކޮށް ހުރި މީހަކު ފުލުހުން މިއަދު ހައްޔަރުކޮށްފިއެވެ.
ސޯޝަލް މީޑިއާގައި ދައުރުވާ ވީޑިއޯއަކުން، ބަރަހަނާކޮށް ހުރި ފިރިހެނަކު ސްކޭޓްޕާކުގައި ސިނގިރޭޓެއް ބޯން ހުރި މަންޒަރު ފެނެއެވެ. އެ މީހާ ކައިރީ ޓީޝާޓަކާއި ހެލްމެޓަކާއި ދަބަހެއް އޮތް މަންޒަރު ފެނެއެވެ.
އެ މައްސަލައާ ގުޅިގެން ދިވެހި ފިރިހެނަކު ބެލުމުގެ ދަށަށް ގެނެސްފައިވާ ކަމަށާއި ބަލަން ޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.
އެ މައްސަލައާ ގުޅޭ އިތުރު މައުލޫމާތެއް ފުލުހުން ނުދެއެވެ.