24 Nov 2024, 11:13
މިދިޔަ ހުކުރު ދުވަހު ހުޅުމާލޭ ފުރަތަމަ ފިޔަވަހީގައި ތޫނު އެއްޗަކުން ފުލުހަކާއި މީހަކަށް ހަމަލާ ދޭން އުޅުނުކަމުގެ ތުހުމަތުގައި ހައްޔަރުކުރި މީހާ ޝަރީއަތް ނިމެންދެން ބަންދު ކުރަން ކޯޓުން މިއަދު އަމުރުކޮށްފިއެވެ.
އެ މައްސަލައިގައި ހައްޔަރުކޮށްފައިވަނީ އުމުރުން 33 އަހަރުގެ އދ. ދަނގެތި، ލިލީގެ ޙުސައިން ފާއިޤެވެ.
މިދިޔަ ހުކުރު ދުވަހު 18:30 ހާއިރު އޭނާ ހައްޔަރުކޮށްފައިވަނީ ތޫނު އެއްޗެއް ބޭނުންކޮށްގެން މީހަކަށް ހަމަލާ ދޭން އުޅެނިކޮށެވެ. ބައެއް މީޑިއާތަކުން ރިޕޯޓުކޮށްފައިވާ ގޮތުން، އެ ވަގުތު އޭނާ ހަމަލާދޭން އުޅުނީ ހުޅުމާލޭ ސަހަރާ މިސްކިތުގައި ނަމާދު ކުރާ މުދިމަކަށެވެ.
އަދި، އެ ވަގުތު ފާއިގު ހުއްޓުވަން އުޅުނު ފުލުހަކަށް ހަމަލާ ދޭން ވެސް މަސައްކަތް ކޮށްފައިވެއެވެ.
ފުލުހުން ބުނީ، އޭނާގެ ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން ތަހުގީގީ މަރުހަލާ ނިމެންދެން ބަންދު ކުރުމަށް އަމުރުކޮށްފައިވާ ކަމަށެވެ.
ނަމަވެސް، ކަމާ ގުޅުން ހުރި އިތުރު ތަފުސީލެއް ދީފައެއް ނުވެއެވެ.