28 Oct 2024, 19:10
ކޮންމެ ހުކުރު ދުވަހެއްގެ މަޣްރިބް ނަމާދަށް ފަހުގައި ހުޅުމާލޭ މަސްޖިދު ރަޝީދު މިސްކިތުގައި އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދުގެ ހާއްސަ ތަފުސީރު ކުލާހެއް ބޭއްވުމަށް ނިންމައިފިއެވެ.
މި ކުލާހުގައި އަލިއަޅުއްވާލެއްވުމަށް ހަމަޖެހިފައިވަނީ ކަހްފު ސޫރަތުގެ ތަފުސީރަށެވެ.
ކޮންމެ ހުކުރު ދުވަހަކު ހުޅުމާލޭގައި މިނިސްޓަރު ޝަހީމްގެ ތަފްސީރު ކުލާހެއް
މިކަމުގެ އިތުރު ތަފްސީލު ހިއްސާކުރައްވަމުން އިސްލާމިކް މިނިސްޓްރީގެ އޮފިޝަލަކު 'ސަން'އަށް ވިދާޅުވީ، އެ ތަފުސީރު ކުލާސްތަކަކީ ވަކި އުމުރު ފުރައަކަށް ޚާއްސަކޮށް ބާއްވާ ކުލާސްތަކެއް ނޫން ކަމަށެވެ.
ފާހަގަކޮށްލެވޭ ގޮތުގައި، އެކި މައުޟޫތަކަށް ބިނާކޮށް ކޮންމެ ހަފުތާއަކު އިސްލާމީ މަރުކަޒުގައި ވެސް ތަފްސީރު ކުލާސްތައް ކުރިއަށް ގެންދެއެވެ.